قصيده جديده للشاعر/ناصر هوشان الزنغوب

مشيت لي مع درب لين انتهى الدرب=ودرب الخطر شفته ودرب السلامه
مرت بي الدنيا على موقع الصرب=ولقيت زرق(ن)غير زرقاء اليمامه
وتبعتها ولكنها تقلع السرب =لو يكرب الفارس ويكرب حزامه
ليا تجه لشرق راحت عن الغرب =تاقف وتمشي مثل مشي الحمامه
تبعد عن اللي يمها وده القرب =وتعطيه نظره وحّده وابتسامه
وليا اقترب من حدها تضربه ضرب=لين يتغير منهجه عن نظامه
يمدورين المال والزاد والشرب=مدوا يديكم ماعليكم ملامه
لبلادكم وبلادنا مااتجه سرب=لو تنزل الدوحه بوسط المنامه
وحربٍ بدون سلاح مايعتبر حرب=ضربة عقال وخنقةٍ بالعمامه
واهل البيوت القشر شدوا على الجرب= وعقيدهم حطوه فوق المسامه
وابعد ضعنهم عن ضعن راعي العرب=واشوف راع العرب قشع خيامه
والحر الاشقر عقب وقع على الخرب =الخرب طار وسالماتٍ عظامه
يافارج الضيقات يافارج الكرب =افرج لمن حده زمانه وضامه

الشاعر /ناصر هوشان الزنغوب

موفق بإذن الله ... لك مني أجمل تحية .

صح لسان الشاعر ناصر هوشان

ومشكور أخوي جمال العوني

لاهنت

تسلم على النقل أخي جمال وصح لسان شاعرها المميز الأخ ناصر

مشكورين على مروركم الرائع وبيض الله وجيهكم

تقديري

صح لسان الشاعر ناصر هوشان
ومشكور اخوي جمال العوني
تحياتي لكـ

الأخ جمال أحسنت النقل ونقول صح لسان الشاعر ناصر بن هوشان وقصيدة جزلة جداً وبها رمزية شديده ولكنها رائعه ..

لاحظت قول الشاعر:

لو يكرب الفارس ويكـرب حزامـه

الشاعر يقصد:

لو يركب الفارس ويكـرب حزامـه

أوك أبن مصاول