خابركم تحبون العلوم الزينه واليوم جايب لكم سالفة غريبة جرت احداثها علي وانا في مصر إبان زيارتي لها خلال 29/07/2008 حتى 2/8/2008 م
وقد كان التنويه بالرحلة على هذا الرابط
http://www.almouazeen.com/showthread.php?t=6838
المهم مالكم في طوالة الهرج في ليلة من الليالي وهي الليلة الأخيرة لي في القاهرة وهي الليلة التي بعدها رجعت للسعودية عبر البحرين.
المهم في حوالي الساعة الــ11:00 مساءاً قد تجهزنا انا وثنين من الجماعه للذهاب للعشاء وقد أتفقنا على ان نتعشى في المركب الشهير الـــSunset
فنزلنا من الدور الحادي عشر بالأنصاصير وعند باب العمارة الرئيسي تفاجأة !!
انني نسيت جوالي في الشقة فقلت لخوياي خلاص يالربع انتم وقفوا تاكسي وتفاوضوا معه وانا ابي أرجع اجيب جوالي...لحد كذا والأمور تمام التمام
المهم طلعت للدور الحادي عشر ووجدت هاتفي في الشقة ...
اخذته ونزلت عن طريق المصعد الكهربائي .
وعند نزولي كنت مسرعاً ففتحت الباب عند توقفه وهرولت للحاق باصحابي...لحد كذا والأمور طبيعيه
وبعد ان إقتربت من الباب الأساسي للعمارة وإذ بي أسمع كلاماً مبهماً ياتي من خلفي ..
التفت لأجد إمراة خمسينية ومعها أبنتها الصغيره (حوالي 16 سنة) يتكلمن بكلام لا أفهمه فرجعت لهما وقلت: أيه الحكايه يا حاجه ؟؟
قالت: مش تفتح عيونك يا أبني
كنت حاتخبطنا بالباب!!!!
قلت: يا سيدتي الفاضله انا لم أرك حتى اخبطك بالباب أصلاً.
قالت: نعم يا يروح امك ....أيه..أيه ما شفتناش يعني أيه!!!
قلت:هذي والله البلشه!!
قلت : يامدام انا آسف وحقك علي يا ستي ...قالت خلاص وهي زعلانه .
المهم لم أرد ان أشغل نفسي بحركات المصاريه!!
توجهت لخارج العمارة وإذا بالبواب أقصد (البيه البواب ) ههههههههه واقف ويقول لي: هم عايزين منك أيه يا فندم؟؟
قلت : هم عاوزيني امسك الباب ليهم علشان يركبوا في الأصانصير وأنا والله سائح ومش بواب !!
وانا قلت الكلام هذا ما ادري وشلون هالنسره سمعت كلامي عن بعد 20 متر وهي داخل العماره وانا برا!!!!
المهم وتناديني وتقول: انت بتقول أيه وتبدى الشتايم!!!!
بدون مقدمات
قلت: أيش الخبر يا ست ؟؟؟ وش المشكله استهدي بالله!!
المهم وهي تقولي تعال هنا !!! قلت: انا ولد مصاول ولده !!!
إلا انتي تعالي هنا يا كيسة الأسمنت.
المهم وانا طالع من باب العماره وإذا بزوجها جاي ومشغل الأسعاف ويسب ويلعن .
قلت: أستهدي بالله ..افهم السالفه ...أبك انا ماقلت شئ لهالبليه ..
أبك أنت وش فيك ويقعد يزبد ويسب السعوديه وكل الخليج ..
المهم ونتماسك انا وياه إلا خوياي جايين ويفرقون بيننا ويدخل للعماره والشباب يطلعوني من الباب عنه وانا كنت أبي أذبحه هاك الليل لوالا ستر الله وان خوياي فكوني من مصيبة لأنني كنت مظلوم ولم أفعل ما يستوجب كل هالقضية اللي طلعوها لذلك كان ردة فعلي قوية وكنت ذابحه ذابحه هاك الليله..
المهم يوم دخل في العماره ويروح يزبد ويقول كلام وانا أرجعله.
قلت لابوك لا بومصر وراك يا ........ واتناول لي شئ أبي اطخه به وقلت له: إذا انت رجال مثل ما تقول أطلع ياحمار .
والمشكلة مرته وبنته قاعدين هالحين يزودون فيه حنا عندنا في السعودية لما توقع مشكله بين رجل وآخر وزوجته او بنته حاضره تهدي في اخوها او زوجها أو أبنها !!!
لا هذي تبي تذبح زوجها ولو انه هاك اليله طلع لي الظاهر أبي أذبحه ..لأنه قهرني وانا مالي ذنب لدرجة ان الناس كلهم أستغربوا من تصرفه.
فتركناه بعد ان طلبوني الجماعة اللي معي اني اكف الشر وقلت علشانكم ولا هذا .....
والله ما يسوى جزمة سعودي .
المهم الجماعه اللي معي يسألونني لأنهم مادروا وشلون بدات الحكاية قلت :
يالربع علي الحرام حرم اني ما قلت لها شئ هالمخنزه ..
قالوا أجل وش اللي حصل وش هالبلوه ...
قلت : علمي علمكم وهذي اول مره تمر علي في حياتي مثل هالموقف الغريب حقاً!!
وعلى كثر سفراتي وترحالي لم يمر علي موقف مثل هذا!!
ولكنني فيما بعد توقعت انهم يريدون ان يتضاربوا وتقع إصابات ثم يطالبون بالتعويض ..
وانا والله ما طلعني من طوري يالربع إلا لأنني كنت مضلوماً ومشدوهاً مما وقع وغير مستوعب لهذا الموقف!!
لأن هذا المصري وزوجته قد طاحوا سب فيني وفي السعوديه والخليج بدون سبب مقنع ...
وكانهم فقط يريدون ان ينفسوا عن أنفسهم فربما الحشيش قد انقطع عنهم !!!!
ولكن اعود وأرجع وأقول:
من ترك داره قل مقداره
وسلامتكم
أبن مصاول
« آخـــر الـــمـــشـــاركــــات »
غير متواجد حالياً
رد : مجلس أبن مصاول ....للجميع أرحبووووووووووووو
