قدلا يكون المقصود من معنى القصيده ما يتبادر للذهن في الوهلة الاولى
من جديدي مع ارق التحايا
طقيت لي باب والبيبان بابين=وانا احسب الباب باب الي يباني
فتح لي الباب مفتول الذراعين=لمست ذراعه عن لسانه كفاني
قلت العفو والطريق العام سيدين=وأنا دخولي غلط يامودماني
قال آه والله لجيب العيد عيدين=تضحك عليه وأنا ولد الفلاني
أنا أعرف السر وأذكى منك طوفين= كب التغيشم مرامك ما خفاني
قلت ابك لا ياسمي وأقنعك بيمين=قصدك لحاجه وانا لي قصد ثاني
غلطت ابا بون واثري رحت برلين=ما وضًح الوصف مبلين بلاني
بدال ماتقول عدً أهلا و سهلين=لو انها كذب من راس اللساني
رفعت ضغطي وحرًكت الشياطين=ألي مربط قريًب في رمضاني
ملعون ماأعذر يبيها مدت يدين=وأنا بكفي حفاه أصبر وأعاني
يوم إستشاط الغضب مافيه بعدين=قربت له منخر القرم السباني
قلت أنت طيب علومك ياأحمر العين=مارد لي وإنتفخ راس الجباني
وأقفيبت والعهد به من قبل عامين=هو ما لقيته وانا هو مالقاني
موقف صعب وخل السلاح قريب منك دائم حتى لاتبلا ببعض اهل المشاكل اللي يدورون الشر , وصاحب البيت معذور أذا كان الوقت في الليل لأن الشك أقرب لكن أذا كان في النهار يجب أن يقدم حسن النية عن الأخرى .