تقدم لاتجي خلف الصفوف ووراها ( عايض الحريص )

اصلح البيت ياعايضض

أي بيت ياذيب

وبعد نصف ساعه

وش نصلح ياذيب ماهو بيت اللي يبي تصليح بيوت

لكن تصبح على خير

ذيب سحمه
عايض الحريص
بيض الله وجيهكم على المحاوره لوانها قصيره
مع انا استمتعنا بها كثير لكن ماطولت
.

يعطيكم العافيه وماقصرتوا
صح السنتكم الشاعرين وبيض الله وجيهكم على هالمحاوره الجزله والمعاني القويه

ذيب سحمه

الا يامرحبا يالحريص قدر واعجـاب=تقدم لاتجي حيد الصفـوف ووراهـا
مدامك تسري الليل مع عكفان الأشناب=بودي نسري الليلـه ونبحـث خفاهـا


عايض الحريص


يدوم لك البقا يالمرحب وأفتح البـاب=ترانـا نوصـل القافلـه لا منتهاهـا
أنا خابرك تسري ولو تاطأ على الداب=ماعيب رجلك اللي مفطرهـا حفاهـا

ذيب سحمه

الذلول الهامله مانحملهـا الزهـاب=وانت تشرب من لبنها وتركب علاها
ماحسبت لراعي العلم والعالم حساب=من يدورها كـذا والله انـه لقاهـا

عايض الحريص

أنا للدلـه الناقصـه مانـي بشـراب=بكيف القهوجـي صبهـا والا كفاهـا
بعد علي الدجيما أنكسر في ذيب صباب=وشق سلندره والمكينـه صـب ماهـا

.

صح السنتكم وبيض الله وجيهكم

وان شاء الله نكون متابعين معكم في المره القادمه

الله يعطيكم العافيه عايض غني عن التعريف
والشاعر ذيب سمحه يثير الاستغراب حول هذه
المحاوره
بسراحه غير ذيب سمحه الذي كان محاوراته الماضيه
جيده ولاكن هذه المحاوره غيرت مساره تسعين فالميه
البيوت الاوله تختلف تمامآ عن لحن البيوت الثانيه ولاتجي
على الابيات الاولا
وعلى مقال الشاعر عايض يمكن احد استخدم النك والله اعلم

المشاركة الأصلية كتبت بواسطة علي حميدان الدجيما

الله يعطيكم العافيه عايض غني عن التعريف
والشاعر ذيب سمحه يثير الاستغراب حول هذه
المحاوره
بسراحه غير ذيب سمحه الذي كان محاوراته الماضيه
جيده ولاكن هذه المحاوره غيرت مساره تسعين فالميه
البيوت الاوله تختلف تمامآ عن لحن البيوت الثانيه ولاتجي
على الابيات الاولا
وعلى مقال الشاعر عايض يمكن احد استخدم النك والله اعلم

الله مير يصلحك للمره الثانيه ..

وأنت والله اللي تثير الاسغتراب .. تعوذ من ابليس يا رجال ترى السالفه ماتسووى .

وذيب سحمه مااهو بحاجه كلامك .

.

المشاركة الأصلية كتبت بواسطة عايض الحريص

وش نصلح ياذيب ماهو بيت اللي يبي تصليح بيوت

لكن تصبح على خير

الشاعر / عايض الحريص


لك كل الأحترام ..

ولاهنت على كل حاال ياطويل العمر .

.

يعطيكم العافية جميعا على المحاورة لكن فعلا كانت قصيرة


وبيوت ذيب سحمة كلها مضبوطة من ناحية اللحن والوزن مدري ليش الاستغراب يا أخوان


يعطيكم العافية و بانتظار مثلها وأحسن ,.,