سوار الذهب :
الجن تضحك بالأوادم علشان = مافـــــــــ السماء بيبان والأرض ميدان
والحارثي هامه على روس عيدان = والصبر زين وكل مطرود ملحوق
يالحارثي خلك على قبر الهلالي ليلتين = حنا نذكيها على شانك وتلحس دمها
سمعت لي طاري خبر تكرم مدينة لاجل عين = وإن كان فاقد لك فقيده من جهتنا سمها
العلاوه :
الحارثي سقم العداء يالمطيري = والجن تضحك بك وتضحك بغيري
ماظن تقدر شرنا المستطيري = والصبر زين وكل مطرود ملحوق
ليت المطيري ينتبه من لعبة إبليس اللعين = قدام لاهذيك يخطيها وذيك يخمها
إن كان سامع لك خبر حنا ترانا سامعين = والجبه اللي ماتدفينا قطعنا كمها
سوار الذهب :
الجن تغرس فيك روح البنادم = خذها على آية حال مانته بنادم
وأنا على آي حال ماني بنادم = والصبر زين وكل مطرود ملحوق
أنتم علشان عشره تقفون بالصف اربعين = ومطير ماتقدر تحمل هم ماهو همها
أثرك ياحطين كلك طين من نزل البطين = كم حيةٍ ماتت وهي مافرغت من سمها
العلاوه :
نشبع بوقتٍ جاعه اللاش جاعه = واللي يشجع ماله الا شجاعه
والكثر يغلب يامطير الشجاعه = والصبر زين وكل مطرود ملحوق
اليا قطعنا دابر العشره لو أرسلت اميتين = تخاف لو نفس المصير اللي يصير يعمها
أن اشهد إنك شاعر الصفين الأيسر واليمين = مانته بمثل اللي بيوت الشعر يلعب فأمها
سوار الذهب :
الله يوفقك الشهاده في حياتك قول آمين = تطمك الدنيا على وجهين وأنت تطمها
هذه المحاورة كتابية , ولي عودة لها إن شاء الله .