مدح في سعيد الميزاني(الداب الاسود)

هذه القصيدة في الشاعر المعروف الكبير / سعيد القحم
في الحفل الذي اقامه في ضيافته لقبيلة مطير عامة و الموازين خاصة بمناسبه
شفاءه من الوعكه الصحية التي لمت به ..............

سلام يلي سمعته ترفع الراس = وجمعت كل مطير من كل ديره
وصدق صديقلك ومن نايد الناس =كلن نصا حفلتك ويقول خيره
ولو ان مالك مع هل الطيب مرواس =مجوك ربعك والجموع الغفيره
في حفلكم يطيب الجد والساس = ياتاج راسي فلعلوم الكبيره
وقصيدتي في مثل شرواك نوماس = وانا اعتبركم من عيان الجزيره
وبوك مانحصي فعوله بقرطاس =من يم ربعه مايعد الذخيره
يومنها بسيف وشلف والماس = وكلن يبيع النفس دون القصيره
واليوم امان وحكم وفلوس بكياس = وقبايل(ن) مثل الخوان وعشيره
في حكم ابو متعب ليهب نسناس = دون البلد يضرب بسيف(ن)شطيره
وحنا جنوده نلبس الدرع والطاس =ويضربنا وسط البحور الغزيره
والمملكه نفدي ثراها وحراس = ومن دونها ندعس وجيه المغيره
وتمت وصلوا على سيد الناس = والمعذره يهل الوجيه السفيره

الشاعر المبدع جابر صح لسان يا غالي وقصيدة رائعه ويستاهل سعيد الميزاني المدح ويحري به ..

واليوم امان وحكم وفلوس بكياس=وقبايل(ن) مثل الخـوان وعشيـره

نعم مثل الأخوان واكثر ولله الحمد

بس فلوس باكياس قوووويه ههههههههههه يا أبو كايد

صح لسانك واعتلى شانك

تقبل مروري وأستمتاعي بقرأة هذه القصيدة ..

صح بدنك يابن مصاول واشكرك من اعماق قلبي على مرورك العطر

صح لسانك اخي جابر وابو عيد يستاهل كل خير

ابوكا يد صح السا نك وبوعيد كفوتقبل مروري وحترامي

ابو كايد كما قلت لك انت شاعر في صعود وان شا الله تصير من افضل الشعار وقصيدتك هاذي ممتازه

وفي شاعرن يستاهل ابو عيد

ابوكايد فيه ملاحضه ان شاء الله تستفيد منها فيما بعد وهي بسيطه جدآ

الشطر اللي تقول فيه

دون البلد يضرب بسيفن شطيره

فانت عسفت البيت لان سيوفن ماتجي وشطيره جمع سيوف لان كلمة سيف لاتجي مع شطيره كلمة سيف مفرده

وشطيره جمع سيوف فلوا بدلت الكلمه بأفضل منها لكانت احسن وانت شاعر يكايد بس حاول تركز شوي وانا واثق انك انك شاعر مبدع ولك مستقبل

وانا والله يابو كايد انني اتمنا لك الخير ولا المقصود من كلامي انني انقص من شعرك بالعكس

يهمني امرك وانت اخ عزيز اتمنا لك التوفيق

صح السانك اخوي جابر كايد الميزاني
والداب الأسود يستاهل الطيب
وتقبل مروري

صح ابدانكم جميعا واشكرك يابو على الملاحظه وانا والله انني اعتبرك استاذي وملاحظتك في مكانها

صح لسانك شاعرنا كايد وابوعيد يستاهل المدح وان شاء الله مايشوف شر

صح بدنك يابن مشدد على مرورك العطــــر