يالليل والله مابقى شي ينقال

اخوني جميع اعضاء منتديات الموازين

هذه القصيده اعجبتني واحببت ان انقلها لكم

(طُرْفَهْ) نَقَشْ (خَوْلَه)على وجه الا طلال=بَمْعَلَّقَـةْ شِعْـر ٍ تَـوَفّـى بَطَلْـهَـا
قامت تَنَا قلهـا علـى مـرّ الأجيـال=قلـوب خـلاّنٍ عفـيـفٍ غزلـهـا
وانا،(نِقَشْت) اللي غلاها،بـرا الحـال=على الضلـوع اللـي غرامـه نزلهـا
يا ليل،خبّـر صاحبـي طيّـب الفـال=إنّ القصايد،فيـه قُمـت ارْتِجِلْـهـا
وأصْبَحْت أغَنِيْها علـى كـلّ مـوّال=وَأنْــزِلْ بواديها.وَاعنّز:جِبَـلْـهَـا
ياليـل وهمومـي كبيـرات وثْقَـال=وإن كان تقوى شَيْلَهَا(هـاك، شِلْهَـا)
ياليل تصفقنـي مـن الجـال للجـال=هواجـس ٍ تَعْمَـلْ بِرَوحـي عَمَلْهـا
ياليل انـا لـي مُـدِةٍ ضايـق البـال=ومدري متى الضيقـه معـاك أعتزلهـا
ياليل ياللّي بيـن الاحبـاب مرسـال=إن كان عندك سالفـة حِـزِنْ قِلْهَـا
ياليـل والله مـا بقـى شـيّ ينقـال=ومراكب الأحبـاب راحـت بَاهَلْهـا
اللي بقـى ،ضيقـه، وحُرْقَه،وغربـال=وصوتٍ على بُعْد الْمَدَا مَـا وُصَلْهَـا
وطعون يأس ٍجَرَّحَتْ صـدر الامـال=وكذبـة فَـرَح (ثَغْرْالزمان)انتحلـهـا
ياليل غاب اهلال ،وهـلال ،وهـلال=ومابان مـن روحـي بحبّـه شَغَلهـا
ياليل وين اللي زَهَـتْ حَبَـة الخـال=فـي خَدَهـا وأتْعَـبْ رضاها،زَعَلْهَـا
(التحفه) اللّي لاَ طَرَقْهـا الهـوا مـال=خِصْر ٍ يِشِدِّه حَوْضٍهـا اللـي نِقَلْهـا
ريميـةٍ لاَجَـتْ (تِبَخْتَـرْ وِتِخْتَـالْ)=أرْثَـعْ بِرِيْضَـان الضمايـر جِمَلْـهَـا
في جيدها شالـت قـلاده بسلسـال=يتيمـةٍ والصـدر شـيـخٍ كِفَلْـهـا
ريمٍ ٍ إلى (ذَابَتْ حَيَا)وَارْخَـتْ الشـال=(الغيم يَتوراى خَجَـلْ مِـنْ خَجَلْهـا
نَجْل العيون اللي بها(شمـس وظـلال)=مـن غَيَّهَـا مَاجَاوِبَـتْ مـن سئلهـا
(وحمرالشفاه)اللي عليها الشَّهَدْ،سـال=كِـنْ الثَّغَرْ(مَنْحَـلْ يصَدَّرْعَسَلْـهَـا)
ياليـل خَبِرْهَا:عَـنْ الغـاوي الضّـال=اللـي طعـون افراقهـا مَاحْتِمَلْـهَـا
وياليل جـرح افراقهـا حـيّ مـازال=في روحي اللـي مـن زِمَـنْ تعتقلهـا
وياليـل هـذي عقدتـه دون حـلاّل=بين العـروق اللـي بجسمـي فتلهـا
الحظ فيني مـال والوقـت بـي مـال=ميلـة بَخَتْ،عيـا الزمـان ايْعَدِلْهَـا
ياليل عطهـا زبـدة الهـرج بالحـال=قلـبٍ هواهـا مـايِـدَوِّر بِدَلّـهَـا
وقل مستحيل انسى وَلَوْ هَجْرَهَا طـال=والـروح تِدْمِنْهَا:وقلـبـي ثِمَلْـهَـا

عبدالله سماح المجلاد

ابو ناصر انت جزل ولاتنقل الا الجزل والشاعر عبدالله المجلاد العنزي شاعر معروف وله بصمته في شاعر العرب والدليل هذه القصيده الجميله

صح لسااااااانه وسلمت على النقل الجميل

صح لسان الشاعر / عبدالله سماح وسلمت يدك يابو ناصر على النقل الجميل لهذه القصيده الرائعه

صح لسان الشاعر/عبدالله سماح المجلاد.ولاهنت يابو ناصر على النقل

صح السانكـ اخوي وبيض الله وجهكـ
شـكــ وبارك الله فيك ـــرا لك ... لك مني أجمل تحية .

صح لسان الشاعر عبدالله سماح وسلمت اخي سيف الراشد على النقل الرائع

صح لسان الشااعر

وسلمت يد ناقلهااا

شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .

صح لسان شاعرها
سلمت ايد ناقلها