أما مواقف رجل ولا بلاشي !!

	بسم الله ثم بسم مطير ,, يقول الشاعر المطيري (( فلاح بن بليعيس بن عريج الميموني المطيري )) وهو يتكلم عن البخلاء العفون !!! أترك رفيقن صحبته ضحكة سنون أما مواقف رجل ولا بلاشي ,, بعض المعارف دون معنى ومضمون برقن تخيله في بعيد المناشي ,, ويا كثرهم لعلهم مايثنــّون وياويّ أجسامن سترها القماشي ,, وإليا بدت حالتك من دون في دون يحسب بعضهم من حساب المواشي ,, وإن قلت أنا قادر على فلان وأمون دقّك بدينن وصك باب النقاشي ,, وإن جيت ذاك وقلت أبي منك العون منك إنزعج وأصبح بوضع إرتباشي ,, يقول ماعندي وأنا رجل مديون وعلى ديوني ما يلحّق معاشي ,, وأن قلت عطني موترك قال وشلون عندي شغل بكره مع الفجر ماشي ,, وأبوي حرصني وانا ما أقدر أخون إحرص على موترك حذرا يناشي ,, نبي نبيعه فيه ناسن يسومون الصبح بدري والثمن فيه كاشي ,, وأنشهد إن الوقت جاير وملعون الذيب ثعلب والجمل صار حاشي ,, راحوا رجالن للقرابه يحامون أقصورهم راحت سوات العشاشي ,, وأهل الصقور اللي لها قبل يشرون فكوا جميع سبوقها بالدشاشي ,, وسلامتكم وصح لسان الشاعر الكبير ...

سلمت يمناك

بعض المعارف دون معنى ومضمون=برقن تخيله في بعيد المناشي ,,
ويا كثرهم لعلهم مايثنــّون=وياويّ أجسامن سترها القماشي

صح لسان الشاعر فلاح بن بليعيس بن عريج على هذه الرائعه وسلمت يمينك اخي الجلغم لنقلها الى منتدياتنا

لله درك يا غالي ومشتاقين يالجلغم ومن طول الغيبات جاب الغنايم يالميموني ؟؟؟

الف مرحباً بك وعوداً حميداً


اخوك ابن مصاول

يعطيك العافيه

عساك على القووة

صح لسان
الشاعر
فلاح بن بليعيس
على هذه الرائعه
وسلمت يمينك
اخي الجلغم

صح لسان الشاعر فلاح بن بليعيس بن عريج على هذه الرائعه وسلمت يمينك اخي الجلغم لنقلها الى منتدياتنا