تركي بن عبدالله ال سعود...طار الكرى من موق عيني وفـرا

هذه قصيدة مشهورة للأمير تركي بن عبدالله ال سعود أرسلها لأبن عمه مشاري آل سعود يحثه فيها على سرعة الرجوع لنجد ومساعدته على أعدائه وللمزيد عن قصة هذه القصيدة أنظر الرابط
http://www.almizany.com/showthread.p...4505#post24505

طار الكرى من موق عيني وفـرا=وفزيت من نومي طرا لي طواري
وأبديت من جاش الحشا ما تـورا=وأسهرت من حولي بكثر الهذاري
خطـن لفانـي زاد قلبـي بحـرا=من شاكي ضيم النيـا والعـزاوي
سر يا قلم وإكتب على ما تـورا=أزكى سلام لأبن عمـي مشـاري
شيخ على درب الشجاعة مضـرا=من لابة يـوم الملاقـا ضـواري
يا ما سهرنا حاكمـن مـا يطـرا=واليوم دنيا ضاع فيهـا إفتكـاري
أشكي لمن يبكي له الجود طـرا=ضراب هامات العدا مـا يـداري
يا حيف يا خطو الشجاع المضرا=في مصر مملوك لحمر العتـاري
من الزاد غاد لـه سنـام وسـرا=من الذل شبعان من العز عـاري
وش عاد لو تلبس حريـر يجـرا=وامتوج تاج الذهـب بالـزراري
دنياك يا إبن العـم هـذي مغـرا=ولا خير في دنيا حلاها مـراري
تسقيك حلـو ثـم تسقيـك مـرا=ولذاتهـا بيـن البرايـا عـواري
اكفح بجنحـان السعـد لا تـدرا=فالعمر ما ياقـاه كثـر المـداري
ما في يد المخلوق نفـع وضـرا=ما قدر الباري على العبد جـاري
وإسلم وسلم لي على مـن تـورا=وأذكر لهم حالي وما كان جـاري
ان سايلوا عنـي فحالـي تسـرا=قبقب شراع العز لو كنـت داري
اليـوم كـل مـن عميلـه تبـرا=وحطيت الأجرب لي عميل مباري
رميت عنـي برقـع الـذل بـرا=ولا خير فيمن لا يدوس المحاري
ونزلتها غصـب بخيـر وشـرا=وجمعت شمل بالقرايـا وقـاري
وحصنت نجد عقب ما هي تطـرا=مصيونة عن حر لفـح المـذاري
والشرع فيها قد مشـى واستقـرا=ويقرا بنا درس الضحى كل قاري
زال الهوى وألغى عنهـا وفـرا=ويقضى بها القاضي بليا مصاري
وإن سلت عمن قال لي ما تـزرا=نجد غـدت بـاب بليـا سـواري
نعم الصديق إليا سطا ثـم جـرا=يودع مناعيـر النشامـا حبـاري
ومن أمن الجاني كفا مـا تحـرا=وتازي حريمه بالقرايـا وقـاري

الامام تركي بن عبدالله آل سعود


أبن مصاول

طــار الـكـرى مــن مـــوق عـيـنـي وفـــرا = وفـزيـت مــن نـومـي طــرا لـــي طـــواري

صح لسان شاعرها وتسلم يمين ناقلها ..

سلطان الميزاني.

صح لسان الشاعر

ويعطيك الف عافية اخوي بن مصاول

المشاركة الأصلية كتبت بواسطة سلطان الميزاني

طــار الـكـرى مــن مـــوق عـيـنـي وفـــرا = وفـزيـت مــن نـومـي طــرا لـــي طـــواري

صح لسان شاعرها وتسلم يمين ناقلها ..

سلطان الميزاني.

ومن قال سالم وغانم اخوي سلطان والله لا يهينك على المرور الرائع وهذه القصيدة من عيون الشعر النبطي التي رسمت في عقولنا منذ صغرنا ...ورحم الله من قالها


ابن مصاول

المشاركة الأصلية كتبت بواسطة وائل الميزاني

صح لسان الشاعر

ويعطيك الف عافية اخوي بن مصاول

ومن قال اخوي وائل واشكر لك مرورك وتعليقك الرائع


أبن مصاول