قصائدي في رثاء سلطان الخير رحمه الله - بجريدة الرياض

أضغط على العنوان
الطيب والمعروف والجود ينعاك

مرحــوم يارمـز الفخـر والـشـهامه = الطـيـب والمعـروف والجـود يـنعاك
ويـنعى الكرم في غـيـبـتك فـقد هامه = ورمزٍ من رموزالسخاء من عرفناك
ولـلخــيـر وسـمّوك : سِجّـل وعَلامه = ومـايـنـذكـر الإحـسـان لوما ذكرناك
ويــنـعـاك من ذلــه زمـانـه وضـامه = ثـمْ أنـتشـلـته من عطاء فـيض يمناك
ويـنـعـاك كل من لـه تـحـقق مـرامه = والـفـضـل بعـد الله لكـثرة عـطاياك
مرحـوم يـا أمـيـر الـسـمو والكرامه = يـهـنـاك حـب الـناس يـامـيـر يهـناك
في حـب شخـصك ماعلـيـهم مـلامه = بــقـلوبـهم يامــيـر سـلـطان سـُكـناك
وحب الـبـشـرلـلعـبـد بُـشرى كـرامه = وفال طِيْـب وخـيـر/ من حب مولاك
والكل في العـــالم يـكـن احــــتـرامه = ويـذكرمـناقـبـك الجـلـيـله وحـسـناك
عـقـب الـسبت من يـشبهك في كلامه = وكل ماتـلـفــتــنـا هـنـا: ما وجـدنـاك
وعقب السبت من وين نلقى إبتـسامه = ومن يستطيع إحضارها دايم سواك
وعقب الـسبت نبكي هـنا : فـقـد قامه = ورجلٌ من رجال السياسه والإدراك
رجــل الــتـقى والــديـن والإسـتـقامه = مالــك هــنـا نـــِــدٍ ولا نـــِـدٍ هـناك
وبـوسـط دُور ارواحــنـا لـك إقــامه = خـالـد يـابـوخـالـد ولـ أحـدٍ بـيـنـساك
صابت نهار الـسـبت عـقـبـك قــتامه = واظـلم عـلـيـنا الـكون لـما فــقـدنـاك
والـلـيــل لي مـنـه سـجى في ظـلامه = تـشكي الـقلوب وتـبكي العـين فرقاك
وش هوعـزاء الـلي مايـشوفك امامه = والصبح موحـش دون طـلعة محـياك
غـيـر الـدعاء لـك لـين لـيوم الـقـيامه = الله يجـــعـل جــــنـة الخــلـد مــثـواك
الكل يــمــم يــــم قــصـــر الـيـمامه = مدري يعـزي فـيـك أو يـقـبـل عـزاك

أضغط على العنوان

كلن يردد قول مرحوم مرحوم
…

الـشــعـر بـالأحــزان والـوجــد مـكلـوم = ومن الأسى هـلـت دمـــوع الـقـوافي
صدمه ذهـول انـتـابـت العـقـل ووجـوم = من هـولـهـا عـيــّت تـحـرك طـرافي
واصبحت من وقـع الـنـبأ حـيـل مهموم = وتـقـزم الهـاجـووس رغـم احـتـرافي
وكن الـقـصـيـد بْحـضرة الحزن منجوم = ومـالـــوم خـــفّـاقي ومـا لـوم قـــافي
مانيـب وحدي صُبح هالـسبت مصـدوم = كلن عـليه من الحــزن ثــوب ضـافي
لاعـاد ربـي عالـعـــرب مـثـل هالـيـوم = الـلـي نــودع بـه الامـــيـر الـسـنـافي
فـقــدت بــه الأمــــه زعــيـم ٍ وزيــزوم = فـضـلـه عـلى الاسلام ماهـوب خافي
سلطـان أبـو خــالـد سـنـد كل مـضـيـوم = غــيـر الـذي يـدعـون لـه بالـمـشـافي
الـبـِشِـر بـمحـــيـاه واضـــح ومـرســوم = ولـلخــيـر في نـفـسـه وقـلـبـه مـرافي
سـلـطان خـير.ومـدرسـة طـيـب وسـلوم = وجــود وكـرم مـثـله في الكون مافي
والـيـوم غـطـت جـوّنــا عـقـبـه غـــيـوم = ونـور الـبـلـد من فـقـد سـلـطان طافي
وحـيــث الأجـل أمـرٍ مــقـدر ومـحـتـوم = والـمـوت مـهـما طــوّل الـعـمـر لافي
نـســـالـك يــارحـــمـن يـــاحـي قـــيـوم = تـرحـم أمــــيـرٍ عـاش ثـمْ مـات وافي
كلـن يــــردد قـــول مـرحــوم مـرحــوم = عن صـادق مـوده ومن قـلـب صـافي

الف شكر لك الاخ والصديق العزيز ابو فيصل انت رمز من رموز الشعر في منطقة الخليج شاعر ولك جمهورك الكبير وانا اعرف انك لا تفوت اي مناسبه بدون اي قصيده والله يرحم الامير سلطان

لتوضيح هذا هو الشاعر مبروك الماضي في قصيده القها في يوم زواجي في العام الماضي

يعطيك العافية اخوي مبروك بن ماضي وصح لسانك على هذه القصايد الرائعه

والله يرحم بو خالد

صح لسانك أخوي مبروك بن ماضي وانت شاعر وطني وقصائدك تتغنى بالوطن وامجاده والدليل المقطع الذي أضافه الأخ محمد أعلاه

والقصيدتين الكتابيه ضمن هذا الموضوع ترثي بهما فقيد الأمتين العربية والأسلاميه سلطان الخير رحمه الله فصح لسانك ورحم الله المرثي وأطال الله عمر الراثي


صح لسانك ولا هنت على نقل هذا الإبداع

صح لسانك اخوي مبروك
قصيدتين رائعتين في سلطان الخير
ولاهي غريبه عليك الجزاله

الله يرحم ابو خالد ويسكنه الجنه
.

صح السانك اخوي مبروك قصيدتين من روائع قصائدك
والله يرحم سلطان الخير ....

صح لسانك أخوي مبروك بن ماضي