قالوا تحبه قلت فيه الحشا ذاب = والروح صارت خاتمه في يمينه
يوم ان مابيني ومابينه حجاب = الا الليال البيض بيني وبينه
اقابله صبح ومسا .. زلفة الباب = واسمع خلاخيل الذهب في يدينه
وتشدني له وقفته .. تلع الارقاب = واخيل براق الحيا وسط عينه
وان فاح ريح العطر من جوف الالباب = كنه خزامى مع نفل خالطينه
وليا ابتسم غُر الثنايا مع الناب = تضحك فرح .. ضحكه غشتها السكينه
واروي عطش قلبي من الشهد لا ذاب = وتطيب كل جروحي المستبينه
واليوم غاب وكل غيبه لها اسباب = لكن مدري .. السبب جاهلينه
لا اقول حي وله على الباب جلباب = وان مات ما اعلم وين هم دافنينه