~||* تعيــــش وتاكل غيــــرهــــــا *||~

حتى أنا يا عسووولتي مدري كيف جتني هالفكرة هههههههههه ماتطري على بال أحد بسم الله علينا ههههههههه .


لا أوصيك عيوني كوني حذرة الأيام المقبلة فربما تتعرضين لهجوم مسلح ..




لا عدمتك يا بعد حيي .. وبنتظار المصيودة القادمة .


~ تحياتي وتقديري لجميع من مر على صفحاتنا المتواضعة ~

هههههههههههههههههههههه

مصرقعين هالثنائي

ابك انا لا يكون صدتوني معكم والله أني صرت أشك هههههههههههههه

الدعوى صارت مقالب داخل مقالب ومن أكثر من جهة

ربي يسعدكم

ويستر منكم ^^

المعنى تابع شريط الاهداءات يمكن تشوف اسمك معنا في أحد الحلقات ههههههههههه


‏"‏ بيجيه وسواس " هههههههههههه




ويسعدك يارب .. تشرفنا بمرورك

انتي تقولينه صادزة !

تلقيني كل يوم منسدح عند الشريط أدور نفسي ^^

والله ما ادري عنكم هههههههههه

ايواااااا يانزووووووف الحين فهمت السالفة يعني مقلب ايواااااا الله يعينكم علي<<<<<معصبة عليكم

المشاركة الأصلية كتبت بواسطة المعنّـى

هههههههههههههههههههههه

مصرقعين هالثنائي

ابك انا لا يكون صدتوني معكم والله أني صرت أشك هههههههههههههه

الدعوى صارت مقالب داخل مقالب ومن أكثر من جهة

ربي يسعدكم


ويستر منكم ^^

ومين قال انك مو مصيووود معنا >>> تبي تجننه


ماتدري خلك معنا لآخر حلقه يمكن يجد جديد
ربي يسلمك ويعافيك اخوي المعنّـى

السلام عليكم ورحمة الله وبركاته

وأخيراً ولله الحمد طليت عليكمـ من جديد
بعد مانتهينا من معركة الضيوف والفطور


وعودتهم بالسلامة لديارهمـ سالمين


انتظروني بعد شوي باذن الله رح انزل لكمـ الجزء الثاني
من سالفتنا انا ونزووووف مع مشرفنا القدير (ساكب الحرف)

بسمـ الله الرحمن الرحيمـ كان يا ما كان في قديمـ الزمان كان هناك مشرف إدراي اسمه (ساكب الحرف) تعرض سابقاً لمقلب ظريف من الغاليه (نزووووف) وبعدها بفترة بسيطه تعرض لمقلب آخر من آحلى عسلـ (اللي هي أنا اللي يحفظني) بس مدري هو مشى عليه ولا لأ ..!! الله يرحمك ياسيبويه زين اللي متّ قبل تسمع هالكلام فصيح على عامّـي المهـم أخليكمـ الحين مع بقية سالفتنا أنا و نزووووف مع مشرفنا القدير السلام عليكم ورحمة الله وبركاته .. بدخل في الموضوع على طول الأخت عايشه الدور بقوهـ صراحه وصلني كلام اليوم مره زعلني وهو بشهادتك اني مقصره شوي في مهامي الاشرافيه وفي مشرفه جديده تفوقت علي واثبتت جدارتها في فتره بسيطه علما اني احاول قد ما اقدر اسوي اللي اقدر عليه لان الاشراف امانه انا مسؤوله عنها الحين أو بعدين .. ماحبيت اشيل الموضوع بخاطري واسكت لان الطرف الآخر لازم يعرف اللي صاير .. وسلامتك .. طبعاً وكعادته المميزة في اسلوبه الراقي للرد على أي شيء قال : صباح الخير اختي أحلى عسل اولا انتي قلتي بشهادتي متى وكيف والله ماحصل ولو سألت لقلت الحق انت بأمانه مبدعه وخلوقه ومأديه مهامك الاشرافيه على اكمل وجه وهذا كلام كاذب واان بغيتي قابليني باللي قال ولا خبريني عنه وانا اتفاهم معه لأن هذا افتراء علي ولاراح اسكت عنه ... ارتاحي اختي ترى كل الكلام هذا ماحصل وأنا اشكرك على اخباري وهذا يدل على طيب معدنك ونظافة قلبك وانك ماتحملين على احد حقد وهذا هو الاهم وزي ماقلتلك خبريني من اللي قالك هالكلام وراح اتصرف بطريقتي دمتي بخير صراحة قمة الرقي ولكن عشان المقلب لازم أكمل كذبتي مرحبا بك اخوي والله شهادتك على عيني وراسي واعتز فيها بس مشكله هالعالم وش تبي بالفتنه بين الناس للاسف اللي وصّل لي الخبر شخص من الطاقم الاداري قويه صح بس يلا دام هذي شهادتك ماعلي من كلامه و أكيد ماقاله إلا وهو %100 حاقد .. احترامي وتقديري لك اخوي .. انتظرت يوم كامل وشفته ماردّ علي على الرغم من تواجده بالمنتدى قلت بنفسي وش السالفه لايكون زعل ولا شي لا لا أنا خوافه لازم اعترف له الحين بالمقلب وأرسلت له : مساء الخير .. معليش اخوي سامحني رح اعترف الحين بما إنك مارديت ع رسالتي الاخيرهـ .. كنت معانا ضيف خفيف في موضوع تعيش وتآكل غيرها والسموحه منك نزووووف قالت لي اسوي فيك هالمقلب وان شاء الله ماتزعل مني .. احترامي .. عاد لايغركمـ تراي حدي خوافه بس عن الطنازهـ عاااااد وسلامتكمـ كل ابوكمـ ..

السلام عليكم ورحمة الله وبركاته


وحياكم الله من بعد الإنقطاع المفاجئ والحمد لله على سلامة المنتديات ..



انتظروني بعد قليل بإذن الله في حلقة جديدة وضيف جديد ..

مساءكم نفحاته معطره بعبق ذكر الله .. اليوم حلقتنا خفيفة لطيفة " رسالة وردها غطاها " ههههههههه ماطولت بالرسايل مع اخينا الضيف لأني خفت يجيب العيد فيني هههههههههه . ضيفنا اليوم كنت خايفة صرااااحة وانا أرسل له لاني كنت أحس إنه عصبي " بيجلدها " متوقعة إنه بيشوتني برى المنتدى انا والعضو المزعوم اللي يبي سلف هههههههههههه لكن الحمد لله جت سليمة ولو إنه تخللها بعض القلق والتوتر ههههههههه .. ونقول للضيف سامحنا على سوء الظن فيك .. ضيفنا اليوم العضو الخلوق وصاحب الحضور الذي كــ النسيم والهلالي الصميم المشرف العام ( الفارس ) أرسلت له نفس السيناريو السابق : السلام عليكم ورحمة الله وبركاته أسعد الله مساءك أخوي الفارس بعد إذنك عندي موضوع ودي أفاتحك فيه . راسلني أحد الأعضاء المميزين عندنا بالمنتدى يقول إنه مزنوق هالشهر ويبغى أحد يسلفه ألفين وخمس مية أقساط السيارة .. وإنه مستحي يطلب منكم . وطلب مني أدور له على أحد يسلفه .. فما حبيت أرده لأنه عضو مميز وخدم المنتدى فالواجب منا إنا نخدمه ونفرج كربته وخصوصا إنا بالشهر الكريم .. صح كلامي ولا لا ؟ إذا ماعندك مانع خبرني عشان أقوله يعطيني رقم الحساب . رد علي : عليكم السلام ورحمة الله وبركاته مساء الخيرات هلا بك اختي نزف انا صراحة مستغرب عضو مزنوق على كلامه ويراسل بنت ! " كلنا مستغربين " ولا يمكن يحسب إني وزير المالية ههههههههههه . يستحي على ايش ؟ كلنا نتسلف عادي الوضع فري " هههههههه والله مدري . " عموما راح اكلم ابو ضيف الله وارد لك خبر " لا لا لا تكفى واللي يرحم والديك لاتكلمه " ودي اساعده لكن والله الحال من بعضه وانا اخوك .. " الله يكون بعون الجميع وانا اختك " واعتذر عن الرد المتأخر على رسالتك لأني توني ادخل المنتدى حسيت إنه أكل المقلب وصدّق السالفة قلت خلني أجل أقفل عليها : معذور أخوي .. وأكيد ماراح تقصر بشيء لو عندك رايتك بيضا .. مايحتاج نخبر أبن مصاول ونزعجه وهو مشغول الله يكون بعونه . " عاش مصرف ههههههههه خافت يعلم عليها وينكبها " أنا راح أشوف بقية الإخوان وإذا ما يقدرون عااادي " مصلح اجتماعي على غفلة " هههههههههه راح أعتذر منه وأقول ربي يفرجها عليك . وأكيد إن شاء الله إنه قد دبر المبلغ . الله يعطيك العافية .. / / وانتهت السالفة على كده .. والعذر والسموحة منك اخوي الفارس وتعيش وتاكل غيرها .. وأشكرك على أخلاقك الرفيعة وتفهمك لحالة اخونا المزنوق .. ألـــــــ شكر ــــــــــف لك تحياتي للجميع نزف المشاعر