صدفه بلا ميعاد قدام الأوادم ماتفيق = صادفتها والشمس غارت يوم بان شروقها
ساقتني أقدامي وجابتني على نفس الطريق = على خطاوي عشقها وأنا بعد معشوقها
هي تدري أني في بحرها لو أبهجرها غريق = وأنا أدري أن عيونها تدمع وتجرح موقها
قولولها لا ضاقت الدنيا عليها لا تضيق = قولولها مامثلها من تحت الأرض وفوقها
قولولها نار الغلا وسط الحشا شبت حريق = وشلون أطفيها مادام آن الحطب من شوقها
لا صار حبك في حشايه له زفير وله شهيق = تزيد نار الشوق ويزيد إلتهاب حروقها
حبك تشيّخ وسط قلبي دام له ساسٍ عريق = ماكنه إلا من شيوخٍ ماتضيع حقوقها
إن ضاق ماغاب السعد وإن راق له وجهٍ طليق = يعاف نفسه لانتخت بنت الشرف ويسوقها
لو تشتكي نجد العذيه من سبب حملة طويق = ماشفت من بحر الهوى ناسٍ تبل حلوقها
لا تحمّليني بالعتب ماعادت ضلوعي تطيق = حتى القصايد ماتطاوعني على طاروقها
وإن طاوعتني بالنوادر ، فيك والله ماتليق = لا جيت أغنيها تعاندني قبل منطوقها
ياغايتي يالهفة المشتاق يالحب العميق = إن قلت لك فيك المشاعر ممتلي صندوقها
قولي كذا عني مثل نجمٍ تعلا له بريق = يبقى بريقه لو سماء حبك تلوح بروقها
مخرج
رغـم . طـول . الوقـت . وعـنآء . الطـريق ,
ورغـم . مـوج . البحـر . وجنبـآت . المـضيق
يــبقى ـآ . الشــعر . خـير . صــديق
شعر : عبدالمجيد الظويفري
صح لسانك يابو سعيد قصيده جزله وانت لاتاتي الابالجزل تحياتي
قالوا من انت وقلت من عزوة مطير=اهل الثلاث النادرات العجيبه
قالوا من أي وقلت شباعة الطير=آلاد عباد الفخر والمصيبه
قالوا من أي وقلت غصابة الغير=آلاد عون مطلقين الغريبه
قالوا من أي وقلت كسابة الخير=ميزان فكاكة سجونن صليبه