مجلس أبن مصاول ....للجميع أرحبووووووووووووو

المشاركة الأصلية كتبت بواسطة راس الضلع

انا اشوفك سمنان يابن مصاااول اثـــرك طايح بهالمجلس لهط لهط

ولا علمت خوويك افا بس افا

هههههههههههه أبك أيه انا معينن خير ورزاق في هالمجلس كل وحده من الربايع تمر إلا جايبه معه أغراضها واكلات شعبيه و غير شعبيه لدرجة انني صرت مثل (جورج سيدهم) في مسرحية المتزوجون هههههههههههههه ما يقصرن بنات العم ......وعاد شايبكم ولازم تهتمون فيه وهالربايع كل ما جن هنيا شافني لحالي كسرت خاطرهن وسون لي عيشه وجابنها لي...

وكانك تبي العيشه خلك هنيا وعلى نياتكم ترزقون...

أبن مصاول

حبيت امر واسلم على الجميع
وعسى مجلسك مبارك
يأبن مصاول

اليوم جايب لكم قصيدة مشهوره بها بيت شعر كل الناس تردده اللي يقول فيها (ترى الخوي والضيف والثالث الجار***مثل العمل ما بين فرض (ن) وسنـا )

هذه من القصه القديمة يتداولها الرواة بطرق مختلفها وقد جرت احداثها في بادية العراق قبل اكثر من 170 سنة تقريباً, و مضمونها ان قوم من شمر اغاروا على قبيلة الدليم احدى قبائل العراق , ولاكن الدليم انذروا بهم فخرجوا لمواجهتهم فما كان من غزوا شمر الا ان زبنوا والتجوا الي أهل القبيسة أحدى قرى العراق – وقيل انهم اخلاط قبائل تحالفوا فيما بينهم و تعاهدوا على قبس نار الحرب دفاعاً عن بعضهم فاطلق عليهم لقب القبيسات - فلما علم شيخ الدليم الشيخ علي السليمان الدليمي ارسل الى أهل القبيسة يطلب منهم تسليمهم والا سوف يحاربهم . ولكن تصميم اهالي القبيسة كان قويا على حماية جيرانهم والدفاع عنهم , فوقفوا دونهم . فلما راى شيخ الدليم قوة باسهم وشجاعتهم تراجع عن مهاجمتهم وقال الشاعر صقار القبيسي بهذه المناسبة قصيدته يتشره فيها على شيخ الدليم علي السليمان وهي كالتالي :

يقول:

ياراكب حمرا من الهجـن معطـار=مـا قربـت عنـد العقيلـي اتثـنـا
تشدا قرانيس القطـا حيـن ماطـار=ملفاك علـي الشيـخ زبـن المجنـا
امر سديته يا علي مـا بعـد صـار=جيتوا تبون اضيوفنـا غصـب عنـا
رجالنا يفـرح الـي شـاف خطـار=يقحص لهم عجـل ماهـوب ايتونـا
لاجن يسوجن السفايـف والاكـوار=لا لــوذن ببيوتـنـا يرجـهـنـا
اول قراهـم مـن حليـات الاثمـار=غرايس (ن) من طلعة سهيل اثمرنـا
وثاني اقراهم دلة(ن) نصفها ابهـار=بنجر (ن) نلاعي به على كـل فنـا
وثالث اقراهم حايل (ن) دوم تنـدار=ومناسـف (ن) لضيوفـنـا ينقلـنـا
وش عذرنا من لابس الخصر وسوار=اللـي يرشـنَّ الـذوايـب بحـنـا
واليـا عطينـا ضيفنـا مالنـا كـار=نلوذ عـن زيـن المضايـف بعنـا
ترى الخوي والضيف والثالث الجار=مثل العمل ما بين فرض (ن) وسنـا
واللي زبنا زابن (ن) ضلع سنجـار=والحرب نرسي له الـي ثـار حنـا
تسعين ليلة واشهب الملح بـه ثـار=وقـت المنـام ايطيّـر النـوم عنـا
محمد بناها واودع السـور منـدار=وهلهل علي درب السلامـه وغنـا

وهي للشاعر صقار بن مهنا القبيسي الفضلي اللامي من طيء


أضغط هنا للإستماع للقصيدة الرائعه بشيلة أروع..

منقووووول


أبن مصاول

وأنـا مـع راس الضـلـع أثر الـدعـوه كـذا فـطـور وفـلـه وحـنـا نـحوم بـرا هـذا القسـم

المشاركة الأصلية كتبت بواسطة ذيب الروسان

وأنـا مـع راس الضـلـع أثر الـدعـوه كـذا فـطـور وفـلـه وحـنـا نـحوم بـرا هـذا القسـم

انت شفت ياذيبااااان ولااااعلـمنــا ، بس من اليوم ورايح نبي نراقبه كل ماراح لقسم نطمر لنا معه

ههههههههههههههههههههههههههههههههههههههههههههه

المشاركة الأصلية كتبت بواسطة ساري

حبيت امر واسلم على الجميع
وعسى مجلسك مبارك
يأبن مصاول

حياك اخوي ساري وشرفني مرورك يا غالي....

والله يبارك فيك وخلنا نشوفك على طول هنا

ولا نستغني عن مشاركاتك القيمه

أبن مصاول

المشاركة الأصلية كتبت بواسطة ذيب الروسان

وأنـا مـع راس الضـلـع أثر الـدعـوه كـذا فـطـور وفـلـه وحـنـا نـحوم بـرا هـذا القسـم

أيه فطور وفلة حجاج بس انتم تقلطووون ياذيبان؟؟؟ ....

تعالوا للمجلس وشبوا ناركم وتبي تجيكم العلوم الطيبه والأرزاق ....

وخاصة العريكه اللي أبن مصاول يحبها بالعسل والسمن البلدي>>>>لورباك ما يدانيه يا حلا نجد ولا تراني ماني بآكل <<<<طرار ويتشرط

المشاركة الأصلية كتبت بواسطة راس الضلع

انت شفت ياذيبااااان ولااااعلـمنــا ، بس من اليوم ورايح نبي نراقبه كل ماراح لقسم نطمر لنا معه

ههههههههههههههههههههههههههههههههههههههههههههه

انت خلك قريب لا تروح بعيد ...كل ما طلعت من المجلس جانا طبق جديد فخلك قريب ....وعطني أذنك

v
v
v
v
v
v
v
v
v
v
v
v
v
v
v
ترى حلا نجد مواعدتني بكره بكبسة ضبان على كيف كيفك فلا تعلم احد ...

أنسرق من المنتديات الثانيه وخلك جاي الساعه 8:00 صباحاً علشان كبسة الضبان<<<أمحق مزاج مع الصبح

انا حر يا اخي أبي آكل ضبان مع الفجوووور فيه احد له عندي شئ؟؟؟

وإذا شيبان منتديات التاريخي والأنساب يبون يجون معك حياهم تراني أعرفهم يحبون الضبان وعكّرها

أبن مصاول

))انا حر يا اخي أبي آكل ضبان مع الفجوووور فيه احد له عندي شئ؟؟؟ ))

أبشر انت تامر أمر........لوتبي حاشي وصل عندك يابن مصاول.....((كم أبن مصاول عندنا ))





وهذه كبسه الرز مع الضبان...........أكرم الله النعمه؟؟









وها برست ضب............الحمد لله والشكر وش لون ياكلون دناصور صغير



تعبت وحامت كبدي من الصور...........بس علشان عين تكرم مدينه.......


وبالهناء والعافيه

هههههههههههههههههههههههههههههه

انتم اشبكم على الضباااان .........؟؟؟

حــــــــــــــــــــــــرااااام عليكم خلوها في حااالها .....


مو كفايه الدجاجه والغنمه اللي بتنقنقوا عليها كل يووووم ....


( هههههه خكريه داخله بالغلط ....)



واخيرا حصلت على وحده زيّي ...اموووووت انا ....





مسميني اهلي ((( الــــــهـــــــنديـــــــه )))