مجاراه للشاعر/ تركي 2000( والخلطه السريه)

هذه قصيده متواضعه وهي مجاراه للشاعر / تركي الميزاني وقصيدة (الخلطه السريه)
لو اني مو واصل لمستوى تركي شعراً وصوتاً لكن تضل محاوله فقط لاغير.

ياحبيب القلب حبك شب بي نيرانـي=شب في قلبي وزاد الكيه فوق الكيـه
انجضه بالبعد واصبح جايد وحرقانـي=واعذابي منك مابك رحمـه ومأويـه
منك عفت من المنام وصار مايهناني=فالفراش ابكي وأون لطلعة الفجريـه
غبت عن عيني وانا يازين لك ولهاني=احسب ايامي واعد الصبح والعصريه
آتصبر في غيابك وابـدع القيفانـي=ماجداي الا الشعر ومجـاذب القافيـه
آه يامبعد (ثول) عن ديرتك ميسانـي=ماتجي في ساعتين بموتـري موليـه
لو؟ بيمديني سريت وجيت لك عجلاني=لين اضمك فوق صدري من غلا بيديه
مابقى كود إشعره بيني وبين اجنانـي=والله اعلم تنقطـع والا تجمـل فيـه
مايـلام بماجرالـه تركـي الميزانـي=لو حذف غترته ياهل العرف والطاقيه
اشهد انه شاعرٍ مبدع شعر واللحاني=والدليل بحبكتـه (للخلطـه السريـه

صح لسانك يا سعد أشهد انك شاعر ومبدع يا غالي ...

وصح لسانك مليون لهذه الرائعه يا شاعر الحرث

لقد مررت من هنا واعجبتني القصيدة ومجاراتك الناجحه لتركي2000 وقد أجدت يا سعد فأستمر وأزدنا من مخزونك ونحن بالإنتظار..

ابن مصاول : سلم لنا على (ثول)

صح بدنك


يبن مصاول


وتركي 2000


يعلم الله انه شاااعر

مجراه طيبه من شاعر طيب ان شاء الله

اتمنى لك التوفيق

صح لسانك يا سعد أشهد انك شاعر ومبدع يا غالي

الف شكرا لمن قااام برد علي مجاااراتي

وتركي 2000 شاعر ومبدع

وصحت ابدانكم جميعاَ

صح لسانك يا ولد العم ولا هنت

والكل يشهد بفحوولة تركي الشعرريه

عساك دووم بهالتميز

اخوك

ريان الحارثي