:: مال النظر دمعة ولا للقلم حبر :::

ياسعود وين الصبر؟هو باقين صبر =صبري نفذ مع من حياتـي سلبهـا
اقفى وانا عقبه عبرت الشقاء عبـر =هـذي مقاديـره وربـي كتبـهـا
مال النظر دمعـة ولا للقلـم حِبـر =مشاعـراً جفّـت وبْعـده سببـهـا
والخاطر المكسور يوم اجبره جبـر =نـار تلظّـى والمحانـي حطبـهـا
من واقع ايامي وانا اقـول واخْبـر =البعُد جرعـة مـر للـي شربهـا
وانا نهار البُعد قمت اشبـره شبـر =على ضميري بين اخذهـا وجبهـا
الصدر ضايق والصبر مابقى صبـر =والنفس روتيـن التوجـد عطبهـا
ياصدري الضايق ترا الضيق فالقبر= لملم جروحـك والهمـوم اجتنبهـا
والا الفراق امر مراً مـن الصْبـر =كم من غريمٍ دمعتـه فـي هدبهـا
وياسعود شفت العشق واسنينه الغبر =اثـر علـى روحـي وزوّد نشبهـا

للشاعر / مازن العوني

مشكور اخوي فهدقصيدة جميله اخي فهد والاجمل نقلك لها ودم متميز وفي طرحك وانتظر جديدك في مابعد

صح لسان الشاعر مازن العوني
و مشكور يا أخي فهد على نقلك لهذه القصيدة الجزلة

صح لسان شاعرها مشكور اخوي فهد على النقل. الف شكر

صح لسان شاعرها مشكور اخوي فهد على النقل.الله يعطيك
الف عافيه

صح لسان الشاعر ماز العوني

وتسلم على النقل اخوي فهد الشمشم

اخوي فهد شكرا لنقل احساس الشاعر القدير مازن العوني شاعر اعلامي معرووف في كذا منتدى وانا من اشد المتابعين لشعره الراقي ويعجبني طرحه واسلوله


بس عندي سؤال للاخوه ولك انت


هل الشاعر مازن العوني من الموازين ؟




تحياتي لكم

مشكور اخوي فهدقصيدة جميله اخي فهد والاجمل نقلك لها ودم متميز وفي طرحك وانتظر جديدك

والا الفراق امر مراً مـن الصْبـر =كم من غريمٍ دمعتـه فـي هدبهـا

صح لسان الشاعر ومشكور اخو على النقل المتميز

المشاركة الأصلية كتبت بواسطة دخيل الغلإ

مشكور اخوي فهدقصيدة جميله اخي فهد والاجمل نقلك لها ودم متميز وفي طرحك وانتظر جديدك في مابعد

العفوووو ...اخوووي
وشاكر لتواجد
ولك خالص تقديري