دمعة يتيمه

تدري وش آلي منه الإنسان مقهور=لا صار حظه بالمشاكل خصيمه
وتدري وش ألي يجعلك منت مسرور=لا صار مالك مع هل العرف قيمه
وتدري وش ألي خاطرك منه مكسور=لا سال دمعه من عيون اليتيمه
وتدري وش يخليك تطلع عن الطور=لا شفت حقك عند ناسٍ غشيمه
لا جاك عايل فيه منته أمجبور=ابعد ترى في البعد تكسب غنيمه
يمكن يمر أيام وسنين وشهور=وتشوف دنيا عاقبتها وخيمه
لا تامن الدنيا ترى جايك الدور=لو عشت فيها لا حقتك الهزيمه
ما كل رجال (ن) منه تأخذ الشور=الشور يلقى في الرجال الفهيمه
لا تترك الواجب ترى منت معذور=الحق تعطيه اليدين الكريمه
الآدمي في الكون منهي ومأمور=ورأي يوخذ من عقول (ن) حكيمه
ترى الجهل مذموم والعلم به نور=العلم تلقى الفايده في صميمه
واليوم ضاع الحق والحظ مثبور=عادة حليمه سالفتها القديمه.

الحميدي بن فارس بن مدلج

صح لسانك يابو خالد
وقصيده فيها الكثير من النصح والحكم المفيده

صح لسانك ابو خالد قصيده تحمل من النصيحه الشي الكثير والله يطول بعمرك يا ابوخالد تقبل احترامي

وتدري وش يخليك تطلع عن الطور
لا شفت حقك عنـد نـاسٍ غشيمـه
صح لسانك يابو خالد

صح لسانك يابوخالد واعتلى شانك على القصيده التى تحمل من النصايح الكثيره لاهنت

قصيدة أكثر من رائعه وقد صاغها المبدع أبو خالد بإحترافية كبيرة وابحر بها حتى رساها على شاطئ أجزل القصيد ...

صح لسانك الف وكل بيت فيها بقصيدة لوحده


تقبل مروري وإعجابي الشديد

صح لسااانك يابوفارس قصيده تحمل الحكمه والنصيحه لاهنت على ماكتبت من ابداع,,تحياتي لك

صح لسانك يابو خالد .وتقبل اعجابي بالقصيدة.

جزل يابو خالد والله قصيده بمعنا الكلمه

صح لسانك يأبو خالد على القصيده