محاورة بتاريخ 4_5/5/1431هـ
محمد ماجد الميزاني
سلام الله سلاماً لاحبكتـه مايجيـب العيـب=سلاماً من هجوس الشاعر الي يحسب احسابه
تقدم وكرب احزامك ترى قدمك بدالـك ذيـب=ليا قلت اني انا ذيـب غيـر يوجـد اذيابـه
ابو سلطان المطيري
هلا يامرحبا وانته ولد تستاهل الترحيب=على قول المثل ياصاحبي للنار شبابـه
انا والله رجالٍ بسيط وماقريت الغيـب=وماجد والله اني ماقريت اليوم في كتابه
محمد ماجد الميزاني
يدوم الك البقاء ياشاعرن له فالشعر تجريب=مجرب كل شي ً والحقيقـه فاتحـاً بابـه
يابو سلطان محدن يعلم بغيب الدهر ويجيب=وانا الليله كتابي قدم عنيك واعرب اعرابه
ابو سلطان المطيري
ياجعله يندفن في الارض راس الحيه ام جنيب=تلوى في البشام ان مالقت سـاقٍ تلـوى بـه
عسا ربي لايقطع خلقه من مجـري الهييـب=اله شـور ويـرد الحـق ياماجـد لطلابـه
محمد ماجد الميزاني
يابو سلطان والله ما ارحمك لو راسك اصبح شيب=انـا ليـه سـبـوع ادور الشـعـار فالغـابـه
انـا رعـي حقوقـاً مثبتـه ومرتبـه ترتـيـب=تراني مترك الشاعر ولـو ثـارت بـه اعصابـه
ابو سلطان المطيري
ترى المجرم يحط بسجنٍ أشبه في سجن بوغريب=علـى الشاشـه يصـور سالبيـنٍ منـه ثيابـه
انا مانيب مثلك ضايع لي فـي الديـار ذهيـب=ولاني راعـي يحـوش البهـم دايـم بمشعابـه
محمد ماجد الميزاني
اقول ان السجن تاتدخله مار احذر التعصيب=ليا عصبت تاتهون وترجع وانت من لابـه
انا لي ظن لا ظنيت فالشعار ظن ايصيـب=لاكن امسك طريقك وانت والله ما توصا به
ابو سلطان المطيري
يدٍ في النار والاخرى يامقطوع الرجا في الجيب=انا وشلون فيك احـط لـي عقـلٍ تلهـى بـه
وظنٍ فيك بعد اليـوم يارجـال كيـف يخيـب=توضى واطلب الله كـان لـك كـفٍ وسبابـه
محمد ماجد الميزاني
علام الصاحب الي صابته ام اركب فالبيب=يابو سلطان كيف اتحط قدمك ذيب بنيابه
يابو راكان ردولي ابو سلطان فالتدريـب=يالين انه يحصله شهاده تفـرح اقرابـه