قصيده غزليــــه للشاعر مــحــمد عامر بن نـــــيف

الســـلام عليكم ورحمة اللــــه وبركاته

انقل لكم هذي القصيده الغزليه للشاعر محمد عامر بن نيف

يذكرني طلـوع البـدر خلـي=إلى منـه بـدا نـوره وطلـي
تغالـط طلتـه طلـة حبيـبـي=إلى منه طلعلي قمـت أهلـي
تقل ما اعْرف من اللي بالبسيطة=ومن ذا اللي وراء الغيم متعلي
شبيـه البـدر لا ودع سمايـه=تداعى الكون حولي واضمحلي
تضيق النفس لي منـه تـوارى=وتسعد كل مـا كـان متجلـي
سلام الله علـى هـاك المحيـا=ونـور مـن جبينـه مستهلـي
يقول البدر أنا انزل في مكانـه=ويطلع باهـي الطلعـه محلـي
ألا يا بدري اللي مـن هلالـه=وانا ارقب حسبته لين اكتملـي
اتابع سريته وارصـد مـداره=من المطلاع ليـن إنـه يفلـي
يباين لي على غيابـه كواكـب=ولكن كنهـن مـا باينـن لـي
تحلن بالضياء مثلـه .. ولكـن=خذن منـه الحـلاوة بالتحلـي
وأنا لو جيت ابا خذ منه فيهـن=وش آخذ من بهاه أويش أخلـي
يعز الصبـر اطالعهـن دقايـق=ولو نظرات من بـاب التسلـي
مابين الجدي وسهيـل اليمانـي=اقلّب نظرتي واقول مـن لّـي
عقب بدري غدا ليلـي متاهـة=بهت ما كان لامع حيـن هلـي
أنا وسهيـل والنجـم الشمالـي=على دروبه نضيـع ونستدلـي
يغيب وصورته فالبـال تبقـى=ملازمني خيالـه مثـل ظلـي

الشـــاعر محمد بن نيف

اتمنى نالت إعجابكم

صح لسان الشاعر ولسانك يالطود على هذا النقل الجميل


سجل إعجابي بك






أخوك

أحمد بن سعد الهضاع

صح لسان الشاعر الكبير محمد بن نيف على هذه القصيدة الجزله:

يغيب وصورته فالبـال تبقـى=ملازمني خيالـه مثـل ظلـي

صح لسانه الف ونشكرك اخي الطود على نقلها لنا ونرجوك ان تمدنا بالمزيد لهذا الشاعر المبدع..

أخوك ابن مصاول

مشكور اخي الطود على نقلها لنا ونرجوك ان تمدنا بالمزيد لهذا الشاعر المبدع..

اسعدني مرورك اخوي احمد الهضاع