قصيده مرثيه في المرحوم / / الشيخ مطر معوض الميزاني
من أخيه الشاعر / / مخلد زايد الميزاني
(( المرثيه ))
لعلك للجنان الخضر ياالي رحت في شعبان=عسى منزالك الفردوس دايم جالسن فيهآ وأنا وشلون مبكي وانثر الدمعه من الاعيان=وتسري بي همومي فالخلا وامشي وآخويهآ ليا مني صحيت أقول هاذي قدرت الرحمن=وسبحان الذي يخلق عباده ثم يحصيها وأنا مؤمن وأعرف الاجل محتومن علىالانسان=وأعرف الموت سنه فالاوادم لين يفنيها لكــن اليا ذكــرت الموقف الي يجلي الاحزان=اقوم وان عيــوني تشابك في عباريهــآ مواقف الشجاع الحر الاشقر ظافي الجنحان=يحسب كلمته قــدام يطلعهــا ويبديهـــا ليا منه جلس وسط المجالس كنه السلطان=صدور الربع يفرحهـا وعين اعداه يعميها جبل والله جبل يا طيب وصفه ثابت الاركان=كفى الله شر هـالدنيآ و يا مكثر بلاويهآ عسى قبره بساتين شجرهآ مايل الاغصان=يحوفنه بنات الحور والاحزان ناسيها ابا ادعيله وابدعي واترجا الله عظيم الشان=يوسع منزله في جنتن مبعد مناحيها وانا ما أنساه لو طال الزمان ودارت الازمان=الا يالله تصبرنا على الدنيا ومافيها
الله يرحمهـ ويسكنه فسسيح جناتهـ
التعديل الأخير تم بواسطة الفيصل ; 24 - 08 - 11 الساعة 07:06 AM
أن تبوح بسرك لصديقك المقرب وتوصية بأن يسجنه في قفص صدره وتشرح له أهمية المحافظة على الأمانة .. وتنام مطمئناً متخففاً من همك وسرك .. ثم تستيقظ في الصباح على صوت أسرارك ينطلق كالأغنية من أفواه الآخرين