وقولي لهم اني على طول ليلي**انوح وليا قرب الصبح انهــار( قصة وقصيدة

هذي قصيدة
قالتها أم ترقد في إحدى المستشفيات من فترة طويلة .. وكان سبب دخولها للمستشفى هي عبر ماقالته :

جاء زوجي وطلب مني اذهب معه الى السوق وقال ليي اشتري اللي تبغين وبأي سعر

واشتريت افخم الثياب واجملها وجميع المستلزمات للبيت وغيره ورجعت للبيت مسرورة

وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين

طالق ..

بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير

اخ لها زارها كم مره وبعدين توقف عن زيارتها ..


لما طالت المدة ولازالت موجودة في المستشفى والكل يعرفها وحافظ قصائدها

وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه

حيل على اولادها ولا تدري عنهم شيء فالكل هجرها...

وهذي احد قصائدها تقول فيها:






تكفين يا طيـور حـرار افزعيلـي
ابي عن اديار الاهل منـك الاخبـار


تكفين حومي فوقهم وارجعي لـي
والا ان حصل لك حومة داخل الدار


تكفين حـول ابيوتهـم دوري لـي
سبعة فروخ يوم اخليهـم صغـار


شوفي ضناي وعودي وانكفي لـي
وشلونهم يا علهم صـارو اكبـار


نسيوادفاي ونومهـم فـي شليلـي
وش علمهم ياعلهم طول الاعمـار


قولي لهم أن امكـم لهـا عويلـي
خمسة سنين دمعهـا دوم مـدرار


وقولي لهم اني على طـول ليلـي
انوح وليا قـرب الصبـح انهـار


وقولي عيونها دايم لهـا هميلـي
تبكي ليا شافت مـن النـاس زوار


كل يوم اقول اغدي حديهم يجي لي
راحت سنيـن مابهـم واحـد زار


وانا اللي من سبة سوات الحليلـي
حالي تردت كـل مالهـا وتنهـار


وفرقى ضناي اللي تـردت بحيلـي
كني على شوفتهم اصلى على نـار


يا ويلي كـان الله عجـل رحيلـي
وانا لي سنين ابي لوهـي اخبـار


ياعونة الله الله من يبي يتكي لـي
جارت علي بامرالولي كل الاقـدار


تنكـروا مـن يدخلـون الدخيلـي
واللي بوسط ديارهم يامـن الجـار


قولي لهم ياطيـور قلبـي عليلـي
الله يكافي قلوبهم صـارت احجـار


وانا اللي لبراق الخيـال استخيلـي
واقـول ياعـل (......) للامطـار


.تكفين وسط ديارهم صوتـي لـي
شوفي عسى لسمي مع الناس تذكار


وقولي لمـن نسيانهـم يستحيلـي
يااللي نسيتوها ترى الوقـت دوار


ياهيه ياللي بالسمـا لـك هديلـي
ردي خبر تكفيـن يكفينـي امـرار


شوفي اكااللي نومهم فـي شليلـي
من اذان المغرب الى وقت الاسحار


شوفي اكااللي مااهتني في مقيلـي
الا بمقيل معهـم كبـار و صغـار


وقولي لهم ان كان حملـي ثقيلـي
مره يجون وعقبها شي مـا صـار


وانـا يتولانـي كريـم جليـلـي
يا علني في جنته وسـط الابـرار

سبحان الله دايما جذيه

الرياجيل مالهم امان

والحين عقب العشره يحذفها اقل شي

ما ينسى العشره الي بينهم

لاحول ولا قوة الا بالله

قصيده حزينه وتعور القلب

عسى ربي ياخذ بحقها من زوجها

يـ ع ـطيـك الـ ع ـآفيـه ع القصيـده المـحـزنـه وتسلـم وتقبـل تـحيـآتـي

الله يستر عليك يا الريم عسك مصراين مثله

مشكورا يامشعان نكبر وننس هذاي الحياه