السلام عليكم ورحمة الله وبركاته
اخواني جميع اعضاء و زوار منتديات الموازين
يسرني ان اطرح بين ايديكم هذه القصيده المتواضعه والتي اتمنى ان تنال
استحسان ذائقتكم الشعريه,,,
((غــــيمــــــــة الحـــزن))
غيمة الحـزن لاحت جعلها ماتسيـــل=كانها هانت الليله تراى انتصــــرت
يامتاهات عمري والطريق الطويل=كم تجرعت كاس الهم حتى سكرت
وش اســـوي وحظي دايم الدوم ميــل=كل ماقلت ياحــــظ استويت انحــــدرت
فــاارع الطـول..والله ما انت عابر سبيـل =في ضلوعي ترعــــــرت ومشيت وكبـــرت
لملمــيــني ترى ماعـــاد بالحيل حيـــــل =جيت كلي شموخ !!!وفي يديك انتثـــرت
ديـــرة الحســن ياذاك القــــوام النحـــيل=في حضورك مشاهير الحلا دون كــرت
اشهدني لقيت بـروض وصلك مقــيل=واشهد اني ليا مني خسرتك خســـرت
حكم العقل!!خبري فيك عقلك ثقيــــل=ليه من سالفتـــــنا الاوله ماعتــــبرت
((خنجر الغدر)) جاني من قريب وعميل=ليه!!يأقرب من انفاسي بقلبي كســـرت
ليه!!تغلق مساراتي عقب الف مــــيل=تحسبــنـّك جبرت الكسر.... لا ماجبرت
آهة الحزن ,,وانفاس القهر...والعويل=قطّـعـت قلـبي القـاسي...وانا ما شعــرت
في صحاري الجفا.. رميت حتى الصميل=من طعون الليالي والقريب انقهــــــرت
وانت كملتها من دون عــــذر ودليــل=الله يسامحك!! حتى العذر ما اعتذرت
جــف ّ ساقي و صالك بين صبحٍ وليــل=وانت تدري ما هو ذنــبي...ولاشك برت
لا تجاهل غرامي والزمان الجميـــل=والله اني على عهد الغلا ما غـــدرت
جدد الوصل والميثاق ياغلى نزيـــل=ورجع الذاكره ياكم عشانك هجــــرت
من وطن من قريب ومن حبيب وخليـــل=وكم عشانك تحديت الصعاب وعبــرت
خلها!! اتسولف الاجيال جيلٍ لجــــيل=عن ثمان السنـيـن اللي بقلبي انحفـــرت
كان الاعـــذار ماجابت معاك الحصيل=الله يوفـقـك..وانا بجـــوّي شهـرت
اخوكم \سيـــف الراشــد