العروق الرهينه

من عشق ذاتي وعيني من قطعها من وصلها =من عتق بعض العروق وبعظها الاخر رهينه
من تركها في طريق اوهامها تمشي مهلها = وظما قتال والوحشه عمر والوحده لعينه
من نقض وجه الحقيقه بالغلا واللى فتلها =لا بكت عين الغريب وفاضت انفاس المدينه
في دروب (ن)تمتلي حيره وصمت اللي سئلها = نظرت (ن) تسال عن اللي جابت القلب بحنينه
بعد ذاب العرق وسط العرق بالنفس واملها =قلت جاب العشق نفس(ن) مارضت يوم بغبينه
والهوى له لذه بعد العنا نلقا عسلها = لذته من طعمها الارواح برواح سجينه
الوفاء سجان والاقفال صدق اللي قفلها= في بحور مالها غير البشر موج وسفينه
يوم انا الغرقان والمسجون عشق في زعلها = رضي (ن) برضا وليفة خاطري نبضه وعينه
سيدة روح الحياة وجدها البعد وهزلها = هي ثمينه كان راحت وان لفت عندي ثمينه
والعهد من بيننا يقهر نفوس(ن) في عللها = علك الله ياعذول(ن) ماتعرف الا الرطينه
ما سواها لي مشاعر قولها وافق عملها = ما سواها لي سكون وكون وحلام وسكينه
جلها في دقها ياغيمها ولا نخلها = سهلها في صعبها ياموقف اللي محكمينه
ثقلها في عقلها يا جابها واللى عدلها = بوحها في صمتها شيء ولا انتم مدركينه
زينها من طبعها لن شالها ولا نقلها = ما سوا طبع الذهب دام الحيا قفل وخزينه
جمل الله عشق قلب(ن) حبها حتى ثملها = واصبحت مال وبنون وزينة (ن) من فوق زينه

مافيك حيلة يابن كايد . .

صح لساآآآنك ولا هنت ع هالقصيدة . .

الله يعطيك العافية .

ارجو من الاداره تعديل التنسيق بشكل الصحيح وشكرا

مافيك حيلة يابن كايد . .

صح لساآآآنك ولا هنت ع هالقصيدة . .

صح لسانك وشاعر لاغبار عليك الى الامام
وبيض الله وجهك

صح لسانك ياجابر وقصيده جميله ولاهنت اخوي

صح لسانك أخوي جابر على هذه الرائعه وهي تعتبر من روائعك وأجمل قصائدك على الأطلاق

صح لسانك وأعتلى شانك وبالنسبة للتنسيق قد تم ولكي تعرفوا التنسيق وبعض المستجدات عليه زورا هذا الرابط
http://www.almouazeen.com/showthread.php?t=1874&page=2

وهناك أخطاء طباعيه نرجو الكتابة بتروي حتى لا تخرج القصيدة بأخطاء إملائية قاتله ...

أبن مصاول: تم تعديل بعض الأخطاء الإملائيه

بيض الله وجهك ياجابر
هالقصيده من أفضل قصايديك
اشكرك بعنف

شكرا شكرا على كل من علق على القصيدة فردا فردا كلا باسمه ومروركم وسام

على صدري اتشرف به

يعطيك العافيه ماقصرت بيض الله وجهك