قصيدة الوقت

الوقـت والله مايحشـم المناعيـر=لاهو على كيفك ..ولاهـو بـودّك
تصيربه .. اشياء مـاودك تصيـر=والنفس عن شي ٍ يفيدك ... تلـدّك
اصبر على دنياك ... لو مابها خير=لاتشتكي حتى لو الوقـت ضـدّك
وان حدتك سود اليالي على الغيـر=لاتطلـب الا واحـد ٍ مـايـردّك
عليك .. باللـي عالـم ٍ بالمقاديـر=اليا تعبـت وبيّـح الوقـت سـدّك
وان جات للواجب وجا منك تقصير=مالك نعم ... لو سالم الزير جـدّك
بعض المواقف ..ماوراها معاذيـر=اما بخـدّ العـذر ... والا بخـدّك
ومن قدّرك ... لابد تعطيه تقديـر=ولا تعدّه شي .... مـن لا يعـدّك
ولا تبرر للفشـل .... اي تبريـر=افهم .. وميّز بين ضحكك وجـدّك
للكل ند .... ولا يجي ندّك صغير=اعرف ترى مقياس حجمك بنـدّك

منقوول


أبن مصاول

ومن قدّرك ... لابد تعطيه تقديـر
ولا تعدّه شي .... مـن لا يعـدّك

يسلالالالالالالالالام روووعه ذالبيت





مبدع يالذيب

حلانجد

صح لسان الشاعر وتسلم يمينك يابو ضيف الله على النقل

سلطان القحم

خـــــــــــــــــلـــــــــــــــــوها

صح لسانك ابن مصاول على القصيده الجميله

اشكرك على نقلك

مرحبــــــــــــــــــــــا

لاهنت اخوي على القصيده

صح لسانك ولاهنت

اخوي ابن مصاول

يعطيكـ العافيه

تقبل مروري

السلام عليكم ورحمة الله وبركاته

أعجبني البيت اللي يقول

أن حدتك سود الليالي على الغير

لاتطلب الاواحد مايردك

وافي الله يطول عمرك ياأبن مصاول

الله يعطيك العافيه

للكل ند .... ولا يجي ندّك صغيـر
اعرف ترى مقياس حجمك بنـدّك
القصيدة كوم على قولتهم وهذا البيت كوم
وان كنت اتمنى لو ان الشاعر استبدل <مقياس حجمك >بكلمة اخرى وإن كنت اعرف مغزى الشاعر

بارك الله فيك اخي ابن مصاول على هذا الاختيار المميز

للكل ند .... ولا يجي ندّك صغيـر
اعرف ترى مقياس حجمك بنـدّك



يعطيك العافيه على هالقصيده الرائعه

لاهنت

أشكر الأخوان والأخوات جميعاً على مرورهم ولا هنتم وإن شاء الله نضيف ما يروق للجميع ويرتقي الى ذوائقكم الرفيعه