فيها دلع بنت الشمال وكبريا بنت الجنوب

القوام الفــــارع الممشـــوق ذبـاح القــلــوب
********************** تمايلت قـدام عينـي قلـت ياديـن النبي

فيها دلع بنت الشمـال وكبريـا بنـت الجنــوب
********************* ماقـول كلـي هـام فيهـا .للأمانـه أغلبي

هذيك لامنها مشت باسـت خطاويها الـدروب
********************* وتقول تحت أقدامهافديت ماطاك أرحبي

قمت أتهجى حسنها اللامنتهي من كل صوب
******************** كني طفل قام يتهجى ترجمة فيلم أجنبـي

مرت تقل كنها تـقـود الغيـم وفلـول الهبــوب
******************** وإليا تقفتها الهبوب بظهرها قمت أحبـي

تلعـثمـت فـينـي المشاعـر آتثيقـل ثــم أذوب
******************** عجزت أعبرباللسان وقمت أعبر بركبـي

كنها تعذب من يناظرهاوهــويصرخ أتوو
******************** لا بارك الله في اللثامات الجديدة والعبـي

بنت أغنيا مصبوب فيهاالعـزوالهيبـه صبوب
******************** متغطرسه تاخذ قبل لا يسئلوها وش تبي

تمشي وتملاها الثقة في نفسهـا ماهـي لعـوب
******************* عزي لحال إللي يقــول أقـدرلها لأنه غبي

والله لو صب البحرالأحمر لها في وسط كوب
******************* من بعد ماحلاه ثم سـواه شاهــي مغربـي

ماطال منها مايطـفي جمــر فـي جوفـه شبـوب
******************* عزاه له يمشي وراها حاله بحــال الصبي

برج العرب لو شاف ماشفته بها وقت الغروب
*******************بيقول ودوني :الخبروالله ماأقعــد في دبــي