تدري وش اكبر فخر لك يالسعودي

تدري وش اكبر فخر لك يالسعودي=إنك سعودي من بلاد الحرمــين

اطهر بقاع الارض دار السعودي=والـي جعلهــــــــا قبلتن للمصلــين
مهد الرساله خير مــــافـالوجودي=الــي بهـــــا نزّل تبارك وياســـين
بأمر الله الخلاّق خيرمعبودي=علـــــى شفيع الخلق سيد النبيين
هذا الفخر وعباد ربي اشهودي=بقيادة اللي حامين رايت الـــــدين
عبدالله اللي للمعالي يرودي=اللي ملك حبه قلوب المــــلايين
صقر العروبه والمراقي سنودي=ملك ملوك العرب نسل الميامين
بحر العطاء والجود كفن يجودي=من جود كفه جادو أهل فلسطين
والعضد سلطان الوفاء والعهودي=سلطان سلطان الكرم والسلاطين
ولي عهد الدار حام الحدودي=سيف المكارم موت كل المعادين
اللي بفعل الطيب دايم يزودي=غيث الارامل واليتاما المساكين
هم قادة الامه وحنا الجنودي =لاثارت الهيجاء بوسط الميادين
برواحنا لك يا وطنا نذودي =أما النصر والا الشهاده ملبين
نارد مثل ورد الضوام العدودي=حوض المنايا فالمواقف شجيعين
من دون دولتنا سوات الاسودي=جيش يهز الفرس والروم والصين
رغم على الحساد وانف الحقودي=ادروع واسيوف الحرار الوفيين
عبدالله وسلطان عز السعودي=والنائب الثاني طليق الحجاجين
عيال سيف العز راع الجهودي =موحد الدوله على الشرع والدين
لعل خده في جنان الخلودي=مع صفوت الامة وسيد النبيين

وتقبلو تحياتي

اخوكم الشاعر/ محمد بجاد بن موسم

صح لسانك يابن موسم

شاعر مبدع ومألق

وفي انتظار ماهو جديد

وكفووو

ياخوي محمد


تقبل تحِياتيِ ِ

هذا الصحيح وقولوا اللي تقولون
سلم سمو كل منهو سعودي

لاهنت ع النقل

قصيده راااقت لي بالح ـــيل

مشكووورين على المرور .. ومنورين الموضوع

بالنسبة للقصيدة أنا لم أنقلها .. أنا صاحب القصيدة .. وتم عرضها شيله في أكثر من قناة ..

وأشكر لكم التفاعل .. وإعذروني في القصور .. لأني مُقل بتواصلي في المنتدى .. بسب مشاغلي

وأتمنى لكم التوفيق ..

أبن موسم صح لسانك ويعطيك العافية على هالقصيدة المميزة

صح بدنك يالغالي

صح لسانك أخوي الشاعر المبدع محمد بن بجاد بن موسم وقصيدة وطنية جزلة من شاعر جزل

والوطن يستحق اكثر واكثر والولاء لقيادتنا شئ مسلم به..


صح لسانك وأعتلى شأنك

صح لسانك واعتلى شانك..

صح لسانك قصيده جزله من شاعر جزل ولا يكتب اللى الجزل ويستاااهل الوطن

صح بدنك يابوكايد زبون الكايدات ومشكور على هالكلام الطيب