بسم الله الرحمن الرحيم
السلام عليكم ورحمة الله وبركاته
أمابعد
هذه القصيده تعبر عن نفسها وخير الكلام ما قل ودل
واتمنى ان تحوز على رضاكم
يا معشر الشعار والمعنى على بيت القصيد = واللي ما يعرفها يخليها تروح ابفالها
الشاعر اللي لا تكلم ما يفيد ويستفيد = احسن يخليها بصدره مقفله بقفالها
ترى الشعر يجري مجار الدم في وسط الوريد = قصيدة الشاعر تبين قيمته لا قالها
اما تسلم قمة الابداع من ساع البريد = والا جمعها وسط خرجه كلها وشتالها
اما نظمت الشعر واسعدت القريب والبعيد = وإلاعن التهريج كرم لحيتك واسبالها
واللي يبي يطلع على القمه وهو ماله رصيد = والله ليبطي في مكانه حاجته ما نالها
بكره إليا بانت عليه الشمس وانزاح الجليد = يبي يضيع يدور الحيله ولا يحتالها
لا صار ماهو قد للميقاف واليوم الشديد = لا يتعب اركابه سوات أعقيل هي وجمالها
معروف بالأمثال مافك الحديد الا الحديد = والنفس مهما كان ما تجزى بغير أعمالها
واللي يخليها كذيا تايهه من دون قيد = يصبر على جور اليالي دقها وجلالها
وأنا ما حددها ووجها لزيد ولا عبيد = لكن به ناس[ن] تعيل وشارب[ن] فنجالها
أخوكم / سعود بن مجاهد بن مصاول
« آخـــر الـــمـــشـــاركــــات »
غير متواجد حالياً
بيت القصيد
