الميدان يابن حميدان

يابن الدجيما لو تخاوي لك سبيعي وسهلي = سبيع في يوم اللقا تحما ديار سهولها
لاصرت انا عمك ياعلاوي ترى خالك خلي = الناقصه ماجتك والجزله عساك تنولها

المشاركة الأصلية كتبت بواسطة ملفي الميزاني

يابن الدجيما لو تخاوي لك سبيعي وسهلي = سبيع في يوم اللقا تحما ديار سهولها
لاصرت انا عمك ياعلاوي ترى خالك خلي = الناقصه ماجتك والجزله عساك تنولها

طيـــب طيـب

يراعي الجوال يرسل بس مايستقبلي= ترا المحطه شوشت حتى على اللي حولها

انته تحاسب بعملك وانا اتحاسب بعملي=وهل الفعايل مالها الاذكرها بفعولها

المشاركة الأصلية كتبت بواسطة علي حميدان الدجيما

يراعي الجوال يرسل بس مايستقبلي= ترا المحطه شوشت حتى على اللي حولها

انته تحاسب بعملك وانا اتحاسب بعملي=وهل الفعايل مالها الاذكرها بفعولها

ياسلام يا بوحسين

صح لسانك يابن حميدان وبيض الله وجهك
والاخوان الموجودين بيض الله وجيهكم وماقصرتو
ونستونا الليله
احترامي وتقديري لأخوي الكبير/علي الدجيما ولكل الموجودين

تصبحون على خير

مشكورين يابو راكان ويابوحسين ومحاورة قوية وممتعه وبيض الله اوجيهكم

ابوراكان الشاعر ملفي الله يعطيك العافيه شاعر ولك التقدير والاحترام والشعر يصير فيه
اخذ وعطا وحتا لوا قلنا في وقت المحاوره شي من التحدي والكلام القوي اوالقاسي
هذا وصول المحاوره ولافيه اي شي يحز فالخاطر والحمد لله فالمعذره اذا حصل خلاف ذلك
وهذا وصوالمحاوره وانا الحمدلله مهما يقول قبيلي كانه لم يقول شي ولايحزفي خاطري شي
هذا بس لتنبيه
واشكرك يابو راكان وانت شاعر وانا لااقيمك فيه فضل مني وانت افضل مني
فتصبح على خير ولنا لقا ان شا الله
والشكر موصول للمتابعين اللي اتعبناهم معنا
وعلى راسهم منسق المحاوره ابوراكان
تصبحون على خير

المحاورة بتاريخ 16/12/1430

ملفي الميزاني
سلام تسليمه وفاء واسلم وسلـم ياعلـي=الأولـه طوفتهـا والثانـيـه بقولـهـا
هديت طيرك فالحباري ياعلي والدور لي=جتني علومك والرساله مارجع مرسولها

علي حميدان
يامرحبا ترحيبتن من شاعرن صدره ملي=اقولها يـوم المعانـي مابطـل مفعولهـا
كانك تبا تسوق الجمل وانا معقلت اجملي=افطن تراها مشكله تصعب عليك احلولها


ملفي الميزاني
انته على وجه البسيطـه لاتحسبنـك خلـي=واللي تصـد عيونهـا يمـك تلـد عقولهـا
ياللي على الجمه وردت وخانتك بعض الدلي=انا احسبنك حولها واثـرك مانـت بحولهـا

علي حميدان
الله ولي الناس ياملفـي ولا غيـره ولـي=ماني بخايف من مهابيلـن تـدق اطبولهـا
والشافعي له مذهبه ماهو سوات الحنبلـي=ياهل الخيول اللي تحول عن ظهور اخيولها


ملفي الميزاني
اللي ينادي فالنسيم يصحـي نيـام السلـي=افهم ترى الدنيا صغيره عرضها مع طولهـا
ياللـي تـروغ لاتـروغ ماتمشيهـا علـي=وياهل المزارع بشروني وش طلع محصولها


علي حميدان
يالعبدلي هاذي خطيه وش تبيب العبدلي=نا ترا كل الحضارم ماتعشـا فولهـا
ماينشبك فالشبك ياكود الضعيف والطلي=ولا انا اليا بغيـت الطيبـات انولهـا

ملفي الميزاني
الله يجيب الغيث وظروف الليالـي تنجلـي=حتى البدو ترعى رعاياهـا وزان نزولهـا
وش جبت يالعساس من ديره هذيل ومن بلي=ليتك ماخلت المزنه اللـي رفعـت بثعولهـا

علي حميدان
ارجع على منزلك لاشوفك تجي في منزلي=وانته جمل ضمن الجمال اللي تشيل احمولها
ابشر بعساس الحيا وبشر بنـارن تصتلـي=وبشر ببراق المزون اللي تسيـل اسيولهـا

ملفي الميزاني
الله على كل البشر دايم رقيـب ومعتلـي=خاو الذيابه والارانـب خلهـا فدحولهـا
وان كان قدرك ممتلي روّح وقدرك ممتلي=لاتبلش العالم على البيبان عنـد قفولهـا

علي حميدان
الله نعرفه والصحابه والرسـول المرسلـي=ماتو على الاسلام والاصنام ماصلـوا لهـا
ماهو بلازم تبتل الاجـواد كانـك مبتلـي=ليه العمى يضحك على عور العيون وحولها


ملفي الميزاني
ياللي تشيل الحمل وتقفي وترجع مقبلـي=بعض البشر دايم حقيقتها تخالف زولهـا
يالربع من يبغا علي شوي شوي والا قلي=والناس فاضيها يعلم فالعشـا مشغولهـا

علي حميدان
تكرم عن اللي يقفي ويقبل وذي ماهي بلـي=بعض السوالف مخطيه ياربعنا وصحوا لها
عزالله انك شاعرن مالك وصيف ولاحلـي=لاكن قمت اتصادق اضعوف العرب وخبولها

ملفي الميزاني
يابن الدجيما لو تخاوي لك سبيعي وسهلـي=سبيع في يوم اللقا تحمـا ديـار سهولهـا
لاصرت انا عمك ياعلاوي ترى خالك خلي=الناقصه ماجتك والجزلـه عسـاك تنولهـا

علي حميدان
يراعي الجوال يرسل بـس مايستقبلـي=ترا المحطه شوشت حتى على اللي حولها
انته تحاسب بعملك وانا اتحاسب بعملـي=وهل الفعايل مالهـا الاذكرهـا بفعولهـا

صحت اللسنتكم شعارنا محاوره قويه بين شاعرين ملفي الميزاني الشاعر الصاعد والشاعر المعروف علي الدجيما تمنيت اني كنت حاضر هذه الامسيه الرايعه





وانتهزها فرصه واقول من العايدين وكل عام والجميع بخير : والواجب ان تكون المعايده في ايام العيد ولاكن ضروف العمل ابعدتنا وايام العيد كنا في مكه الله يشرفها