قصيدة في سهام بنت نايف العدوان

بسم الله الرحمن الرحيم
هذه القصيدة التي بين ايديكم في الشاعرة سهام بنت نايف العدوان التي شاركت في شاعر المليون مؤخرا

وهذه القصيدة كتبها الشاعر خالد متعب القلعا المطيري وهو ينتخي في الشيخ محمد بن زايد ال نهيان

واليكم القصيدة:


على شاشة التلفاز في شاعر المليون
تبين لطيف الروح من نسل عدواني
انا يوم شفته صابني بالضمير طعون
غرامه وحبه يا محمد تبلاني
الا يا هل المليون تكفون ثم تكفون
عطوها من المليون كله على شاني
يا تركي المريخي والله اني بها مفتون
توسط لها ياخوك عند ابن غساني
وجودي على لاماك يالمترف المزيون
وجودي على لاماك دام العمر فاني
عفيفن منزه عن دروب الدنس مصيون
ولاهي غريبه دام الالماس ينصاني
ابا اكتب من الاشعار لين انهم يدرون
أعبر لها بالشعر وبكل وجداني
وانا يا محمد صرت من حبها مجنون
أبيك تخطبها ليه يابن النهياني
يا نسل الحرار اللي بوقت اللقى ينصون
لأنك كريم ومن طويلين الايماني
من شيوخ دون ديارهم باللقا يقفون
يشهدلهم تاريخهم طول الازماني
وختامها صلوا على المرسل المامون
محمد شفيع الخلق بالموقف الثاني

شوفن لعينك وحظن لغيرك ... لكن خفف على نفسك بالأذكار وان القناعة كنز لايفنى...

أثرك هواوي يالقلعا

لكن مافيها ومافي اهلها خيردامهم سامحين لها بالطلوع في التلفزيون وسامحين لها تنافس في شاعر المليون .

صح لسانك يا أبو متعب وعين الحب عمياء وانا أخوك ولا بنت العدوان هذي اللي عدت أصلها الى قيس عيلان وأبلشتنا هي والدكتور الحسن بالعروض الخرطي اللي سمت به البحر الذي اخترعته خراطاً وأسمته بــ(الجدالي ) هههههههههههههههه هذي تنحب؟؟

وبعدين الله من الواسطه عند الدكتور أشهد ان عنده حميا في الأردنيه ولا احد تقدم بعده وقال لها غير مجازه؟؟

قصيدتها أقل من عاديه والقصيده الأول مع جنبها!!

المهم يا ابومتعب الحب لا يذبحك يالرجال



أبن مصاول

هههههههههههههههههه ،
احلى نكته ..

ما أقول الا مثل ما قال أخوي سالم بن ربآح صح لسآنه ..

مافيها ومافي اهلها خيردامهم سامحين لها بالطلوع في التلفزيون وسامحين لها تنافس في شاعر المليون .

أختكم /
ع ــجآزهـ !

المشاركة الأصلية كتبت بواسطة عجآزهـ

هههههههههههههههههه ،
احلى نكته ..

ما أقول الا مثل ما قال أخوي سالم بن ربآح صح لسآنه ..

أختكم /
ع ــجآزهـ !

الله يصح بدنك

صح السان الشاعرخالد ونامالومه لان الشاعر قال

الهواء قدامنا قلفع طميه = يوم لاحلها قطن والدارخالي

صح السانك اخوي خالد

قصيده جميله ياعاشق

تقبل مروري

اخوك الطود