قصيــــده عـــن شبـــــــــــاب اليـــــــوم ........يــــاكثر الاصحـــاب

يا كثر الاصحاب يــــوم اللعب والدشره
يوم الملاهـــي تدوّر مــــن يلهـــيـــــها
مــن اول شقــتي بالناس محتشــــــــره
يــــوم العزوبية الـــي كنت مغليهــــــا
واليوم لا عــــاد لا خــوه ولا عشـــره
الله ولا رفـقــة هـــذي تواليــهــــــــــا
ناس مع المصلحـه عشره علـى عشره
وان حــدك الوقت حــدة لك جنابيــهــا
اللـي حياته مــع البيلــوت والنشــــره
واللــي يحب الدشــوش ولاهيٍ فيهـــا
واللي على الخط دايم فاغـر الكشـــره
سمّـاعته طــول ليلــه مــا يوطّيهـــــا
واللــي مزاجه مع القصات والبشـــره
مالـه هدف والنصايــح ما يدانيــهـــــا
واللـــي مع الناس لا يفقه ولا يشـــره
شقــراً مع الخيل لا هجّــت تباريهــــا
ذي عيّـنـه في شباب اليــوم منـتـشـره
عسىالذي جابها من الارض يمحيهــا
اهل الـمصالح معـرّفتهم كمــــاالقشره
لا نظّف الراس بالصــابون ينهيهــــا
هـــــذا كلامٍ علينــا واجـــبٍ نـشــره
وما تحرق الجمــره الا رجل واطيها
0
0
سعــد بن جـــدلان0

قصيده جميله ومعبره عن الشباب والضياع واللهو الذي لا يجني الانسان منه اي منفعه تذكر ..

مشكور على المرور
اخوي راس الضلع
ولاهنـــت