هذه القصيدة أرسلها لي ابن العم الشاعر/ سعود بن بمجاهد بن مصاول .
اتبع مزاجي ما علي من النمايم والهروج=ولا مشيت امشي طريقي عكس ولا متجه
أنا معي فكري وميز فالدخول وبالخروج=ولي مايعجبني يابو خالد أكبه وسهجه
لا صار فالخوه وبالفزعات ملوي ومعروج=جنبت عنه وعند رب الكون ضيقه وفرجه
ولي مايفزع مع بني عمه لا عله مايدوج=لا صار وقفاته معك وقت الشدايد تحرجه
------------------------------------------------------
وقد جاريتها بهذه الابيات ..
تمشي كذا ولا كذا من حيث أروجها تروج=مادام دم القلب يجري في عروق الانسجه
اطلب وحنا طبعنا ماهو مثل طبع اللحوج=مير الصداقة صار فيها يابو تركي دبلجه
خلي ألردي لا تبحثه من يمه الريحه تفوج=خله لعله مايعوَد دام هرجك يزعجه
اقطع علاقاتك معه وأحفظ كتابك فالدروج=يجحدك ونته قبل للبيت الحرام امحججه