شد حزامك يالاوبيري

المشاركة الأصلية كتبت بواسطة خالد الوبيري الشمري

قبل لأموت اليوم والله لأذكيك = لأن الذي شرواك ذبحه فضيله

قالوا حلو لكن مالله محليك = يأبن حميدان أنت رجلً هبيله

صح لسانك يابو سلطان طيب طيب وين الصفوف الليل

والله لتسري والعصا في علابيك=لين المطيري يالاوبير تحبيله

ماني هبيله مير اشوف الصعاليك=قامت تناطح روسنا كل ليله

مادام مايدري بهذي ولا ذيك = ليته يفزع ياجماعه زميله
ياتركي الألفين ناظر بنيخيك = ماتو بعد مالسيل جاهم مسيله

سرا الليل صح لسانك يالدجيما ..

شكراً لكل من تابع هذي المحاوره خصوصا مشرفنا أبو راكان ..

صحت السنتكم وقد تابعنا هذه المحاورة الناريه جداً بين الشاعرين ..

صح السنتكم ياشعارنا وماقصرتم ومحاورة قويه . ومشكورين .ونشكر المتابعين ونتظروا تنسيق المحاورة

حنا نمشيها عليك ونمشيك =وسيع صدر الشمري واحليله

عزالله ان تركي يعزك ويغليك= ويحط راسك وسط حام المليله

المحاورة بتاريخ16/11/1430

علي بن حميدان
يالشمري قرب عساالله يحييك=كانك تمثل طال عمرك قبيله
اما تسر الليـل ولا نسريـك=ولا لدمك مانحصل فصيلـه

خالد الوبيري الشمري
الله يديـم العـز والله يبقـيـك=ياشاعـرً ليلتـك ليلـه طويلـه
وين أنت رايح جعل ربي يعافيك=اللي تريـده حاجـةً مستحيلـه

علي بن حميدان
شفتك قبل ساعه تراوح برجليك=وهالحين عينك في عنان الاصيله
تبا الحقيقه مالنا طمعتـن فيـك=والـي طمعنـا فيـه وعزتيلـه

خالد الوبيري الشمري
أنته مضيع شوفلك مـن يقديـك=لاصرت مأنته يالدجيمـا دليلـه
أليا طمعت تشوف شيً مايرضيك=ماتسري ألا فوق راسك فشيلـه

علي بن حميدان
الكلمه اللي وقعت بيـن اذانيـك=يبطي خطرها فوق راسك تشيله
اسمع كلام(ن) من منامك يصحيك=الزنـد ولـع ميرهـات الفتيلـه

خالد الوبيري الشمري
بأنصحك طيع النصح والله يهديك=خل الشعر للي يصوغ الجزيلـه
أنته سوات اللي يبي بيضة الديك=يبي وسيله مير مامـن وسيلـه

علي بن حميدان
يابونصيحه ردها في مخابيـك=يابو جمالـه مانبيلـك جميلـه
الضاهر ان الديك بيضه تماتيك=الله يذلـك يالنفـوس الذليلـه

خالد الوبيري الشمري
تبي تعـذر ميـر والله مايمديـك=أنـا دوا كـل النفـوس العليلـه
ليت الموازين أرسلوا رجل يكفيك=قسمك مع أهل الشعر حاجه قليله

علي بن حميدان
لاوا حليل الشمري جابها هيك=يرثع بعفشه ويتفـرا صميلـه
ان طعتني خله وبيع المساويك=ولا تلبس الا بنطلون وفنيلـه

خالد الوبيري الشمري
مادمت شامي ياعلي فأقضب بريك=خل الشعر عنـك وبيـع البليلـه
أبيعك انته يأبن الأجواد وأشريك=مادام مالك عند الأجـواد حيلـه

علي بن حميدان
لو مت ماضن السناعيس تبكيك=يالموتر اللي ماعرفنـا مديلـه
اللي يباعون العبيـد المماليـك=لاكن حنا اهل السيوف الصقيله

خالد الوبيري الشمري
قبل لأموت اليوم والله لأذكيك=لأن الذي شرواك ذبحه فضيله
قالوا حلو لكـن مالله محليـك=يأبن حميدان أنت رجلً هبيله

علي بن حميدان
والله لتسري والعصا في علابيك=لين المطيري يالاوبيـر تحبيلـه
ماني هبيله مير اشوف الصعاليك=قامت تناطح روسنا كـل ليلـه

خالد الوبيري الشمري
مادام مايدري بهذي ولا ذيك=ليته يفزع ياجماعه زميلـه
ياتركي الألفين ناظر بنيخيك=ماتو بعد مالسيل جاهم مسيله

علي بن حميدان
حنا نمشيها عليك ونمشيك =وسيع صدر الشمري واحليله
عزالله ان تركي يعزك ويغليك= ويحط راسك وسط حام المليله

ماعليش احسبنكم ريضين يالله تصبحون على خير والشكر لكل من تابعنا وعلى راسهم
منسق المحاوره الاستاذ ابو راكان
والله يعافيك يالشاعر الاوبير وماقصرت وتصبحون على خير

بيض الله وجيهكم وماقصرتم شعرئنا واستمتعنا معكم الليله بهذه المحاوره الرائعه جداً