محمد عامر بن نيف المطيري وقصيدة مميزة في شاعر العرب

هذه اقصيدة القاها الشاعر في برنامج شاعر العرب والذي يقام بجائزة محمد الأحمد السديري ويقال أن القصيدة حازت على أعجااب شعراء كباار مثل محمد الخس والشاعر فلاح بن مبرد والشااعر سلطان الهاجري مع العلم أن القصيدة كانت 300بيت وأختصرها الشاعر إلى 180 لضيق وقت البرنامج..

وصراحة هي قمة الأبداع والتصوير وانتقاء العبارات والكلمات العجيبة التي وظفها الشاعر بطريقة غريبة جداً...

(رســـــــــــــــالة شــــــــــــاعر)

1.الله الله ياقـوافـي شـعـري المنـقـيـه==يابنـات افكـاري الحـره وهيـض فــوادي
2. ابرقي برق الحيـا فـا المزنـة الوسميـه=وارزمـي واستنـزلـي بمـزلـزلٍ رعــادي
3. استهلـي ثـم هـلـي غشـنـة سيلـيـه=قضّضي روس الحتايف مـع مفيـض الـوادي
4. خلـيّ العـادي لغيـري والممـيـز لـيـه==لي ثلاث عقـود واكثـر مـا نظمـت العـادي
5. عِهدي بْنظـم الحـروف السهلـة العاديـه=من يصدّق لـو زعمـت وقلـت فـي ميـلادي
6. راضـع ٍ در القصيـد رضاعـةٍ فطـريـه=وشارب ٍ قطـر المعانـي يـوم انـا بمهـادي
7. شخبطاتـي فالطفولـة مدرسـه شعـريـه=لو نصاهـا كـل مـن يـدرس طلـع قصـادي
8. شاعر ٍ شيـدت لـي حـد السمـاء عليـه=ولا علـى مـن زاد زود ولا تهـون انـدادي
9. صيد فكري مـن خيـار الشّـرد الذيريـه=مـا يصيـده كـل راعـي مخلـبٍ صـيـادي
10. فـارق ٍ فـي مذهبـه والكـم والكيفـيـه=مثل فرق الماس عن سقـط الحديـد الصـادي
11. حد حرفي لا انشظـى صوانـةٍ مشظيـه=حدهـا فـوقـه تـحـد البـتّّـع الاصــلادي
12. ناحتٍ صلـب الصخـور بشفـرةٍ ماسيـه=لاضربـت ابهـا تقـادح فيـه قـدح ازنـادي
13. مرحبا في كـل مـن يظهـر لـي النديـه=والشـرف رمـز التنافـس واقدهـا يـاقـادي
14. طاوي ٍ للجـزل مفتـول الرسـن بيديـه=ويـن مـا وجهـت طاروقـي تخـب جْيـادي
15. كل عذب من المناهل شـاربٍ مـن ميـه=فـوق نبعـه سابـق ٍ ورد القطـا مـيـرادي
16. وكل ميدان ِ طويل اسرجـت فيـه اعبيـه=خطـوةٍ منهـا تـعـادل خـمـس للـطـرادي
17. وكـل راكـب للهجيـن اردفتـه هْجينيـه=وكل عيـس ٍ زرفلـت حطيـت فيهـا حـادي
18. وكل غصن ٍ فالهواء طيـرت لـه قمريـه=لا تمايـل شالـت الانسـام صـوت الشـادي
19. شاعر ٍ باعـي طويـل وهاكـم الماريـه=والكـلام اللـي علـيـه ادلـتـي واسـنـادي
20. المقام اجبرنـي اجعـل شفرتـه سريـه=بس ابـا اكشفهـا لكـم فالوقـت والميعـادي
21. باختصر مدلولهـا فـي صيغـةٍ حرفيـه=( ألِـفٌ مِيـمٌ ألِـفْ ) كـان إن ربــي رادي
22. صغت من نادي عكاظ بسوقـه الصيفيـه=مشهـدٍ فـا الحبـك يربطنـي بـذاك النـادي
23. نوب اعيد صياغته في صـورة عصريـه=ونوب ازيده مـن فنـون ٍ صغتهـنّ جْـدادي
24. ونـوب اصـوّر للمسامـع لوحـةٍ فنيـه=محتـواهـا يمـتـع الجمـهـور والنِـقـادي
25. المسامـع تقـل تبصـر صـورةٍ حسيـه=والمشاعـر تقـل تسمـع زمجـرة عــوّادي
26. استعيـر الرمـز للـي يقبـل الرمـزيـه=واوقد الجـزل المباشـر فـا العقـول اوقـادي
27. افتـل المعنـى وأحـل العقـدة المثنيـه=وابـهـر الفـتـال والـحـلال والـعـقـادي
28. من رفيعـات العوالـي قسمـي العلويـه=حيث ليّه مـن رهـا فـوق السّنَـام اشـدادي
29. شاعـر ٍموهـوب والابـداع لـي جَديـه=ليـش لا والشعـر فـن ٍ ورثـوه اجــدادي
30. مادرسنا بـس اخذنـا القابـه الفخريـه=عقـب صرنـا فـي تفانينيـه مـن الـروادي
31. حاصدينه من خصيـب افياضـه الريفيـه=وزارعينـه فالقـفـار الـجـرد للحـصـادي
32. إصعد المرقاب وأقـر نقوشـه الصخريـه=تختـزل كـل الزمـن حتـى ثمـود وعـادي
33. وإسال العشق العفيـف وقصـة العذريـه=واللحون اللـي حفظهـا الغـار فـا التوبـادي
34. وإنشد الركبـان وش فالرقعـة المطويـه=والقوافـل لا قطـرهـا للـقـرى الـمـدادي
35. وإنشد الرحال مـن ذيـك الديـار لذيـه=كيـف اجـاد النقـل وأدّى امانـة القِصـادي
36. هو سجلات العـرب واخبارهـا المرويـه=شـاهـدٍ يبقالـهـا لا أنـدثـروا الشـهـادي
37. فيه نصـح وفيـه علـم وفايـده فكريـه=حبـب الاسمـاع فيـه بسجـعـه المنـقـادي
38. بين حـرص الـوزن والتاكيـد فالقافيـه=تصـدر الاخبـار موثوقـه مــع الــورادي
39. وثـق الركـب اليمانـي سيـرةٍ شاميـه=واستقاهـا كـل رايـح فـي البـلاد وغـادي
40. طافـت الاقطـار شرقيـة علـى غربيـه=واستلمهـا مثـل ماهـي عاشـر الاحـفـادي
41. عمـت الاداب منـا الكـورة الارضـيـه=واوصلـت تاريخنـا الحافـل مـن الامجـادي
42. المبـدع يعربـي والترجـمـة رومـيـه=مابلـغ هـام البلاغـة مثـل حـرف الضـادي
43. الرواحـل توصلـه لـحـدوده البـريـه=والمراكـب تنقلـه عبـر المحيـط الـهـادي
44. راحت ألفيّه وراء ألفيـه وجـات ألفيـه=وشاعر الازمـان لاحـداث الزمـن رصـادي
45 راجـح ٍهـم امتـه بهمومـه الشخصيـه=المواجـع فيـه شتـى والهـمـوم افـنـادي
46. مـا يحقـق مبتغـاه الا عصـاٍ سحريـه=تخمـد النيـران فاغصـون السـلام اخمـادي
47. مثل حلم لي طلع لـي فيـه ابـن جنيـه=قـال لـي شبيـك ياسيـد كـبـار اسـيـادي
48. قلت يالعفريـت جـل هْمومـي اسياسيـه=قال قلي بس وش لـك مـن طلـب وامـرادي
49. رفع ظلم اشعوب عانـت تفرقـة عرقيـه=احتـلال وبطـش واستعـمـار واستعـبـادي
50. كبت حريـات .. غلظـة سلطـةٍ قمعيـه=عنفـوان ارهـاب ينهـج فكـر ٍ استـبـدادي
51. قلت اصبت الجرح، قال اصبر علي شويه=خـل شرحـي يكتمـل لا تقطـع استطـرادي
52. مستعـد انـزع بقايـا النزعـة النازيـه=وانفـي الاشـرار واقطـع دابـر الاوغــادي
53. ومستعد الغـي عقـاب معـادي الساميـه=ذا إذا باقـي لهـا فـوق الـتـراب مـعـادي
54. ومستعد اكسـر عنـاد الدولـه العبريـه=وامسح الحبر الحمر مـن صفحـة الموسـادي
55. ومستعد احـل وضـع الضفـة الشرقيـه=مـع شقيقتهـا واعيـد الوصـل والامــدادي
56. ومستعد اصلـح دمـار الآلـه الحربيـه=وامسـح اهـوال وخـراب وبهذلـة بـغـداي
57. ومستعد انفض غبـار النخـوة المنسيـه=فـي سبيـل اقيـام دولـة عـز لـلاكـرادي
58. ومستعد اوقظ ضميـر الاسـرة الدوليـه=ليـن موقفهـا يصيـر مـع الجميـع حْيـادي
59. بـس لا تطلبنـي اصلـح فتنـةٍ حزبيـه=فرقـت شمـل ٍ موحـد لـيـن راح ابــدادي
60. البلـد شبريـن ويشـق بميَـة شبريـه=ثايـر ٍ وسـط النفـوس البغـض والاحقـادي
61. موطـن ٍعيّـت تشيـخ حْروبـه الاهليـه=فتنـة ٍفـي كـل عـام وشـرهـا مـزتـادي
62. فتنةٍ جـت مـن بعيـد وعـوّدت بينيـه=لين شـادي شـب نـاره فإبـن عمـه فـادي
63. الايـادي سافـرة واربابـهـا مخفـيـه=بـس كـل اربابهـا تعـرف مـن الايــادي
64. كل يوم ٍمن رمـوزه مسقطيـن اضحيـه=لين نص اهل الوجاهـه فـي فخوخـه بـادي
65. تقل فيهم سـاد جيـن النزعـة الساديـه=مـا تعـرف المنجلـد فيهـم مـن الـجـلادي
66. في خبايـا الجحـر سـم ٍعالـي السميـه=مـن يبـي يدخـل يـده لابـد مـا ينصـادي
67. قلت انا بانشدك من فالجحر راس الحيـه=قال ما المنشـود عنـه اعلـم مـن النشـادي
68. قلت حاذر يالوضيـع مـن الغلـط موليـه=فيـك خبـثٍ تستـره عـنـي بالاستـبـلادي
69. ذول اهل شـان ومقـام ولحمـة قوميـه=كـل واحـد دون الاخـر بالحـيـاة ايـفـادي
70. قال هـذا اليعربـي والنزعـة الطيشيـه=ديدنـه عنـد الحـوار وطبـعـه المعـتـادي
71. لاستثـارت فيـه ردة فعـلـه الفـوريـه=راح يشتـم ويتلفـظ لــو يشـجـع نــادي
72. مشكلتك انتـه وربعـك مشكلـة نفسيـه=مستريـح وتشكتـي مـن كثـرة الاجـهـادي
73. يا خلف يابن سلـف وش جـد فالذريـه=دوم مولدهـا جـمـاد وموتـهـا باجـمـادي
74. شغلكم هـو شغلكـم كالساعـة الرمليـه=نفسهـا هـي نفسهـا لاخلـصـت تنـعـادي
+7 طارت الغفـوة وطـار الحلـم مـع جِنيـه=ما درى إني من هجوسي سلوتـي بـا رقـادي
يـا لحلـم مـا يجـي فـي صحـوة ذهنـيـه=ويـا لجـرح مـا لسقمـه فالحشـا ضمّـادي
76. دون حمل الناس حملـي مثقـل ٍ رجليـه=وهمي أزود في عذابـه مـن همـوم ازيـادي
77. من يجاوبنـي نعـم فـي مسالـة قطعيـه=ودي اصـرخ فـي سوالـي للزمـن وانـادي
78. يـا كتـاب الله يـاذا الطهـر والقدسيـه=لا شهدت اتكف مـا بعـدك مـن استشهـادي
79. ياسفر هدي النبـي واصحابـه المهديـه=يـارواة السنـه اهـل المـتـن والاسـنـادي
80. يا الامام القرطبي ، يالشيخ ابـن تيميـه=يامؤلـف للفلاسـف ( بغـيـة المـرتـادي )
81. ياشهاب الديـن ، يابـن قيّـم الجوزيـة=ياميامـيـن افـقـه العـبّـاد والـزهّــادي
82. هـل زج النفـس داخـل كتلـةٍ نـاريـه=يعتبـر هالانتحـار الفـاحـش استشـهـادي
83. وهل قتـل مسالـم معاهـد مـن الذميـه=يعتبـر مـن غيـر حـق ٍ مستحـق اجهـادي
84. وهل جـز الـروس والتمثيـل بالجنبيـه=يعتبـر نصـر ٍ تقـام لمقتـضـاه اعـيـادي
85. ياممزقـة الجسـد بانيابهـا الوحشـيـه=العقـول اللـي تقـاوم مـاهـي الاجـسـادي
86. لو يمثـل جملـة الاديـان هـا النوعيـه=فضلـت جـل القلـوب الكـفـر والالـحـادي
87. كـل فـض ٍغلـظ لارحمـه ولا مـاويـه=كل من حولـه يفـض اجمـوع والا افـرادي
88. يا غليظ السوط .. تبغى الطوع بالجبريـه=ويـن دور النصـح والتوجيـه والارشــادي
89. ماخذٍ في زهـو فكـرك مطلـق الحريـه=وفكر غيـرك مغلـق ٍ مـن دونـه الاصفـادي
90. لا تحكر الحق لـك دون البشـر حكريـه=كـان تركـع بـس ، غيـرك راكـع ٍسجـادي
91. وكـان تنظـر للقضيـه نظـرةٍ سطحيـهفيه =مـن ينظـر لهـا مـن ثالـث الابعـادي
92. تنهج الدعـوى ولا عنـدك بهـا خلفيـه=ليـن بقدامـك علـى درب الزلـل تنـقـادي
93. لا تصـدق كـل مـا فالنشـرة الجويـه=كم ريـح هـب فـي غفلـة مـن الارصـادي
94. ولا تعالج قبـل تقـرا الوصفـه الطبيـه=ربما اعـلاج ٍخطـا زاد المـرض مـا فـادي
96. تستغـل القاصريـن بمـنـوةٍ غيبـيـه=قـصّـر ٍ لازال بـعـض البـاسـهـم ولادي
97. ياخي اولادي !، وانا الراعي،وهم ارعيـه=مـن عطـاك الحـق تصبـح والـيـا لاولادي
98. والحمـا دونـه تـذود ارجالـه المعنيـه=من عنـاك انـك تصيـر عْـن الحمـا ذوادي
99. خيمـة الديـن القويـم بعمدهـا مبنـيـه=ثـبـت الله عمـدهـا واطنابـهـا بـاوتـادي
100. لاتعـز اعمادهـا عـن عزتـك مكفيـه=ما انت طنب ولا وتد حتـى تصيـر اعمـادي
101. وش فعل شداد يا اهل السيره العبسيـه=مـا نعرفـه لـو نعرفـه، والسـؤال يعـادي
102. عنترة معروف بن شـداد حـام الهيـه=بـس لـولا عنتـرة منهـو عـرف شـدادي
103. لا تقول انك وريـث الصحـوة الدينيـه=والله انـك مـن دهـور مطـاول المـرقـادي
104. وعي ذهنك غارق ٍ فـي نومـةٍ كهفيـه=لابـثٍ فيهـا اسنـيـن ٍ مالـهـن عــدّادي
105. العيـون مفتحـه وابصارهـا مغشـيـه=والمسامـع لـو تنـادي مـا تجيـب منـادي
106. تفهم الحجه خلاف انصوصهـا الفقهيـه=لين فكـرك عـن طواريـق الهدايـه حـادي
107. يا عديم البصر عالـج عينـك المعميـه=منـت مقـديّ ٍ لخيـر ولا لمثـلـك قــادي
108. والله انـك منخـدع فالسالفـه وامتيـه=في رقبتك حبـل واخـلاف السـراب اتقـادي
109. عايـش ٍكالإمّعـه مـامـورةٍ منهـيـه=ناطح ٍلـك ليـل وانتـه فـي نهـارك غـادي
110. والله ان الحق مثـل النجمـه القطبيـه=فـي سمـاً وسطـه نجـوم ٍمالهـن تعـدادي
111. ما يميـز غيـر راعـي خبـرةٍ كونيـه=كاشـفٍ سـر النجـوم المختفـي والـبـادي
112. تحسب انك ثالث المجموعـة الشمسيـه=وانت لا الثالث ولا العاشـر ولا انـت الحـادي
113. ياعقـول ذاهبـه للـغـي والرجعـيـه=والله إنــا نرتـجـي للذاهـبـة مـعـوادي
114. كان باقي جمـرةٍ تحـت الرمـاده حيـه=يـوم هـي راحـت رمـاد الشبـه الـوقـادي
115. لا يعوّد يضرم الشيطـان منهـا ضيـه=عقـب مـا الله مـن عبـاده وفـق الخمـادي
116. فالضيافة وش ورثنا من صخا الطائيـه=يـوم نكـرم ضيفنـا هـم وسهـر واسهـادي
117. من متى في ارحابنا اللعنه جزاء الرديـه=ومـن متـى فادلالنـا البـارود صـار قنـادي
118. ومن متى نفس العزيز وقيمتـه مهفيـه=فـي بـلادٍ تنـبـذ الـذلـه والاستضـهـادي
119. مـا فعلناهـا وحنـا الامــة الامـيـه=كيـف نفعلـهـا وفيـنـا فالفـضـاء روادي
120. والله إن إلكم بقلب ارحـم ملـك حنيـه=ايتطـبـب وايتبـصـر فالـبـلا وايـهـادي
121. يوم شاف الغادي اللي في ضلالـه تِيـه=قـام يدعـي فـي سبيـل إنـه يـرد الغـادي
122. كل غاوي وده انه ينتهـي عـن غيـه=مايـبـي دمــه ولحـمـه للمـهـنـد زادي
123. عارف وش قدمكم مـن قـوةٍ ردعيـه=تـردع اللـي فـي بـلاده عاثيـا بافـسـادي
124. من تراجع عـد نفسـه سالمـة معفيـه=ومن تمادى لـه سيـاط الـردع بالمرصـادي
125. لا فسد فالعـرق دم ولا انفعتـه الكيـه=فالنهايـه مـا لـه الا مـشـرط الفـصـادي
126. علمـوا شرذمـةٍ بشرورهـا مبلـيـه=مـا لبلواهـا سـوى مايصـنـع الـحـدادي
127. بارك الله فـي زعيـم الجمعـه المكيـه=راعـي الاصـلاح واخوانـه وراه اسـنـادي
128. يوم نـادى بالحـوار وحـق الانسانيـه=واحتـرام الغيـر لـو هـو للوهـم عـبـادي
129. اقلقه شن الشعـوب لحـرب ٍاعلاميـه=عمـت الديـن الحنيـف وصفـوة العـبـادي
130. وجه ارباب الضميـر وكـل ذي عقليـه=يجبرون الشـرخ قبـل الشـرخ مـا يـزدادي
131. رجـل جـدٍ جـاد بالمجهـود والجديـه=جـاد جـده بالجدايـد واجتـهـد واجــادي
132. مسجيـب لمستجيـر جيرتـه مجزيـه=جامـع ٍجـزل السجايـا جــازم ٍ جــوادي
133. المراجـل جلهـا فـي منهجـه مجليـه=جـوده الهـداج يجهـض حجـة الجـحـادي
134. وجه جودٍ جمّلـه بـا النجـدة النجديـه=والتجمـل بالجميـلـة منـهـج الاجــوادي
135. قـال لا للسـب والتسفيـه والسخريـه=سمعـة الانسـان تسمـو سفـه الاستنقـادي
136. سلـم الله راس مسّـس سنـةٍ سلميـه=ساسهـا واسقوفهـا سلـم وسـلام ٍ ســادي
137. التسامـح مسلكـه واسلومـه اسلاميـه=فالسِّطـر سيـفٍ سليـل وفالسـلام اسيـادي
138. اسعدي واستمتعي بالسعد يـا سعوديـه=واستمدي مـن شمـوس اسعـودك الاسعـادي
139. اسرةٍ سطر سجـل اعمالهـا الخيريـه=سيـرةٍ تسمـي بهـا فـي عالـي الاشهـادي
140. القلـوب بْحـور حلـم وبالنقـا ممليـه=والعقـول كنـوز حكمـة والعيـون احــدادي
141. ما انعرض من وقفة الا اختاروا الوسطيه=واقفيـن فالوسـط مـن ساحـة الاضــدادي
142. خل عنـك الحاقديـن القصّـر البطليـه=مـا نعيـر اسماعنـا للطـامـع الحـسـادي
143. لو تعـاوى عيلـة آوى كلهـا واويـه=مـا تسـرّي لـو تعـاوى ليلـهـا سـمـادي
144. من طرق سوق الردا مفلس من الربحيه=حيـث مالـه غيـر طـراد الفلـس مرتـادي
145. سرسـريّ ٍذمتـه مبيوعـةٍ مشـريـه=عارض للسـوم حظـه مـن شـرا مـن زادي
146. يشتـري حظـه رديّ ٍغايتـة كيـديـه=ميـر والله خايـبٍ كيـد الـردي لـو كـادي
147. والجْنون اللـي براسـه كلهـا مخزيـه=حدرهـا جـلاد حــق وفوقـهـا صـهـادي
148. علموا ها الناعق اللي منوتـه وهمميـه=محسـب إنـه يـوم عـارض للقيـاده قـادي
149. لا اعتراف وْلا ولاء لاحكامـه العرفيـه=مـا يوالـي مثـلـه الا زمــرة الحِـسـادي
150. دام حكم الشرع نهج السلطة الشرعيـه=والعـدالـه بيـنّـا ميـزانـهـا مـتــلادي
151. وازدهار وعلم وامـن ونعمـةٍ مرخيـه=وش يبـي هالفاسـق اللـي بالشقـاق ينـادي
152. لا يقول الفضل بـس الثـروة النفطيـه=ويش سـوى النفـط لبـلادٍ حكمهـا صـادي
153. المـوارد مـا تـدار بنعـرةٍ ثـوريـه=لا ولا يصـلـح لـهـا متقـلـب هـبــادي
154. يابـلادي سطـري بدروسـك العلميـه=خيـر درس عْـن النجـاح الفايـق المتمـادي
155. شجرة من تحتها مدت عريـض الفيـه=جذعها ثابت ومرصوص الغصـون اعضـادي
156. اسرةٍ ربـي وهبهـا المعرفـة وهبيـه=كـل مـن ولِّـي قيـادة صـار خيـر اقيـادي
157. استووا صفٍ قويم الشكـل والوضعيـه=مثـل صـف احـراب جنـدٍ صفهـم متقـادي
158. احسنوا تدبير صحـراءً قاحلـه مجفيـه=لوّحتهـا شمـس شهـبٍ فالسنيـن اشـدادي
159. ورغم ذا جات السنين المعسرات ارخيه=يـوم مـد الخيـر والنعمـى لهـا الـمـدادي
160. شاكريـن لربنـا وانفوسنـا مرضـيـه=ومـن عطـا الله يستزيـد الشاكـر الحمـادي
161. ما يـوده غيرنـا فـي خطـةٍ خمسيـه=عندنا فـي عـام واعـوام النجـاح اطـرادي
162. يـا مليـكٍ بالمحبـة جـارف الشعبيـه=مالـكٍ بالحـب قلـب الحاضـر مْـع البـادي
163. السريـرة مستنيـرة صافيـه برحـيـه=واليميـن تمـد كــفٍ بالفضـايـل نــادي
164. صادق ٍ فيما يقـول ومخلـص ٍ فالنيـه=رايـد ٍ بالصـدق وابكـل الخصـال اريــادي
165. إن تكلم جـا بسيـط وكلمتـه عفويـه=تطلـع أبلـغ مـن بيـان مـفـوّهٍ ســرادي
166. وإن تحدث مـن فـواده لهجتـه وديـه=للضعوف ارحاب عطـف وللجـروح اضمـادي
167. فاض طيب وجاد عطف ورحمة جهريـه=مثل غيثٍ فاض مـن غـر المـزون وجـادي
168. منهو اللي يرمي الغتـرة مـع الطاقيـه=لا انهمر غيث الوسـوم وفـاح ريـح بـلادي
169. ريح عـز ومفخـرة وارجـال ٍاسنافيـه=ذكرهم عطـر ٍ مـن انفـاس الثـرا مـزدادي
170. عانقـت نفحـة روابٍ بالنقـا مسقيـه=نفـح ازاهيرالسهـول وشـمـخ الاطــوادي
171. ريح قيصوم ٍ وشيح وروضـة مزهيـه=بالخزامـى والنـفـل ذعذاعـهـا متـهـادي
172. مع نسايمهـا تسامـى نفحـة عطريـه=فوح هيل وريح عـود وطيـب مسـك وكـادي
173. مستشفٍ من شـذا ريضانهـا المحميـه=خلطـةٍ يبـري شـذاهـا عـلـة الاكـبـادي
174. تفتخـر فـي نقدكـم ياللجنـة النقديـه=ويـن يلقـا فعـل مالـه فالبـشـر نـقـادي
175. حيث الاريا تختلـف والشغلـة الفرديـه=عرضـة للنقـد مهمـا صـرت لـه متفـادي
واثــق ٍ فانصافـكـم بالقسـمـة النسبـيـة=وهاقين قسمي يجـي مـن عالـي الاعـدادي
177 حينه اجمع يا جهـاز النسبـة النصفيـه=مد قوم ٍ جاك حاضـر مـا ارسلـوه اقصـادي
178.مـد ذواقـه وصحـب ولابـةٍ بتعـيـه=عزوتي لا ثـارت اعزومـي وشـاش عنـادي
179.كان ربي راد مجمـوع النسـب بالميـه=تسعتـيـن وتسعتـيـن بحسـبـة الـعـدادي
180.وخامس التسعات الاربع فاصلة عشريـه=بعـد موضـع خانـة العشـرات والاحــادي
181.فالنشاما مـا تخيـب الهقـوة المهقيـه=والمحبه هـي امـدادي كـان جـف امـدادي
182.يالله انـي طالبـك حبـب عبـادك فيـه=واهدنـي فيمـا تحـب وترتضـي يـا هـادي

الشاعر
محمد عامر بن نيف المطيري


أبن مصاول

رائعة جداً .


وملحمة شعرية مجيدة .


القراءة تجعلك تستوعب القصيدة .


وفعلاً من روائع الشعر النبطي بشكل عام .

واراه أفضل شاعر في البرنامج بالاضافة الى مفرج ابن شوية وراكان السبيعي .




وأعتقد أن الشعراء الكبار في البرنامج جاملوهم اللجنة كثيراً .

المشاركة الأصلية كتبت بواسطة سالم رباح

رائعة جداً .


وملحمة شعرية مجيدة .


القراءة تجعلك تستوعب القصيدة .


وفعلاً من روائع الشعر النبطي بشكل عام .

واراه أفضل شاعر في البرنامج بالاضافة الى مفرج ابن شوية وراكان السبيعي .




وأعتقد أن الشعراء الكبار في البرنامج جاملوهم اللجنة كثيراً .

أخي سالم أشكرك على المرور والتعليق على الموضوع وانت من المؤكد من المتابعين لهذا البرنامج اكثر منا ..

وبالنسبة لمجاملة الشعراء الكبار فهذا عادي لأنهم هم الجوكر الذي يلعبون به في هذا البرنامج وبسببهم بعد الله يكتب له النجاح فإذا سمعوا الناس ان هذه الأسماء الرنانه والشخصيات المعروفة على مستوى الشعر النبطي متواجدة في هذا البرنامج سيكون هناك متابعة قوية له..


ولا هو غريب ان يكون هناك من الشعراء المغمورين او الصغار من ياتي بشعر أحسن من شعر الكبار فالشعر ليس لأحد عن احد ..

ويقول المتنبي على أرجح الروايات :

واني وان كنت الأخير زمانه = لأتي بما لم تستطعه الأوائل

صحيح ياابوضيف الله .


لكن رغم ذلك حفظ حق اولئك الشعراء .

محمد ابن عامر صاحب الملحمة أعطي 46 من 50 .

راكان السبيعي حصل على 47 .

ابن شوية حصل على 46 .


اما الكثير من الشعراء في البرنامج فكانوا تحت ال40 ولم يظلموا لأنهم لم يستحقوا درجة أعلى .





لكن ال48 وال49 كانت فقط للشعراء الشياب المعروفين .








وميزة شاعر العرب أن الشعراء كلهم مميزين جداً لاتجد من نوعية ابن النعاج أو الحاج لمنهالي أو منيرة سبت أو الكعبي والذين لايتقنون حتى الوزن والقافية .

شكرا يابن مصاول

والقصيدة رائعة جدا وبيض الله وجه قايلها

المشاركة الأصلية كتبت بواسطة سالم رباح

صحيح ياابوضيف الله .


لكن رغم ذلك حفظ حق اولئك الشعراء .

محمد ابن عامر صاحب الملحمة أعطي 46 من 50 .

راكان السبيعي حصل على 47 .

ابن شوية حصل على 46 .


اما الكثير من الشعراء في البرنامج فكانوا تحت ال40 ولم يظلموا لأنهم لم يستحقوا درجة أعلى .





لكن ال48 وال49 كانت فقط للشعراء الشياب المعروفين .








وميزة شاعر العرب أن الشعراء كلهم مميزين جداً لاتجد من نوعية ابن النعاج أو الحاج لمنهالي أو منيرة سبت أو الكعبي والذين لايتقنون حتى الوزن والقافية .

أشكرك على التعقيب اخي سالم ولا هنت على أثراء الموضوع بردود مفيدة جداً

المشاركة الأصلية كتبت بواسطة خالد ابن غابش

شكرا يابن مصاول

والقصيدة رائعة جدا وبيض الله وجه قايلها

لا شكر على واجب يا خالد وسرني مرورك وتعليقك ياغالي

يااخوان نبي جديد الشاعر