الشاعر عبدالله بن سبيل رحمه الله ومقتطفات من أشعاره

هو عبدالله بن حمود بن سبيّل الباهلي . . . شاعر علم ( من قبيلة باهلة ) ولد ابن سبيّل في قرية (نفي) بنجد حوالي سنة 1277هـ وفيها توفي سنة 1357هـ . . عاش ابن سبيل ما يقارب ثمانين سنة . . وبعد تولي المغفور له الملك عبدالعزيز آل سعود ولاه إمارة (نفي) حتى توفي ولا تزال إمارة هذه البلدة في (آل سبيّل) حتى الآن . . للشاعر من الأولاد اثنان هما (عبدالعزيز) و (ناصر) وكان عبدالعزيز شاعراً ولكنه لا يظهر شعره ولا يذيعه لتدينه.
ويعد ابن سبيّل قمة من أعلى قمم الشعر النبطي ولا زال ابن سبيّل شاعراً فيلسوفاً راقي الشعر متين الاسلوب . . . شعره منتشر بين الناس يضرب به المثل بالإجادة والإبداع فقد برع في فنون الغزل بصفة خاصة ومختلف فنون الشعر النبطي عامة وشهرته بالغزل فاقت جميع الشعراء وعرف كشاعر غزل يقاس بشعره شعر الشعراء وقد أثَّر بشعراء عصره فقلدوه وتبعوه وأصبح الغزل فن ذلك العصر.
لم يكن ابن سبيّل مستجدياً بشعره أبداً بل كان عفيفاً رفيع النفس لم يمتدح بحياته قط أحداً من الملوك أو الأمراء طمعاً بهباته . . . فلم يذكر له الرواة سوى قصيدة واحدة امتدح بها (محمد بن رشيد) أحد حكام حائل اتقاء شره لا طعماً بكرمه.
تأثر شاعرنا بلهجته وألفاظ شعره ومفرداته بلهجة قبيلة (عتيبة) لاحتكاكه بهم ولم يكن شاعرنا عتيبياً بل كان باهلياً (من قبيلة باهلة) ولكن لمعايشته (للعتبان) دوراً في لهجته.
كان شاعرنا حضرياً يسكن المدينة ولكنه أولع بالبدو ولوعاً حيث كانوا يقطنون حول قريته بالصيف فتوطدت العلاقة بينهم وازدادت محبيه لهم ومحبتهم له حتى كانوا بحكاياتهم وطرائفهم القاسم المشترك بجل شعره كقوله:

ربيع قلبـي صكـت البـدو حولـه=وتقيـرب المقطـان وأحبنــي لـه

وقوله برحيلهم:

يتلـون مشـهاة البكـار المشاعيـف=وكلـن يبي قفـره قـدم يسهجونـه

وقوله أيضاً في البدو حين وجد مكانهم خالياً بعد رحيلهم:

ياعين وين احبابك اللي تودين = اللي إلى طاب الوطن ربعوا به
أهل البيوت اللي على الجو طوفين = عد خلا ما كنهم وقفوا به
منزالهم تذري عليه المعاطين = تذري عليه امن الذواري هبوبه
عهدي بهم باقي من السبع ثنتين = قبل الشتا والقيظ زل امحسوبه
راحت جهامتهم من الجو قسمين = الزمل حدر والظعن سندوا به
يبون مصفار من النير ويمين =الله لا يجزي طروش حكوا به

ولم تخلوا روائع ابن سبيّل من الحكم والأقوال المأثورة التي راحت أمثالاً بين الناس كقوله:

لا تأخذ الدنيـا خـراصٍ وهقـوات=يقطعك كل من نقل الصميل البـرادي
لك شوفةٍ وحـده وللنـاس شوفـات=ولا وادي سيلـه يحــدر لــوادي

ومن مقومات نجاح شعر ابن سبيّل وانتشاره كونه يصوّر بتعبيره حتى يخيل للسامع أنه يشاهد شريطاً يعرض أمامه فقد كان ابن سبيّل قصصي الاسلوب بشعره يرسم الموقف ويحرك الشخصيات بداخل القصيدة كقوله من قصيدة يحاور بها عذاله متمسكاً بمحبوبته:

ياناس خلـّوا كل وادي ومجراه = قلتوا كثير وقولكم ما لقيته

يقول الشاعر الكبير:

ياالله ياللى تسجد الناس لرضاه = يا وامرٍ خلقه على حج بيته
تفرج لمن سدّه على الناس ما ابداه = راضي على مقسومك اللى عطيته
من شي يسلّ الحال والجسم يبراه = والناس ما يشفونه ان ما شفيته
قلت آه واجرحاه من علتي آه = وان حمّلوني حمل غيٍ قويته
قالوا سفا بالحال ويش اللى اغواه = قلت آ ه ويش المنكر اللى وطيته
قالوا جهلت وبان علمـك لمنهاه = قلت آه علمى يا ملا ما كميته
قالوا طلبنا لك من الله معافاه = قلت آه وحّدته وعفوه رجيته
قالوا هله واحباب عينه نـصحناه = قلت آه هذا واردٍ ما بغيته
قالوا ندوّر لك من البِيض حلياه = قلت آه لو غيره بكفى رميته
قالوا نشاش العُود مالك بلاماه = قلت آه عُود الموز بيدي لويته
قالوا تزوّج كود تدله وتنساه = قلت آه لو خذت اربعٍ ما نسيته
قالوا من اقصى الناس وين انت وياه = قلت آه ما انسى يوم جانى وجيته
قالوا نشوفه عند هذا وهذاه = قلت آه عمره ماعقب حج بيته
قالوا عليلٍ ناقلٍ داه برداه = قلت آه باقرابي وروحي فديـته
قالوا نشير ولا نفع ما حكيناه = قلت آه هرّاج النمايم عصيته
قالوا كثر شيبك وقلبك بعمياه = قلت آه لو قلبى غريرٍ نهيته
مطاوعٍ قلبى بعجفاه وقداه = والى عطى منهاج دربٍ عطيته
ياناس خلـّوا كل وادي ومجراه = قلتوا كثير وقولكم ما لقيته

وعلى هذا المنوال سار شعر ابن سبيّل واستمر حتى كانت له مدرسته الشعرية ومن آثارها بدأ شعراء الغزل يتحولون في طريقة نظمهم حيث فتح أمامهم شاعرنا آفاقاً رحبة جديدة بأساليب حديثة متطورة بطريقة النظم والمعالجة فتأثر به من عاصره وقلده من أتى بعده.
وقد أجمع النقاد على أنه شاعر غزل وهذا لا ينفي كونه مبدعاً بكل معنى يطرقه وهو الأبيات من قصيدته في مدح محمد بن رشيد:

كثيـرات رثعاتـه قليـلٍ سليمــها=اليـا طنـا مـا يسمــع للعـذايـل
واليا بغـا أمـرٍ ما يـداري عواقبـه=يجـي له وجـرانٍ من الغيـظ شايـل
اليا شال غيظه يرذي الخيـل والنضـا=بواريدهـم طالـت بعيـد المخـايـل

أما في الحكمة فهذه أبيات من قصيده لابن سبيّل:

لا تسمـع في هـرج نقـال ولا قـال=خلـه يقـل الحكـي بينـه وبينــك
وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه
مقعـدك مع ناسٍ لهـم عنك منـزال=لا هـم بـراجينـك ولا خـايفينـك
معهـم خبـرك وكايلينـك بمكيـال=على العسر واليسـر هـم عارفينـك
في مجلـسٍ مـالك مقـامٍ وتفضـال=أخيـر مـا تفعـل مقامـك بحينـك

وقوله:

يالله يا عالم جميع الغيوبي = ياللي إلى ضاقت علي الناس نادوه
أشكي عليك البدو عوج الدروبي = اللي إلى هموا لهم مربع جوه
البدو هم وظعونهم هبلوا بي = هني قلب اللي لا عرفهم ولا جوه
شدوا وخلوني على الدار اهوبي = مثل البعير اللي عن السرح ردوه
شدوا ومدوا بالغزال العجوبي = ياليتهم من جملة الحضر خلوه
مركوبه الاشقح عريض الجنوبي = دمث المناكب للمحاويل عفوه

منقول بتصرف من أبن مصاول



ويقول الشاعر في قصيدة مسندها على أبن زريبان شيخ الرخمان من مطير:

يا راكب عشرٍ من الهارباتي=ماوقفوهن في المبيعه للأثمان
أسمان من خام الزمان لقواتي=أسداد ما شافوا لهن طلع نيبان
عن الجمل شمل ومعفياتي=رمل التويبع ما تلاهن حيران
عامين يرعن الحيا مهملاتي=لين أرتكب ني الحم فوق الأمتان
حرايرٍ أصل جدودهن كاملاتي=لهن في غربي شفاء نجد مسكان
هلهن شراراتن عليهم جناتي=طلبهم الحاكم وجنه بكرهان
هايوم ربي جابهن يا عزاتي= شيلوا عليهن ضارب الدرب مشتان
لا عندكم خيفه ولا ....وناتي=وحطو سدير أيمين من غير حقران
والعصر بالصمان عدل المشاتي=تلقى لعلوي به طوارف وفرقان
واليا نطحكم واحدٍ للمباتي=قولوا نعديهن على بن زريبان
رد الكلام بكاغدٍ من دواتي=على ذوي ناصر وخصوه فيحان
أهل بيوتن في القساء بيناتي=يرما بهن أذناب حيلن من الضان
ندوه بأثر ندوه يجون سبحاتي=ولا يتفهق إلا من أحترى السور شبعان
والراويه(1) تدهن الفارغاتي=والبيت باكف مقدمه دثر الأيمان
ومنارتن كنه نثيلة هباتي=ونارٍ سناها مثل صبحن اليا بان
ومركى دلالن نجرهن ما يباتي=ومحماستن دايم على النار حميان
من البن يصفق به ثلاث غرزاتي=ينسف على المبراد والكيس مليان
وان وفرغت الطبخه اليا ذيك تاتي=وانزاح مجلسهن عليهن بشفقان
ثم انشدوا فيحان ستر البناتي=اليا فرعن أو طار عنهن الأيقان
جاني خبر ياحامي الجاذياتي(2)=عما جرالك في الموده من الشان
البكره العفراء الشناح الفتاتي=اللي غدتلك بين راحل وقطان
دورتها بمقومين الصلاتي(3)=وأتعبتني ما بين بدونٍ وحضران
وقالوا تراها مع فريق عطواتي=ولا قاع شيفت مع ورودن لكرزان
ها ثم جاني من رفيقي وصاتي=قالوا ترا لها مع الهيضل الوان
وأثر الطروش علومهم بايهاتي=الله لا يجزي بعضهم بالإحسان
ها ثم جاني رد علمن ثباتي=رديت علم وجاني العلم وكدان
قال البشاير قلت له حاصلاتي=لا شك ما شين على غير برهان
وصفلي البكره عن الواهماتي =قال أحترف ما جيت بعلوم سفهان
يرعونها علوى هل الطايلاتي=ربعن اليا ركبوا على الخيل فرسان
مركاضهم تشبعبه الحايماتي=الشاهد الله يوم زوغات الأذهان
بانت وراعيها أبن قاعد (4)زناتي=عندك خبر علوى بدايد وسلفان
ولا عاد لي فيها من الوارداتي=حضري وهم على الحق عيان

1-جلد الناقه تستخدم لحلب الماء.
2-آخر الخيل.
3-الحضر.
4-فيحان.


القصيدة الأخيره نقلها لكم كتابة من كتاب (كنز من الماضي لشاهر محسن الأصقه) أبن مصاول

ياالله ياللى تسجـد النـاس لرضـاه=يا وامرٍ خلقـه علـى حـج بيتـه

صح لسان الشاعر وتسلم يمينك يابو ضيف الله على هالنقل المميز ..

تقبل مروري ...

سلطان الميزاني.

صح لسان الشاعر ويعطيك الف عافية اخوي بن مصاول

لا هنت على المرور يا أبو عبدالله وقد سرني مرورك

ولا هنت يا وائل على المرور

صح لسانك يابن سبيل

كل الشكر لك يالغالي يابن مصاول ع الموضوع المميز

حياك يا أبو عابد وسرني مرورك ياغالي وحم الله الشاعر الكبير عبدالله بن حمود بن سبيل الباهلي