حبك يا ابو متعب بمجرى الوريدي=يامحقق الاعجاز في ستت أعوام
ياشيخنا لعل عمرك مديدي=في ظرف ست سنين حققت الاحلام
محبتك في قلوب شعبك تزيدي=والله ياشعب(ن) تقوده ما ينظام
يدعي لك الشايب ويدعى الحفيدي=ويدعي لك اللي راح البيت بحرام
ويدعي لك اللي مايشوف البعيدي=شيخ(ن)عمى يدعي لك الفجر لا قام
ويدعون والدعوه تراها تفيدي=من العاجزه والارمله وأم الايتام
يدعون حتى من ديار(ن) بعيدي=لأنك زعيم العرب وتعز الاسلام
يا عادل(ن) بالحكم بين العبيدي=الخير تأمر به وللشر لطام
الشعب كله بأمركم مستفيدي=لفتت وفاء من يمكم جت بالانعام