عيني عليك

عينٍ عليك وعين لدمعة طريق=تذرف ودمع العين يا الترف ادهما
تذرف تطيق العين ولا ما تطيق=وجحد و داري ولبكا لك همهما
عشان عذالي اذا شافً مفيق=ما يقول يا صاحب هذا ليه ولما
يشوفني مبسوط ما في الصدر ضيق=ويضيق صدره يا الخليل ويندما
يا خل وثقت الغلا حبله وثيق=نما نما حبك بخفاقي نما
اشرب هواك معَ الزفير معَ الشهيق=أتنفسك يا الترف وروى بك ضما
واطفي بك أضلوعي إذا شبت حريق=قل ليه وأنت ألي لجرحي مرهما
ما طيق بُعدك هيه يا الغالي ما طيق=أحلم طويل العمر با القلب أحلما
وصفك ما شافه عاشقٍ لا في عشيق=لو طل غيري في ملا محك أنعما
قلبي يهيم من العليق اليا العليق=يهيم بك وشلون وشلون ارحما
رفيق عمري يارفيقي يارفيق=رميت قلب العاشق الي مرما
وصفك دقيق وكل شيٍ بك دقيق=يا جعل عينٍ ما تشوفك تسقما
خدك على ضؤ القمر جاء له بريق=يا ألؤلؤ المكنون يا عذب ألما
والمرمر الي من لحضهن مايفيق=من شافهن ما يسلما ما يسلما
والخشم سلة سيف له حدٍ يريق=دم العداء إذا مكن ما يرحما
والرمش لا سلهم على خدٍ رقيق=يرمي بنار الشوق لا منه رما
و دمعي تريقه ليه شف خدي غريق=هو ليه تجرح خافقٍ بك مغرما
هذي هي الدنيا اذا زانت تضيق=وان ضاقت الدنيا تزين وتنعما
كم فرقت ما بين معشوق وعشيق=وكمْ كمْ وكمْ و كمْ كمْ كمْ وكما
كم وصلت من عاشقٍ حد المضيق=وكم وصلت من ناس لنجوم السما
لكن لك معلم بخفاقي عريق=وضلوع قلبي يحرسٍ المعلما
اسمك على اسم ألي عشق راع الحريق=ألي بها يا صاحبي هام وهما
اشفق عليك وكل شيٍ بك يليق=والحب حمل ولا شكاه متيما
لبيه يا حملٍ كبر قمة طويق=لبيه لا شيلك وفيك أتجشما
يليق يوم انه الغيرك ما يليق=احتم بقلبي يأدعج العين أحتما
يوم إن عين وعين الدمعة طريق=ويوم إن دمع العين يا الترف ادهما

صح لسانك وعلى شانك يامتعب وبيض الله وجهك

المشاركة الأصلية كتبت بواسطة عادل الشلاحي

صح لسانك وعلى شانك يامتعب وبيض الله وجهك

هلا ومليون هلا يابن العم



صحبدنك ولاهنت


وجهك ابيض


تحياتي تقديري المرور العذب

صح لسانك يالشاعر متعب المينيح ولا هنت على هذه الرائعه وأنا أشهد أن (هيا) لعبت بخفاقك لعب .

أستمتعنا بهذه القصيدة ولا هنت

لي ملاحظة بسيطه وهي:

كـم فرقـت مـا بيـن معـشـوق وعشـيـق**وكــمْ كــمْ وكــمْ و كــمْ كــمْ كــمْ وكـمـا<<<<كم جاءت هنا حشواً مع ان صدر البت كان رائعاً

أخوك أبن مصاول:مستمتع بكل ما تفيض به قريحتك

المشاركة الأصلية كتبت بواسطة أبن مصاول

صح لسانك يالشاعر متعب المينيح ولا هنت على هذه الرائعه وأنا أشهد أن (هيا) لعبت بخفاقك لعب .

أستمتعنا بهذه القصيدة ولا هنت

لي ملاحظة بسيطه وهي:

كـم فرقـت مـا بيـن معـشـوق وعشـيـق**وكــمْ كــمْ وكــمْ و كــمْ كــمْ كــمْ وكـمـا<<<<كم جاءت هنا حشواً مع ان صدر البت كان رائعاً

أخوك أبن مصاول:مستمتع بكل ما تفيض به قريحتك

يا هلا ومليووون هلا بكحيلان




مرورك عذب وانت اعذب



اعذرني على التاخر با الرد لظروف خارجة عن لارادة يعلم الله


انت عزيز من ناس عزيزين عل القلب اخي الكريم


ولكن بخصوص ملاحظتك فلا اعتقد كذلك


لان كثير من الشعراء المخضرمين ينهجون هذا النهج وهو ليس لتكرار كما اسلفت ولكن لتاكيد واكبر دليل على ذلك الشاعر ولاستاذ /ناصر الفراعنة
ابن مصاول ملاحظتك تنم عن اهتما كبير وبالغ لك مني جزيل الشكر والتقدير
اخي الكريم

تحيــــــــــــــــــــــاتي

صح لسانك وشكراُ لك على هذه القصيده الرائعه ..

تقبل مروري واعجابي ..

سلطان القحم.

مساك بالخير اخوي متعب ويعطيك العافيه على هذه القصيده

وكــمْ كــمْ وكــمْ و كــمْ كــمْ كــمْ وكـمـا

بعد هذا البيت نبي نلقبك بالفراعنه



او فـــرعـــون المــوازيــن ههههه


تقبل مروري / أبو أحمد

المشاركة الأصلية كتبت بواسطة سلطان القحم

صح لسانك وشكراُ لك على هذه القصيده الرائعه ..

تقبل مروري واعجابي ..

سلطان القحم.

اخوي سلطان لاهنت على المرور العذب




صح بدنك




تقديري وحترامي

المشاركة الأصلية كتبت بواسطة راس الضلع

مساك بالخير اخوي متعب ويعطيك العافيه على هذه القصيده







بعد هذا البيت نبي نلقبك بالفراعنه



او فـــرعـــون المــوازيــن ههههه


تقبل مروري / أبو أحمد

ابو احمد حياك الله





ولاهنت على المرور العذب




اصدق لامنيات