من يرغب المحاورة مع سليط اللسان

صحة اللسنة الشاعرين وبيض الله وجييهكم

سليط اللسان ارحب فيك عند اعضاء هذا المنتدى وبدايه مشرفه والله يحييك بيننا


الشاعر خالي عبد المجيد الضويفري بيض الله وجهك وعز الله انك تستحق الوسام


ابو ركان مشكور على التنسيق

4/12/1430

سليط اللسان

سلام والمبتدي نـوى يسلـم سـلام=واللي يبي الملعبه يلعب على اوتارها

اخذ الرساله ورف الريش طر ياحمام=واليا لقيت الغشيم يزيـن معبارهـا


عبدالمجيد الظويفري

يامرحبا في محل أهل الوفاء والسلام=جيتك وانا أعد نفسي ضمن شعارها
الطير اشوفه بعد ماطار بالجو حـام=ياللي بعثت الرسايل نعرف اسرارها


سليط اللسان

دام البقا يالمرحب والحزام الحزام=اكرب حزامك مع الشعار بمهارها
الساتر الي ستر نفسه في يوم القيام=يارب تغفر ذنوبي وانت غفارهـا


عبدالمجيد الظويفري

انا حزامي جويد ولي مكـان ومقـام=لا تهبد الارض ثم يضـرك غبارهـا
الله يجيرك من الدنيـا ودرب الحـرام=عض العرب ياعميلي عمست اشوارها

سليط اللسان

الفرق شاسع مابين الجهر وملجا الظلام=حاول توسط امورك زيـن بشوارهـا
العاقل الـي يميـز بالحـلال الحـرام=وانت كما المطرقه اطـق مسمارهـا

عبدالمجيد الظويفري

ياللي تعرف الغوارب ماتعـرف السنـام=ان قلت عان الخفـوت تـدور حوارهـا
كلمتك من فوق راسك مثل ضرب السهام=يوم انت مسمارهـا مانقبـل اعذارهـا

سليط اللسان

ضرب الصفا من الصفا وضرب المشد السهام=والديره المحاصره تبقـى علـى احصارهـا
الوضـع عـادي ليـا زاد المـلام الـمـلام=ومنتـه بمجبـور مـار دور علـى غارهـا

عبدالمجيد الظويفري

تبا تضير حوارك مـار عيـا يـرام=خل الجمال ابحدمها تفـرك ازوارهـا
اعرف ترى الوسم يارجال غير الوسام=اليوم عينك تفيـض وهلـت اعبارهـا

سليط اللسان

لا تحسبنك بحر وتحطني بالغمـام=اعرف على مد رجلك كيف اشبارها
البحر يملك درر وانته ملكت الوسام=تحية طاهـره بالطيـب مدرارهـا

صحت السنتكم جميعاً اخواني الشاعر المميز عبدالمجيد الضويفري والأخ الشاعر المفاجأة سليط اللسان وقد تتبعت محاورتكم وكانت رائعه جداً .جداً

والأخ سليط اللسان بعد هذه المحاورة ينقل للمتميزين ويطلق عليه لقب شاعر ..وأهلاً وسهلاً به بيننا معززاً مكرماً

وأشكر المشرف المميز أبو راكان على متابعته للمحاورة وتنسيقها وبيض الله وجهه

صحت السنتكم يالظويفري انت وسليط اللسان .. وعز الله انكم شعار عن حق وحقيق
وبيض الله وجه ابو راكان على متابعة المحاورة وتنسيقها .. تحياتي

صح لسنتكم شعرائنا ويعطيكم العافيه وننتظر القادم ومشكور ابو راكان على المتابعه والتنسيق

اشكر من علق على هذي المحاوره


كما اشكر ابن مصاول على الوسام وعلى الاستقبال الرائع

واتمنى ان تكون هذه المحاوره الاولى وليست الاخيره

ابن مصاول اكرر لك شكري وبيض الله وجهك

شكراً لكل من مر من هنا

وصحة ابدانكم جميعا


والله لا يهينكم

صح السانك الشاعر عبدالمجيد والشاعر سليط اللسان وبيض الله وجيهكم محاورة ممتعه وتمنيت انها طولت صراحه تقبلو تحياتي