اقرب يابن ماجد

خلووووووووووووووووووها

الناس يامحمد ترى ماهيب لقمه من فطور=ومن مايقدر كلمة الريجيل سموه اجلمه
ولاضنتي حصني يابن ماجد يخاوي له نمور=ورجل شرهاته على نفسه وخطوات اقدمه

صح السانك يابو ريان وشكرا على الحضور ياخوان والله لايهينكم وبيض الله وجيهكم


ساذنكمممممممممممممممممممممم جميعاااااااااااااااااااااااااااااااااً


محاورة ممتعه مع ابوريان وننتضر التنسيق تصبحون على خير

صح بدنك وشكرأ للجميع وشكر خاص لخوي عز الخوي ماقصرت في تواجد الملحوض

بيض الله وجيهكم يالشعار ومحاورة قمة في الروووعه والله لا يهينكم

محاورة متميزه من شاعرين رائعين صحت السنتكم جميعا واعتلى شانكم

والاتصال مايساعد من اليوم يفصل وضعيف جدا

انتظروا تنسيق القصيدة

الله الله
صحة ابدانكم
شهادتي فيكم مجروحه
يعطيكم العافيه

المحاورة بتاريخ 22/5/1431هــ

مجري خضر
يامرحبا ترحيبتن تضفي على كل الحضـور=من شاعر(ن)تقدح مقابيس الوغا من محزمه
تعال يامحمـد بجنبـي لاتلـف ولا تـدور=واليا عطيتك علم لاتنسـاه فصـدر الزمـه
محمد ماجد
دام البقاء للشاعر الي كل ما غنا يفور=يفور له دماً حمر ما هو كما دم احلمه
جيتك يابو ريان وشعوري ماهي بيت شعور=احزم حزامك واحتم الي جيت به لي احتمه
مجري خضر
خلك قريب لين ناذن لك برخصـه للعبـور=ومسك طريقك لاتضيع مع طريق المردمـه
مالك ومال امجاهد الدنيـا وعـدك لشهـور=من كثر ماتحسب سنين العمرراح الك ارزمه
محمد ماجد
ماني بحاجه للاذن يا هو جار الوقت جور=ماني بحاجه للوصيه ياموصي من فمه
يالشاعر امجري خضر صقراً شلع بين الصقور=وصطاد من صيد السماء اكيد يشبع بالحمه
مجري خضر
الله هو الي عالمن ماكـن وخفتـه االصـدور=ونته ليا منك بنيـت السـاس حضـك يهدمـه
حرصك يابن ماجد على نفسك معرضك النسور=يومن بعض الخلق متساوي وجـوده وعدمـه

محمد ماجد
الله هو الي والين للخلق رحماناً غفور=انا ليا مني قدعت التمر يفداك اعجمه
قلتلك لاكن انت يامجري على محمد غيور=يومن بعض الناس يرفع له علم ماهو علمه

مجري خضر
احيان نور البدر يدخل في ضلام وفي فتور=وتسمع لسبع الليل فالضلمه يجيله همهمـه
لابارك الله في ديارن شعبها عمين وعـور=ونته من الشفقه تخمخم يابن عمي خمخمه

محمد ماجد
عسى الجنون اتخمخمك جمله وتطلق امعصور=عرفت انا ماتقصده قصدي عليك امحرمه
لابارك الله في صديقا في صداقتنا يبور=واصلك انا في طرقةً راحت توال هل ارضمه

مجري خضر
انا اعرف انك شاعرن مافيك حيله ومخبور=ولي مايشهـد بالحقيقـه للحقيقـه نزهمـه
فاحت غضب مماحصل ياصاحبي كل القدور=لاكن شد الحبل ولـي جـاك لازم تحسمـه

محمد ماجد
وانا اعرف انك شاعر فالشعر شاعر ومحفور=لاكن انا خايف عليك ابجرحك انطال اسقمه
فاحت غضب ولا حولم ياصاحب منت امعذور=وانت الحقيقه شاعراً مثلك لبد ان ارقمه

مجري خضر
ابحث عن الاخبار ون حصلت قل تم العثور=على بواقي مابقي مـن ذكريـات الملهمـه
ونعودت لاخر خبر ياطق طبل وطق زور=عن شايبن يسرح ورا ذوده ويرعى بغنمـه

محمد ماجد
ياصاحبي لاصرت شاعر ما يبي شعرك نشور=والا المقفي ما اطرده وليا عرض لي الهمه
لي بشت واحد دقته وحده ولافيها قصور=من هاجساً يابن خضر يكتم عدوي بنسمه

مجري خضر
بعض العرب صنف مقر وبعضهم صنف عبور=ياكاتبـن ماطلعـه تحريـر ماخـط اقلـمـه
تخطـي حساباتـه ولافكـر بعقلـه فالامـور=ونشاف له عابر سبيل ايغيـر يمـه وعزمـه

محمد ماجد
بعض العرب ياصاحبي ودك تسلمه المرور=ويخالفه مامعه رخصة سير ثم ايعلمه
وبعض العرب ندعيه يامجري على افراح وسرور=خل المريض الي لافاه الطيب ثم ثار اشممه

مجري خضر
الناس يامحمد ترى ماهيب لقمه من فطـور=ومن مايقدر كلمة الريجيـل سمـوه اجلمـه
ولاضنتي حصني يابن ماجد يخاوي له نمور=ورجل شرهاته على نفسه وخطوات اقدمـه

صح لسان الشاعرين مجري خضر ومحمد ماجد الميزاني
وبيض الله وجهك أخوي عز الخوي على التنسيق الرائع

صحت ابدانكم جميعاً ونيابه عن اخوي امجري وشكرا على المرور والتعليق جميعاً

شكراً للشاعرين مجري خضر ومحمد ماجد على ما قدموه والشكر موصول إلى مشرف الأدبيات المميز/ عز الخوي للجميع تحياتـــــــي؛؛؛؛؛؛