اقتباس:
المشاركة الأصلية كتبت بواسطة أبن مصاول
هذه القصيدة تنسب أيضاً شرعان بن فهيد بن فاران بن رمال الشمري حيث يقول:
ياراكـب ثنتيـن يشـدن الاقـواس=مـن دار ريضـان الحجـر حركنـي
مافوقهن ياكود الدويـرع وجـلاس=وسفايـفٍ بيـن أربـعـه يلعبـنـي
تحركن من عندنـا حيـن اللإدمـاس=ومضـى سـواد الليـل مابركـنـي
حطن علم عذفاء يسارٍ مـن الـراس=والظهـر مـن ورد الحفـر يشربنـي
حطوا لهن مع هثلـة البـدو بـلاس=عن الحضر واللـي بالخـلا يسرحنـي
وإليا لفيتوا عنـد مدقـوق الألعـاس=الجـادل الـلـي بالمحـبـه محـنـي
قولوا على حبل الرجا نطوي اليـاس=والبيـض غيـره كلهـن يحرمـنـي
لو يندوي جرحـي دويتـه بزفـواس=وابني لباب البيـت منكنـم ومنـي
والله يعلـم بالخطايـا والاوجــاس=حب مضى من صغر سنـك وسنـي
مريـت دارٍ ماتقـل جتـه الاونـاس=وونيـت ودمـوع العيـون اذرفنـي
جيت المراح اللي به العشـب محتـاس=عشبٍ على مضرب وسـاده معنـي
محذا سمـاد النـار ومشاقـة الـراس=وثـلاث لايبـكـن ولاينبكـنـي
لي بنت عمٍ ماوطـت درب الادنـاس=ولادنسـت يـوم النسـا يدنسنـي
ضربتها وانا احسب الضرب نومـاس=وطلقتها يوم افخـت العقـل منـي
ياناس كيف العين تبكي علـى نـاس=وكيف العيون بـلا رمـد يسهرنـي
لو ينشكي حبه على الطيـر قرنـاس=اضحى الضحى بمويكـره مستكنـي
ولو ينشكي حبه على قب الافـراس=عيـن نهـار الـكـون لايفزعـنـي
ولوينشكي حبه على ذيب الاخمـاس=يسـرح مـع الطليـان مايجفلـنـي
ولو ينشكي حبه على الميت ما نـاس=يثـور مـن بيـن النصايـب يونـي
ولو البيـوت مشددينـه بالأمـراس=عيـن مـع الخفـرات لا ينبنـنـي
ولوان غوطه وام سنمـان وضـراس=يـدرن مابقلبـي لقلـبـه بكـنـي
تلقى سهل جبه هضـابٍ و منحـاس=وحتى الجبـل بالقـاع صـار متثنـي
وحتى النجوم اللي مع الليل غـلاس=لوينشكـي حبـه لـهـن وقفـنـي
اشرفت راس ضراس من فوق الاطعاس=ولا لوم طـراد الهـوى لـو يجنـي
هليت دمع العين واوميـت بالـراس=ورافقت كور العيـس يامـا ابعدنـي
وابعدت نفسي عن شقا كل وسـواس=البعـد خيـرٍ مـن حيـاة التمنـي
وياعم ياللي طعت بي هرج الأنجـاس=طاوعت هرج الناس واخلفت ضنـي
اطعت بـي ياعـم دايـس ودربـاس=عــوارض صدقتـهـا وابعـدنـي
من لاخذا من درس الاسلاف نبـراس=تمضـي حياتـه بالرجـا والتمـنـي
واقفيت ادير بضامري كل هوجـاس=على وليـف بالحشـا غـاب عنـي
تكبي خواطرهم اليا جيـت عسـاس=ماتقـل انـا منهـم ولاصـار منـي
انا زبـون الحـرد للخيـل مدبـاس=ياكلشن شهـب الشـوارب نخنـي
نفسي تشوم عن التدبلح مع السـاس=ولاعاش منهو عـن خصيمـه يكنـي
لو صرت انا المقلاع ماشلت الاضراس=والمـوس مايقطـع بليـا مسـنـي
يا صار ماربعك على الـراي جـلاس=وجنحان طيـران السعـد يلفحنـي
تصير دومـن للرجاجيـل مـدواس=مثل اللـذي يسمـع صفيـر المغنـي
وانا احمد اللي خالق كـل الاجنـاس=واعطى وساع القـاع مافيـه منـي
دارٍ بـدار ولامناحـاة الانـجـاس=لاصـار مايمنـاك عينـك تـزنـي
في بلدة الغراف مـن جملـة النـاس=ولاني بمن يرجـي الفطايـس تحنـي
دار بهـا الاجـواد لولابهـا الحـاس=دايـم تذكرنـي لـيـالٍ مضـنـي
ابن مصاول |
عذفاء + أم سلمان + ضراس + الغوطه .
كلها اماكن قرى وموارد وجبال في النفود الكبير شمال حائل بعيدا جدا عن ديار ذوي ميزان في عالية نجد والقصيم .
أضافة الى رد عم سعد ابن مشعل المطرفي البلوي عليه لما وصلته الابيات فقال عم سعد ( والد زوجته ) وأسمه هليل ابن عيضه البلوي وورد اسم ابن مشعل صريح :
قولوا لابن مشعل خذ الهرج بقياس = ذي عادة الايام لادبرني
اللي معه ميزن وناموس بالراس = يقدم لاهل عوض النضا كل فني
ويحط له بنن وهيلن ومحماس = ودلال في حيد الوريثه ايجني
وحياة جلاب المطر رازق الناس = يافيك نيات الردى ماطرني
لكن ماابغى اللمس في خاتم الماس = حيث ان فنك مايباعد لفني
« آخـــر الـــمـــشـــاركــــات »
غير متواجد حالياً
رد : لووسمحتو كل الموازين ادخلووو علي الموضوع اللي في المنتدى
