شوفو وش قال حبيب عن فيصل رحمه الله ؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------

اولا : قصيدة الشاعر سلطان الهاجري

نسـبـة الشـــك مـا تلـحـق مداك ومـــداي=يا بــعـيـد النظـر خـلـك بـعـيـد الـنظر
عــظـم الله عـزاك وعـــظــم الله عـزاي=في زميـل القصيد وفـي زمـيل العمـر
ميـر أبعـطـيـك راي وبسـتمع منك راي =بـعـد اخـذنـا مـن الـدنـيا دروس وعبر
كــل قــصـدي بهـالــدنـيا وغــاية مـنـاي=فـــي بـدايـة عـمـر والا نـهـاية عـمـر
اشعر اني كـسبت ارضى جميع ازملاي=وارجـو ان الـمـواصـل بـيـنـنا يستـمر
واحتفظ في غلا اصحـابي وتحفظ غلاي=ولـي وقـار وقـدر ولـهـم وقـار وقــدر
كـم صـديـق رحــل منـا ولا هـو بــجـاي=غـيـبـتـه الـمـنـيـة والـقـضـا والـقـــدر
وأتــمـنـى مــن أصـحـابـي تـلـبـي نـداي=ولك سلامي يا بو فيصل وكـل الشكر

ثانيا : رد حبيب العازمي على القصيدة

يا حـميـد السجـايا لـيـش تبحث خـفاي=وانـتـه اللـي عـن الاحـوال عـندك خبر
واعـلم أني عن الزلات اقصر خطاي=واحـتـفـظ بالـمـودة لـو ادوس الـخـطـر
نــظــرتـي للأمـام ولا اتـلـفـت وراي=وكـم تـجـي زلـة وارمـي بـهـا في بحر
والله انـي حـزيـن ومـن عناي وشقاي=احـضر اغياب اخـويه بعد موته حضر
ايه اخـويه ولـو مـا صدقـوها عـــداي=عشرة العمر أخـير مـن الذهب والدرر
مير يـا بـو مـحـمـد وانت قـمة رجاي=دام شـرواك حـي الي الـفـخـر وافـتخر
نـيـة الـخـيـر ارضي والـمـروة سماي=واقـتـدي بـالنـجـوم الـيـا بـدت والـقـمر
أنت راس المروة وانت اعز اصدقاي=وانت سـلـطاـن بن وسـام بـالمـخـتصر

القصيدة منقوله من على لسان الشاعر حبيب العازمي مباشرة هكذا وصلتني بالجوال


(منقوووووووووول)

صح لسان الشاعرين ومشكور على النقل يا نادر

شكرا لك اخوي ابو نادر

وصح لسان الشاعرين لاهنت

صح لسان الشاعرين ومشكور على النقل

كلهم شعار كبار

وصح الله لسنتهم

تقبل تحياتي

شـكــ وبارك الله فيك ـــرا لك ... لك مني أجمل تحية .

صح لسان الشاعرين ومشكوريابو نادر على النقل المميز
تحياتي لك

وش المشكله يابو نادر؟ انت وضعت علامات استفهام

مشكور يبن غلاب بس الظاهر أنت ما أطلعت على مشاركات بعض الاعضاء وإلا ما تكتب هذا الكلام وهذا توضيح اللبس ومهو أنا اللي أقولها قالها حبيب وهذا دليل إن فيه ناس مهي مصدقه








ايه اخـويه ولـو مـا صدقـوها عـــداي=عشرة العمر أخـير مـن الذهب والدر

وشكرا على المرور الرائعر

صح لسان الشاعرين
والله يرحم الرياحي