اقرب يالوبيري

صح لسان الشاعرين المتالقين دائما

ماقصرتوا يا شعرانا وبيض الله وجهيكم واشكر كذلك المتابعين وانتظروا تنسيق المحاورة

الف شكر لصفوف والمراقبين والجمهور وشاعر

تحياتي للجميع

المحاورة بتاريخ 8/6/1431هـ

مجري خضر
سلام مادام ان برق الصيف سرا فالشمال=وانا عيوني للحيا والبرق قمـت اخايلـه
اقرب ترى المعنى حقيقه مانبا نسج الخيال=وذهن تضيع ثم اقول اثرك تضيع القايلـه

خالد الوبيري الشمري
يامرحبا بأسم الرجال اللي يضدون الرجال= العزوه اللي فالمواقف يكسبـون الطايلـه
اللي تقدمها تحصل ردها يأبـن الحـلال= والله جليل الملك باقـي والأوادم زايلـه

مجري خضر
انا احمد الله معلنن لطيب والشعر احتلال=ماني من الي لابدا الطاروق قام ايحايله
ماينفع الرجال فالميدان ميـلات العقـال=ولا ينفعه هندام كشخاته وزين استايلـه

خالد الوبيري الشمري
وانا احمد الله كامل بشعـري ولله الكمـال=ماني من اللي لأحتمى الطاروق جاب المايله
ماللحمول الكايده يالأجودي غيـر الجمـال=اليا برك شقران حمله بأذن ربـي شايلـه

مجري خضر
اشرب يابو سلطان من صاف النويا وزلال= جاتك معانـي مانقولـه ياسنافـي مايلـه
ترى الحرام يبين لونه مايجي مثل الحلال =وشاعر الي مايشد القاف ليـش انشايلـه

خالد الوبيري الشمري
الشمري فالملعبه ماهو يصوغ الا الجزال=وأن قال بيت يقال صح لسان منهو قايله
الشاعر اللي مايشد القاف في راسه هبال=واللي تدورله يأبو ريان مأنـت بنايلـه

مجري خضر
خل السعوديه تجي فالشمس ونته فالضلال =تصبر على حر القوايل فالنفـود السايلـه
ماينفع الرجال حكي الناس من قيل وقال =بس اشهود ياربع لحضات الفرج ونهايله

خالد الوبيري الشمري
سوالفك يالأجـودي والله ماتسـوى ريـال=وأنا أحسب أن عندك علومً يالمطيري هايله
كلً يدور سمعه وقيمه مع كـرام السبـال=حتـى ليامنـه تجمـل مانسـت جمايلـه

مجري خضر
ياشمري وش فرق ال وال عـن ال وال =ما فيه فرق الا ليا فـل الزمـن جدايلـه
لاكن موتك حان ياعذب النبا في كل حال=لاواخسارت حبكت المعنى معك وغنايله

خالد الوبيري الشمري
الفرق واضح ياقليل المعرفه في كل حال=حدً يجي عارف واحد مايعرف اللي جايله
ناد النصر يالأجودي ماهو مثل ناد الهلال=علـمً مثبـت ياقليـل المعرفـه دلايلـه

الله..الله..ما شاء الله أكثر من الخيال هالمحاوره من شاعرين من فحول شعر القلطة , صراحة وبدون مجامله شئ فوق الخيال ..والوبيري ترى لنا عليه شرهه حيث غاب وقال عدو لي ....وأهلاً بتواجده وتواجد مبدعي الشعراء مثله وشرواه

وأبو ريان مبدع بكل حالاته الله لا يضره..

وأرحب من خلال هذه المحاورة بالشاعر الكبير وشاعر الجزلات علي حميدان الدجيما..وبكل الحضور

صح لسان ابو سلطان الشمري

وابو ريان المطيري


شعراء ممتازين
وقاف رائع كا روعة شعراءه

صح لسان الشاعر مجري خضر
وصح لسان الشاعر خالد الوبيري الشمري
محاورة رائعه جداً شكراً للشعراء شكراً للحضور
كما أشكر الإستاذ أبن مصاول على حضورة المميز
والف شكر للإستاذ أبو راكان على التنسيق الإكثر من رائع والله يعطيه العافيه

صحة ألسنة شعرائنا مجري خضر وخالد الوبيري وبصراحه محاوره شيقه بقوة وأتمنى أنني كنت ضمن الحضور يعطيكم العافيه وماقصرتوا