بسم الله الرحمن الرحيم
هذه القصيده إهــداء إلى مالكــ الابل الشيخ / صقر بن حواس بن مفلح الميزاني
لبغيت الكيف وعلوم النشاما = عند صقر بن حواس شرق العيطليه
والحليب اللي يسد عن الطعاما = والدلال الصفر ما هي زمزميه
والزلول اللي مثل ريش النعاما = واللي يشده عشر واربع قهوجيه
ولورين للزاد والسكس التماما = ويصرف الموجود واجد والبليه
وقال ما تبنا الخيام اللي تواما = وجاب غرفه كبر شوفان وطميه
والبكار اللي مثل لون الظاما = ما شروها بالفلوس ولا عطيه
يامشاء الله كلها مثل التواما = ام ثالث وام ثاني والثنيه
كل ما مرتك تضرب لك سلاما = عسكرين يعطي القايد تحيه
وفوق ربعه مثل همال الغماما = والعزيمه فوق واليمنى سخيه
ويطلع المسجون ويعيش اليتاما = ما يباها غير من رب البريه
وارثن الطيب من عاما و عاما = وارثه من عصور الجاهليه
ويشهد التاريخ والناس القداما = لاهل الوقفات ورجال الحميه
والشجاعه عز والمذله ملاما = والتردد في الامور اكبر خطيه
والمظاهر والمهايط والكلاما = ما تحصل من وراها الا الزريه
ويعرف الرجال في وقت الزحاما = فالمواقف والظروف العالميه
اخوكم / صالح الميزاني