شاعر يرثي ابنه الذي لم يذق الحياة ( مؤثرة جداً )

ما أراني فاعلاً في الليـل إن أرخـى سدولـه = ما أراني فاعلاً والصبح قـد حـان احتضـاره
طفلي اللي مات في اول يوم مـا ذاق الطفولـه = عاجله سهم القـدر واختـاره الله فـي جـواره
طفلي اللي مات في غمضة طرف ما حال حوله = يوم عمر الآدمـي مـا كـان يومـاً باختيـاره
يا وجودي يوم لفّـوا شاحـب الأكفـان حولـه = مـا تقـول إلا شظيّـة لؤلـؤٍ داخـل محـاره
يا وجودي يوم أطالع فيه,في عرضـه وطولـه = تنتحر في العيـن منـي دمعـةٍ كنْهـا شـراره
نفس عين آبوي عينه بل ونفس الـزول زولـه = وبالأماره فيه مـن عمه(شبيـبٍ) كـم أمـاره
جابه الله مثـل هتّـان المطـر ساعـة هطولـه = ديـمٍ احيـا بهجـة امـه تـارةٍ وآبـوه تـاره
ويوم شاف الشرّ من صوب آهلهْ يشعب ذلولـه = حطّ دون صدورهم صدره من الرحمـه ستـاره
ومات تـوّي مـا بعـد بإيـديّ لبّستـه نعولـه = مات توّي ما بعـد ساويـت فـي ثوبـه زراره
كنّ عينه يوم مات تقول:بابا, ويـش هـو لـه = يوم تبكي وانت تدري مين انـا ذلحيـن جـاره!
كلنا راحل وخيـر النـاس مـن زوّد رحولـه = باغتنام الصالحـات وكـلّ كسـرٍ لـه جبـاره
طفلي اللي صوّبت كبده قبـل ساعـة وصولـه = بندقٍ من عين حاسد واودعـت قلبـي طشـاره
يا وجودي ما لقيت أنسـب لمولـودي مقولـه = من مقولة: يا وجه صبحٍ تحـرّر مـن خمـاره
أو ثغـر بـرقٍ تهامـيٍّ تبسّـم فـي ثعـولـه = ضوح مصباحه عليـه يـورّد النجـدي بكـاره
يوم اشيله ما تقول اشيـل شـيٍّ مـن نحولـه = آتشمّم ريحته -مـن فجعـة القلـب- بحـراره
يوم جيت العب معاه وغاب قلبي مـن ذهولـه = يوم ما شفته تبسّم لـي وانـا فأول زيـاره
قمت أحدث عنه نفسي- والعرب حولي وحوله = ليت ما هو ميْتٍ؟إلا ميت! ما تبغـى استشـاره
اتْخنقنـي عبرتـي يـوم آتذكّـر مـا تقـولـه = عنه أمّـه يـوم أنـا فـي ديـرةٍ ماهيـب داره
آتذكّر يوم هو فـي بطنهـا يحـرّك رجولـه= وانتعيرّ:ليت مـا هـو أقشـرٍ؟ لبّـى القشـاره
كم سهرنا معه ليلـه كاملـه مـن كبـر هولـه = لين صرنا نعَرْف موعد قومتـه داخـل قـراره
وان تأخّر ما صحى في موعده قمنـا نصولـه = ننغزه يا مـن يميـن البطـن وإلا مـن يسـاره
ما نبي شيْ بسْ نبي نضحك علـى ردّة فعولـه = ننغزه ويفز خايـف مـا درى ويـش العبـاره
من يدي غيمة على أيـدي الملائكـة محمولـه = غيمةٍ من نـور مـا تشبـه نضارتهـا نضـاره
يا إلاهٍ كل ما فـي الأرض طـراً سبّحـوا لـه = شفّعـه فينـا غـداً واجعلـه لابوانـه بشـاره
فـي نهـارٍ فيـه أعنـاق الشياطيـن مغلولـه = يتلقّفنـا مثـل مـا يلقـف الحـاوي صـراره

لا ادري عن الشاعر الذي قالها .



لكنها مؤثرة جداً , بالذات يوم يلاعبون ابنهم قبل خروجه للنور وبناء علاقة خاصة معه داخل بطن والدته , ثم عدم اكتمال هذه العلاقة بعد خروجه للنور .

يا وجودي يوم لفّوا شاحـب الأكفـان حولـه ما تقـول إلا شظيّـة لؤلـؤٍ داخـل محـاره
يا وجودي يوم أطالع فيه,في عرضه وطولـه تنتحر في العين منـي دمعـةٍ كنْهـا شـراره

فعلآ قصيده مؤاثره جدآ

رحمه الله وجعله الله شفيعآ لهم يوم القيامه

وعوضهم الله خيرآ منه

مشكوور اخوي الله يعطيك العافيه

طفلي اللي صوّبت كبده قبل ساعـة وصولـه=بندقٍ من عين حاسد واودعت قلبـي طشـاره

عوضهم الله فيه وصراحة قصيدة معبرة وقد اتت من القلب والقصائد التي تاتي من القلب تاتي دائماً جزلة قوية مثل هذه

بس اتوقع سبب موته هو:

كم سهرنا معه ليله كاملـه مـن كبـر هولـه=لين صرنا نعَرْف موعد قومته داخـل قـراره
وان تأخّر ما صحى في موعده قمنـا نصولـه=ننغزه يا من يميـن البطـن وإلا مـن يسـاره
ما نبي شيْ بسْ نبي نضحك على ردّة فعولـه=ننغزه ويفز خايف مـا درى ويـش العبـاره

قعدوا ينغزون الورع في بطن امه لآن ذبحوه !!!


نقل موفق يا سالم ولا هنت


أبن مصاول

ههههههههههههههههههههههههههههههههههه



ياابو ضيف الله




عز الله انك جبتها

مشــكور اخووي سـألم بن ربـــــاح عــلى نقل تلك القصيده الـرائعه..
وللمعلوومية فهـذه القصيده. هي للشاعر.. نـاصر الفراعنة.. في أبنه الذي توفي مولودأ..

اشكرك اخي نايف على تنويهك بقائل القصيدة .

وفعلاً هو ناصر الفراعنة .


عوضهم الله خير .



بس لو أنه سلم من نغز الورع .






ان شاء الله يكون لهم شفيع .