على الجسر عارضته يبا يدخل البحرين

على الجسر عارضته يبا يدخل البحرين .. وأنا مختتم أوراقي دخول السعوديّة
عرض لي على فكسار زيتي موديل ألفين .. جروح الغرام الميّته عوّدت حيّه

ولكن على ما قيل مقفي وهم مقفين .. لو إنّ المولّع بين هذي وهذيّه
شخصني بـعينٍ كنّها السيف أبو حدّين .. وأنا أقول يالله منك رحمه وماويّه

ولا عاد عندي غير وحده من الثنتين .. أغض النظر ولا أتراجع عنّ الجيّه
يورّالي إن القيد قد طق فـالرجلين .. ولا عاد تقضب طارة الموتر إيديّه

غشاني من الله رهبة التايب المسكين .. ليا شاف عمره كنّه الشمس والفيّه
عزاي السنين اللي مضت خمسة وعشرين .. حلالاه ياعمر الونس والعزوبيّة

سنينٍ تقفّت مع بعضها بـلمحة عين .. عليها القصايد كلّبوها وداعيّة
رسوم المحبّه ما إنمحت لو يطول البين .. لها في ضميري ختم أمارة وجاهيّه

حسيبي على الفكسار ومورّد الخدّين .. بروا حال من حاله من الودّ مبريّه

يـ ع ـطيـك الـع ـآفيـه يـآعـبـدالـوهـآب ع نقلـك الـرائـع دآئـمـآ وتقبـل مـروري

مشكورا مشعان