حان الوعد ياملفي

بيض الله وجيهكم شعرائنا محاوره من اجمل المحاورات وننتظر محاوراتكم القادمه

الف الف شكر لكم على الابداع

ونستووووووووووونا الله يونسكم فى الجنه

والشكر موصووول الى الصفووووووف والحظور

كما اشكر ابو راكان على تنسيق المحااااوره

تحيايي لكم عــــــ المطيري ـــــــيد

المحاورة بتاريخ21/2/1431هـ

عايض الحريص
سلام ياحضرة خوالي يامطوعـة الصعـاب=ياللي بناخيكـم ليـا جـا فاللـزوم يسدهـا
خلوني أنشد صاحبي ملفي عن أسباب الغياب=يوم المعاني حاميـة مابيـن خذهـا ردهـا

ملفي الميزاني
يامرحبا بك يابناخينا وطاب الكيف طاب=فالليله اللي مزحها وخر وقلـط جدهـا
وانا بعد بنشدك عسّى الليله يكف الزهاب=عشان لالديت بعيونـك تعـرف تلدهـا

عايض الحريص
فيك البقا ياخال ياللي من عزيزين الجنـاب=أنـا ماشديـت الحمولـه فوقـك الا قدهـا
وإن كان تنشد مامعي ياكود مصقول النصاب=اللي لياصالت علينـا قـوم فعلـه صدهـا

ملفي الميزاني
انا قريت الصفحه اللي جات في نص الكتاب=ولقيت فيها حد ميـر النـاس عـدت حدهـا
وان كان في دنياك ياعايض ماجربت الحساب=تعال اباحاسبك عـد ذنـوب نفسـك عدهـا


عايض الحريص
عزالله إنك دونها حطيت لك عشرين باب=لكـن فتشهـا مفتشهـا وبيـح سـدهـا
اللي يعذب ربنا والا انت ماعندك عذاب=وش عاد لو سكينك العوجا قعدت تحدها


ملفي الميزاني
وقتن مضالك يالحريص لاتذل ولاتهاب=لكن تال الوقت لاجاعت تعشت بدهـا
تراك فوق الارض لو تمد كفك للسحاب=وحنا السحابه لابغيناها وسمنا خدهـا

عايض الحريص
أنا صقـر والصقـر مـا ياقـع مواقيـع الغـراب=إن كـان تجهلهـا لغـيـرك يامليـفـي عـدهـا
والناس تعرف ويش مخطي الهرج من عين الصواب=ياللـي تبـا تاسـم سحابـة مـد كـفـك مـدهـا

ملفي الميزاني
وردتك العد القراح وقمت تطرد لك سراب=ياعايض اللحيه لياطالت لـزوم تكدهـا
وانا تراني فالملاقا يالحريص سـم داب=حتى ولو حصلت لك حاجه وجيت بسدها

عايض الحريص
ماعاد أنا ناشدك مادام أنت يحرجك الجواب=لاصرت خالي دونك العدوان ناقف ضدها
لكن توعدني بتوبه لجل أقول أذنب وتـاب=والطاقه اللي تلفحك معها الهبوب نسدهـا

ملفي الميزاني
ابشـرك نيراننـا حيـه وذاب الثلـج ذاب=والثلجه اللي وقعت فالنـار ماهـو ودهـا
يمكن بلاك من العشا بعد تعشيت الكبـاب=بعض اللقم ودك من أقصى الحلق لو تردها

عايض الحريص
عزالله إنك صرت لقمة بين ضرس وبين ناب=أرخيت حبل المشنقـه لكـن قمـت تشدهـا
معاد فالدعوى مدارى وإسمعونـي ياشبـاب=الوقفـه اللـي ماتجمـل يلعـن الله جدهـا

ملفي الميزاني
الذيب لامنـه تعشـا مايخلـي للذيـاب=كود العظام اللي نطلها ماتعب في عدها
لاقمت بكره انشد العرّيف عن شلفا ذياب=وعن الصقور اللي تهد ولاينومس هدها

الله الله على هالمحاوره الناريه بين شعرا كبار
ولاهي غريبه عليكم ياملفي وعايض هذا الابداع
والتقض والفتل الله يدركم وتمنيت انني ومجود
وقت المحاوره
شكرآ لكم ايها العملاقين

صح لسان الشاعرين على المحاوره الرائعه وبيض الله وجيهكم

الشاعر علي الدجيما يامرحبا والله ومن طول الغيبات جاب الغنايم ويشرفنا إطلاعك وشهادة من شاعراً له في الشعر ما يجعلنا نتقبل نقده وتأييده يعطيك العافيه يابوحسين وإنشألله يحالفنا الحظ وتكون متواجد في المحاورات القادمة
تقبل شكري وتقديري

الأخ أبوراكان المشرف العام ومنسق الشعراء

أشكرك شكراً تعجز الحروف عن ترجمته ويكل من يكتبها عن إيضاح مايحمله من تقدير وإخلاص0
لايليق إلا على من يستحقه على هذا الإهتمام والتنظيم لك مني جزيل الشكرمرة أخرى
وتقبل تحياتي؛؛؛؛؛

عز الخوي صح بدنك ومرورك يشرفنا
لك أجمل تحية؛؛؛؛؛؛

كما أحب أن أشكر النجوم الذين تواجدوا معنا أثناء هذه المحاورة وهم كلاً 1- المشرف العام ومنسق الشعراء أبوراكان 2-مدرب صفي خالي عبدالرحمن 3- المشجع الإعلامي ابن مشدد 4- الميزاني المتعنصر عيد المطيري
5- صاحب الروح الحماسية عزيزبن بديد ومن شارك معهم في التواجد والحضور ولهم مني أجمل تحية

المشاركة الأصلية كتبت بواسطة عايض الحريص

الأخ أبوراكان المشرف العام ومنسق الشعراء

أشكرك شكراً تعجز الحروف عن ترجمته ويكل من يكتبها عن إيضاح مايحمله من تقدير وإخلاص0
لايليق إلا على من يستحقه على هذا الإهتمام والتنظيم لك مني جزيل الشكرمرة أخرى
وتقبل تحياتي؛؛؛؛؛

العفو يابو فارس.انا لم افعل شي بل هذا عملي الموكل لي.ونحن في خدمة الجميع دائمآ.