جيتك وانا من لوعتي كلي احزان = جيتك ماابيك تذلني وتهزمني
جيتك وانا كلي مشاعر وحرمان = جيتك وقدّر موقفي واحترمني
تراي ماجيت متحسف وندمان = مشاعري في كل شي تحكمني
تصير معي وتنقلب ضدي احيان = واحيان كن الوقت يمه زهمني
اصبر واقول الوقت يرجع كما كان = ابني طموحي والسنين تهدمني
خايف يثور بداخل الصدر بركان = ياوقت جيتك ضمني واستلمني
اصارع الدنيا على كل ميدان = حتى زمان المعركه ما رحمني
لو اشتكيت ورحت لحقوق الانسان = مظلوم ماني عارف[ن] من ظلمني
تايه بسكه مالها ايات عنوان = مصيبتي لجيت محد[ن]فهمني
حطيت بصمه ثابته لي على شان = يعرفني التاريخ قبل يخدمني
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
أن تبوح بسرك لصديقك المقرب وتوصية بأن يسجنه في قفص صدره وتشرح له أهمية المحافظة على الأمانة .. وتنام مطمئناً متخففاً من همك وسرك .. ثم تستيقظ في الصباح على صوت أسرارك ينطلق كالأغنية من أفواه الآخرين