المطلوب محمد غازي

والله لاشب النار بمحمد يصير اللي يصير = والشك بزنود الرخى اللي ماتولع نارها
إي والله ادري ماينوخ للحمول الا البعير = هل تعلم ان اللي يقدم بالرجال اخيارها؟؟؟

اللي يكثر بالوعيد اكيد ماحدد مصير . . نشرة نبى الاخبار ماجتنا بصدق اخبارها
راعي طميه بالعلوم يدير مدري يستدير . . وكلمة هل التوحيد حنا يالحروب انصارها

الله ..تحاور في قمة المعنى من كلا الشاعرين

وننتظر رد الشاعر الرائع بدر الحويمضي

انا على الوقفه يابن غازي مثل حد الشطير = والوارده تارد وشرهتها على مصدارها
اللي يوسوس في عقول اهل الوفى مافيه خير = ومطير قومٍ ماتجي بديار غير اديارها

حياك الله يابدر معنا في منتديات الموازين .. وبيض الله وجيهكم على هالمحاوره الطيبه

ومتابعين معكم

انته كفو مار الاداره يابدر حق المدير . . ودي نسجلها حضور ولا لقيت احضارها
تجذع من الواقع ولاتقدر عن الواقع تنير . . آمطير بقطار الجزيره سيطرت فا اقطارها

الليل يا الصفوف متابعينكم

صح الله السنتكم محاوره ممتازه وشاعرين غنيين عن التعريف

ولا عليكم زود والمشلح تفصل للامير = ارفع نضرك وحرب من بدري بعيد انضارها
مدام تجهلك الحقيقه روح شاور وستشير = ترى طوال الخيل ماترجع خلاف اقصارها


صح لسانك الشاعر محمد غازي تشرفت باللعب معك
صح ابدااااااانكم جميع الشاعر علي ماعليك زود طال عمرك لاهنتم على المتابعه الجميع اشكركم على متابعتكم

صح لسان بدر وصح لسان محمد ولاهنتو على هذه المحاوره
الجميله بنقضها وفتلها تحياتي وتقديري لكم