الــمــجلــس الـــلــي يــجــلــب الــهــــم راعـــــيـــه

بسم الله الرحمن الرحيم
مصافحه اولى
اهلي وابناء عمومتي(الموازين) الى من يهمه الامر في هذا الصرح الاعلامي الكبير
السلام عليكم ورحمة الله وبركاته
ها انا جئتكم لا احمل في جعبتي الا الشعر لكي انشر عدد وافر من قصائدي على صفحات
منبركم الاعلامي الغالي فهل توافقون على تواجدي بينكم؟؟؟؟وهذه ابيات بسيطه اهداء مني
لكم وارجو من الله ان تنال اعجابكم اخوكم الشاعر:عبدالرحمن العقيلي المطيري

الـمجلــس اللـــي يجلب الـهم راعــيه = خـــله ولـوتعـــجبك حــمسة دلالـــه
خــلـه ولو انــك عـلى الـكبـد تغــليه = والــلي يــزيــد الــجرح مــاينشكـالـه
اعـرف قيـاس البـير قبـل تهـوي فيـه = واسئــل عــن الــرجـــال قبل اتعناله
واحــذر تحــط الــزرع في غــير واديــه = لــو هلـت بــروقــه وخــييـل خــيالـه
وحذراك ثم حذراك من ســاس تبنيه = احــذر تـحـط الـســاس بـ ارض هيالـه
عليك بالـعــالي وشيــيد مــبانيــيه = مثــل الــرواسـي شـامـخـات جـبالــه
الساس يعني الــشي بـ اول مباديـه = وكـــل المـعـــانــي وارده بـ احـتمـاله

صح لسانك واعتلى شانك وياهلا ويامرحبا وسعدنا بتواجدك معنا وان ماشالك المنتدى تشيلك عيوننا

صح لسانك اخوي عبدالرحمن العقيلي

وياهلا ومرحبا مليون مره ومصافحه جميله ورائعه وننتظر جديدك وابداعاتك

اخوك ابن مشدد

الاخ الشاعر القدير عبدالرحمن العقيلي يامرحبا ومية هلا والله انها الساعه المباركه الي شرفتنافيها طال عمرك
وانت شاعر معروف وغني عن التعريف

واكرر ترحيبي بك وانت بين اهلك وربعك فأهلا وسهلا مرة اخرى

يا هلا ويا مرحباً بك يا ولد عباد بين اخوانك وبني عمك وصراحة مداخلة قوية جداً وقصيدة تنطف حكمة لدرجة انني أكاد أراها تخرج من ثنايا هذا الموضوع , قصيدة جزلة وشاعر جزل يفرض نفسه وبقوة على كل من يطلع على قصائده فأهلاً وسهلاً ومرحباً بك بيننا شاعر وعضو قدير نسعد بالساعة التي أنضممت فيها الينا..

وتم نقل الأخ عبدالرحمن الى مجموعة المتميزين وتعريف به كشاعر تحت أسمه ويستاهل وهذا أقل شئ ..

أبن مصاول

صح لسانك اخوي عبدالرحمن العقيلي

صح لسانك واعتلى شانك وياهلا ويامرحبا وسعدنا بتواجدك

تنقل القصيدة لشعراء منتديات الموازين . لأن الشاعر عبدالرحمن العقيلي اصبح الأن من شعراء منتديات الموازين.

صح لسانك ولاهنت
وحياك اخوي

عبد الرحمن العقيلي صح لسانك على القصيده

والله يحييك بين اخوانك اعضاء منتدى الموازين


مرحبا الف مرحبا الف بيننا