(محاورة) تركي الميزاني مع صاحب السمو الامير خالد بن سعود

تـــــــــركــــــــــي

سلام الله سلام (ن) للعلـوم الطيبـه عنـوان= واعرف معزبه والظيف في حكمـة معازيبـه
وانا لي صاحب (ن)ماينطق الكلمه بلا برهان =ابا اسولف معه والعلم يدريبـه وانـا ادريبـه

صاحب السمو الامير خالد بن سعود الكبير

الا يامرحبا واهلا بقلطـة شاعـر المطـران= تراحيب (ن)لها بالصـدر تشريقـه وتغريبـه
وانا ياصاحبي ماني بمثلـك لشعـر ميـزان= ترفقبي ترى تـوي غشيـم وداخلـي ريبـه

تـــــــــركــــــــــي

يدوم لك البقا والطير مايكفـخ بـلا جنحـان= وانا خابرك صقر وكل صقر (ن)له مخاليبـه
سبحنا في البحور الي تضم اللولو والمرجان= واخذنا مانبي والوقـت ماتصفـى مشاريبـه

صاحب السمو الامير خالد بن سعود الكبير

صحيح الوقت مايصفى وتعكير الزمان الـوان= واشوف الخايبه تعجب وهـذي والله مصيبـه
غدى عند الهزيله شان والجزله ثمنهـا هـان= وسف الكذب والتهريج اشوف الناس تغزي به

تـــــــــركــــــــــي

اشوف اللي تشوفه طال عمرك يالله الغفـران= واشوف الناس قامت تبتسم بسنـون تركيبـه
لو ان اللي بنى البيت المسمى ثبت العمـدان= ماشفنا الريح تلعـب بيـن ذرياتـه واطانيبـه

صاحب السمو الامير خالد بن سعود الكبير

يا كيف الحل والحالـه سفينـه مالهـا ربـان= يمشيها الهوى مـن حيـث ماهبـت دواليبـه
عربها ترقص وتزف على حس الوتر و الدان= يحسبون المعاني صولها من جاب لـه خيبـه

تـــــــــركــــــــــي




ا

ظـن الحـل نتركهـا تهيـم بغبـة النسيـان= عساها من نصيب القيض لا هبـت ملاهيبـه
لو ان النابغة مخطي ماعود بالرضى حسـان= ويكفينا رضـى حسـان والوقـت وتجاريبـه

صاحب السمو الامير خالد بن سعود الكبير

انا خابرك ميزاني وربعـك كلهـم شجعـان= علامك عرَ ض لـك هدفهـا ماتضحـى بـه
ترى صمتك عن الغاوي وتصديدك عن الخوان =عذاب(ن)للضمير الحي ولا في هرجتك غيبه

تـــــــــركــــــــــي

انا مثلت فيـك القـاف مامثلـت فيـه فـلان =وطبعي كل مقفي ملحقـه واشـذب عراقيبـه
نبي نبعد عن المنقود والمشروه مهمـا كـان= ولا نفرح على المسلـم اذا كثـرة عذاريبـه

صاحب السمو الامير خالد بن سعود الكبير

اجل بنشدك عن فيل(ن)يحب مغازل النسـوان= تضيق ابه الاماكن والمداخـل مـن لغابيبـه
يقول إلهن انا الساحر وانا الباهر وانا الفنـان= وهو ياكل شنق غيره وكـل (ن)داري بعيبـه

تـــــــــركــــــــــي

سمعت انه على كبره يحس بعقـدة النقصـان =مجنـد لـه رعـاة تمدحـه وتقـول ياطيبـه
لكن الفيل يبقى فيل يوم أن الحصان احصـان =وضلع طويق ماكل(ن)يبي المرقى يعدي بـه

صاحب السمو الامير خالد بن سعود الكبير

مابين ممسح الريضان وبين ملهـي الرعيـان= غدى ما للجزاله دور ولا لاهل السنـع هيبـه
الا يال الزمان الشين الا يال ضيعة الوجـدان= نزل في سوق ابن قاسم وكل(ن)قال كم هي به

تـــــــــركــــــــــي

من اول كنت يا هداج تيما تـروي الضميـان= لكن اليـوم جمـك مانذوقـه مـن غثاريبـه
لابد الوقت يكشف من هو الرابح من الخسران= وكل(ن)يلتبس له ثوب في قـده يصلـي بـه

صاحب السمو الامير خالد بن سعود الكبير

انا يعجبني الشاعـر قـوي الحبـك والبنيـان= إلى منـه بنـى بيتـه يشوقـك فـن تقطيبـه
اجاذبه العلوم اللـي تونـس والخفـا مابـان= مثل تركي عسـاه يفـوز بالمليـون ويجيبـه

منقووول


أبن مصاول