ذي سنه ياعلي مرتاحين وأنت بعيد عنا

الليل يابو حسين والكف حامي والنهايه مدمره عند ابو حسين ياويلك يا عايض

المشاركة الأصلية كتبت بواسطة عايض الحريص

إمتحنه الوقت الأقشر ياخوالي وإمتحنا=أفتحوا له في عنيزه كشك كافيه وبليله
إمتحنه الوقت الأقشر ياخوالي وإمتحنا=أفتحوا له في عنيزه كشك كافيه وبليله
إمتحنه الوقت الأقشر ياخوالي وإمتحنا=أفتحوا له في عنيزه كشك كافيه وبليله

صح لسانك وعتلا شانك يابو فارس

انتها كل الزهاب اللي تشيله يالمعنا=وقمت ترثع فالشوارع لاشماغ ولافنيله

والكلام اللي تقوله يالحريص ماشحنا= البليله للعراقي كيف ياكلها كفيله

بيض الله وجهك يابوحسين ويعطيك العافيه وبيض الله وجيه المتابعين وماقصروا تحياتي للجميع
وتصبحون على ألف خير

المشاركة الأصلية كتبت بواسطة علي حميدان الدجيما

انتها كل الزهاب اللي تشيله يالمعنا=وقمت ترثع فالشوارع لاشماغ ولافنيله
والكلام اللي تقوله يالحريص ماشحنا= البليله للعراقي كيف ياكلها كفيله

جائت مدمره يابو حسين وبيض الله وجيهكم على هاذه المحاوره واشكر اخوي الحريص وبيض الله وجهك

يابناخينا ولاتزعل عليناء

مشكورين ماقصرتوا ياشعانا.وانتظروا تنسق المحاورة

تشكرون يامتابعيننا وشكرآ للاخ والشاعر عايض الحريص ولايكون فالخاطر شي انت شاعر
ولاقصرت وهذا وصول المحاوره يصير فيها نقاش والقلوب نضيفه والحمدلله
وتصبحون على خير

ابو راكان هل التنسيق ينتهي الليله او وقت ثاني

المحاورة بتاريخ 4/3/1431هـ

عايض الحريص
من هجوس الشاعر اللي تو حصل ماتمنا=السلام يقدمه لأنه على المسلـم فضيلـه
ذي سنه ياعلي مرتاحين وأنت بعيد عنـا=وعقب ما عودت من رحلتك شبيت الفتيله

علي حميدان
من قريحة شاعرن ماجابها منا ومنـا=يثني الترحيب لهل الطيب والمولا وكيله
انت لو اغيب عنك اسنين والله ماتهنـا=كيف تبرك للحمل والحمل ماتقدر تشيله

عايض الحريص
ياوطنـا ماعليـك بظـل حمايـة وطـنـا=محتمينك من زمان(ن)فات بسيوف(ن)صقيله
أنت عقب إنك رجعت من السفر وانته معنـا=طامع(ن)بشداد أخوك وطامع بظهر الأصيله


علي حميدان
كان ماتدري مهنا مات في روضة مهنا=مير قول الله يعز الدين ويعز القبيلـه
شفتلك كفن مع الشعار ياعايض محنـا=والعلوم اللي تباها كلبوهـا مستحيلـه


عايض الحريص
أنت لو نعطيك شلفا ذياب ما تحما ضعنا=أسترح مادامت الحمله على مثلك ثقيله
لا تزعنا عليك إن كان ما تقوى زعنـا=ثم نجيب الزند ونحطه على خشم الفتيله


علي حميدان
وانته امشره تبا تحم الضعـن ولا تمنـا=الحريص ياجماعـه لايضويلـه فشيلـه
العشا ماهو عشانا والصحن ماهو صحنا=ارفع النظره ترا بعض السوالف حنضليله

عايض الحريص
مادريت إنا تخاف القوم مـن هـدرة جمنـا=وانت مثل اللي ورا تالي الضعن يومي شليله
تبتسم والعلم مابه ضحك ناب وضحك سنـا=ياعلي ليتك تشوف المزنه اللـي فالمخيلـه

علي حميدان
انت مثل اللي على درب العرب دايم مثنا=كل ماشاف الجمال الهادره اومـا بذيلـه
والله اني ناصحك مبغا يجيك اقصور منا=لين شفتك كل منهاجك غلط مافيك حيلـه

عايض الحريص
صاحبك ماظن بك حتى ولو شافك تظنـا=والهزيله راجعه في وجه من جاب الهزيله
ياعلـي ياعارفتنـا والله إنـا ماجهـنـا=كل ماجالك مجال إنقول شاعـر ياحليلـه


علي حميدان
والله اني ماكسرت العـود ليننـه تثنـا=وعزتي للي يدور رحمتـي واعزتيلـه
ماتمشيها عليه بس خـل الهـرج عنـا=لك على طبعك فصيله والدجيما له فصيله


عايض الحريص
عزتي لك يالدجيما صار حملك حمل دنا=العرب تدفن لك الألغام في وسط النثيله
حت لونك تعزوى كل ليله ياخـو بنـا=والله إن نهايتك مثل أبرهه جيشه وفيله

علي حميدان
اشهد انك تدفـن لالغـام ميـر الله يامنـا=هب يسوار الذهب ويش انت يازيد العضيله
الله اللي حاميآ شام العـرب يحمـا يمنـا=اشغلتنا ازيود صنعا بالتسلـل كـل ليلـه

عايض الحريص
الدجيما خابره حتى ولو هجرس وغنـا=لا هو خيال الجواد ولا هو خيال الكحيله
إمتحنه الوقت الأقشر ياخوالي وإمتحنا=أفتحوا له في عنيزه كشك كافيه وبليله

علي حميدان
انتها كل الزهاب اللي تشيله يالمعنـا=وقمت ترثع فالشوارع لاشماغ ولافنيله
والكلام اللي تقوله يالحريص ماشحنا=البليله للعراقـي كيـف ياكلهـا كفيلـه

هالحين يابناخي الزحزوح خمس دقايق بالكثير
الليله مافيه نوم السواق زعلناه ولنت لاقي من
يوديك ههههههههههههه